Levi 25:14 - Khumi Common Language Bible

¹⁴ Huna khala naini nangchi ly amy cheng tengtawi khaileaung ka-jo ka-van sa nai khala, vang ka-ti apani ai nai tla.

Levi 25:14 ပူးပေါင်းရင်းမြစ်များ

2 NENG SATANG 16:10

Huni leu molam y Asa ly amo i tlang tleaung y kado theu i, sengkrychi hawi pakheng hai bo. Hini neng khala Asa ly khumi phyreichi ai ana amteaung bo.

SAM 10:18

Ana patangra avum nai khumichi hawi nurochi ai, mo mang y pajei bi y ai nai, nang ly nichi i aeu nai raawi tangai pi iy, nichi hawi ai nai molam tara chih pi ai.

LEU KACHENG 14:31

Khumi kamawnchi ai ana nai khumi ly nichi ai sa nai keung Tameuh ai mei aniu y nai ne; na i py khumi kamawnchi ai pahen reng nai khumi ly Tameuh ai chiu nai ne.

LEU KACHENG 21:13

Khumi kamawnchi i vo tangam nai raawi thai ai nai ngai y nai khumi ly mymy naimy kasabawmra hnei nai, vo tangam nai khala ly ami py thai ai ny y.

LEU KACHENG 22:16

Khumi kanangchi ai langseaung pei nai khumi, ti y baly amy i nang chawn ai nai molam y, khumi kamawnchi ai ana nai khumi ly mymy py kamawn acheangryh acheangryh ai.

LEU KACHENG 28:16

Tau by y nai samrang ly mipuichi ai ana reng. Katapawp paleung ka-kawi ai niu ngai y nai samrang ly peang nai deung sau ai.

LEU KACHENG 28:3

Khumi kamawnchi ai pahyp y naimy ana reng nai samrang ly amti amjangchi phra hai reng nai alipui khupui hawi atawm.

LEU KACHENG 28:8

Tangka katy khri pa-rei cha iy, khumichi i tlang tleaung y kho sa naimy nang nai khumi i yhmtheaung katuichi ly khumi kamawnchi ai pahen pi reng nai khumi i kiu y tym vui ai.

Parip nai leu 5:8

Pri peang nai keungchi my khumi kamawnchi ai ana nai py, nichi i nga ai avo nai pei pi y nai hawi ka-dyh ka-dawi so pi y nai py, nang niu nai khala rengrang ti moh. Miteaung kehchi malawn py mymychi tleaung y len nai khumichi i ama hai nai anui y awm u nai ne.

ISAIA 1:17

kahawi so u. Ana piupa naira avum nai khumichi ai sabawm iy, nuro nukai chochi hawi lumai cheaungtichi i nga ai avo naichi ai ama hai nai hawimy, tara leu reita my peang nai awm pa-rei so u,” napi.

ISAIA 33:15

Nangchi ly leu kateng thui katheu u ai nabaly, dei y naimy awm pajau nai ne. Khumi kamawnchi ai li-tapawp ai nai, nangchi i sa thai naira teaung u moh. Un langseaungchi py talam u moh. Khumi ai padei ai nai, takhra hawi y naichi sa ai nai ka-dawn awm naichi hawi amkawm u moh.

ISAIA 5:7

Israela pri ly ati cheaungkhang sa thai nai Areng i kreip akhobai ne; Juda khumichi ly mymy i ui nai kreip keungchi ne. Nichi ly kahawi sa ai, nanai mymy ly athang khai; na i py nichi ly khumichi ai padei u nai ne. Nichi ly hawi nairachi sa ai, nanai mymy ly athang khai; Na i py nichi my ana naira avum nai khumichi ly adyh adawi naira nga ai nai aeu u nai ne.

ISAIA 58:6

“Kai i kawn nai biu hai nai ly pahyp y naimy ana nai ka-dawnchi khai su nai, peang nai sai teng y nai ai khai su nai, ana naira avum naichi ai atleu nai,

JEREMIA 22:17

Na i py nang ly amy i vui dawn khyh nai paleung hawi, amy hawi ai naira naini paleung apei khyh nai ne. Kamngo by y nai khumichi ai padei iy, amy i chengchi ai khrikhri pa-rei ana, nanai Areng my thui bo,” napi.

Ezekiela 22:7

Nang teng y awm nai mary theung i amimi py, amhm ampo ai tahm khai nai by y. Nang teng y awm nai cheng takhra khumichi ai nang ly li-tapawp iy, neampachy lumaichi hawi nurochochi ai ana bo.

Levi 19:13

“Amy tleaung y atho di nai khumi ai, kamjau kamteang khai moh; ami i vawnsai lawm moh. Ka-tham vang pei ai awm nai ly kani dym y naimy pei praw ai nai tla; khawn mang khrairei pei y naimy khai moh.

Levi 25:15

Vai tlenrei pei ali teang nai saneng tym y ryrei ly saneng sanengrei amti amjang theu nai nawi, di ka-lyp khaileaung vang pani pi ai nai tla.

Levi 25:17

Nangchi ly nangmychi cheng tengtawi atapawp moh; na i py nangchi i Areng Tameuh ai tahm khai ai nai tla.

MIKHA 7:3

Nichi ly hawi y sa ai naira y kawp nai khumichi ne. Miteaung kehchi hawi tara chih nai keungchi ly un langseaung hnei u reng nai ne. Sa thai naira haidau awm nai khumi i kangai abang iy, nichi ly hawi y nai katau vanrei dawn u bo.

LUKA 3:14

Naibaly tavaimichi ly mymy teng y, “Kaichi py mana sa ai mo?” napi. Mymy ly nichi teng y, “Ami ai py ano moh, seu py seu rumrang moh; nangmychi i nga nai jirei kawn u,” napi.

I KORINTH 6:8

Ne, na i py nangmychi kypkyp my hawi y nai py sa, tapawp py tapawp: ne, ngamjo ngamnauchi ai raurei.

TARA CHIH NAI KEUNGCHI 4:3

Samrang Jabin teng y tamo ka-ri chungvai takawrei awm; ni ly Israela chengchi ai saneng apomrei khrukhra hai iy, ana pumpi naimy peang bo. Huna nai khala Israela chengchi ly kasabawmra nga ai nai vo naimy, Areng ai kadeaung u nai ne.