Levi 24:8 - Khumi Common Language Bible

⁸ Anawn kani tleirei Areng i mo y tako talam ai nai tla.

Levi 24:8 ပူးပေါင်းရင်းမြစ်များ

1 NENG SATANG 23:29

Nichi ly Tameuh teng y talam nai tako, katalamra tako dei, angbo abawi y nai tako phichi, mai hawi paawp nai katalamrachi, asitui hawi katlen nai takodeichi sa naira y lu sa nai ne. Nichi ly Achura yhm theung y katalamrachi neh naira py abawi ai tla.

1 NENG SATANG 9:32

Kohath nupaichi theung y abawi nai khumichi ly Anawn kani tleirei, Achura yhm i vui khai takhra nai tako sa iy angveirym ai nai tla.

2 NENG SATANG 13:11

Nichi ly dym tlei, khawn tlei mui katuichi hawi bom verei leng patlum nai kapathyprachi, Areng teng talam u. Reita leaungsai hawi sabawi kachai salo y khai takhra nai takochi talam u bo. Dym tleirei muku maisi yhm khaira tleaung y maisichi thawn u. Kaichi ly Areng i leu pei naichi tangai u. Nangchi ly mymy ai khai u su bo.

2 NENG SATANG 2:4

Kai ly kaimy i Areng Tameuh ai chiu ai nai Achura yhm sa ai. Huni Achura yhm ly kai hawi kaimy i khumichi chiu sa ai nai meingtym lawm ai. Huni Achura yhm theung y rimui mui katuichi leng patlum iy, khai takhra nai tako avawrei talam naimy, dym tlei, khawn tlei, anawn kani, lo si pawi kani hawi kaichi i Areng Tameuh ai tahm pasang nai takhra kani kachaichi neng khala, leng patlum nai kapathyprachi talam ai nai ne. Areng ly Israela khumichi teng y hina nai kamta sa jojo ai nai leu pei bo.

NEHEMIA 10:33

Kaichi ly Achura yhm y chiu sa ai nai molam y tako kachai, kani tleirei teicha teinei talam nai, kani tleirei leng patlum ai nai tawnbawichi, anawn kani, lo si pawi kani hawi takhra pawi kanichi i vui katalamrachi, takhra chai parai nai katalamrachi, Israela chengchi i vui kamngo lawi nai kapathypra hawi, Achura yhm i vui takhra aly ngai naichi katalam u ai.

THEU NAI 25:30

Huni sabawi ly Leu Maikawm Pawm i mo mang y khai ai nai tla; kai teng y talam nai tako kachaichi py, sabawi salo y avaw y pa-rei khai ai nai tla.

Kati Nai 4:7

Areng teng y tako talam nai sabawi salo y an kamngau kanih bai iy, huni salo y samtangchi, rimui khauchi, rahumchi, kreip hang khai nai tui kacheangchi khai ai nai tla. Talam nai tako py sabawi salo y awm jojo ai nai tla.

1 SAMUELA 21:7

(Sawla i beram typ keung kalen, Edom pri i khumi Doka ly huni kani y reita tanyn molam kachai sa ai nai, huni meingtym y tym nai ne.)