Levi 23:17 - Khumi Common Language Bible

¹⁷ Yhm dengtheung tleirei tako phi nyhrei syn iy Areng teng y talam patyp ai nai tla. Huna nai talam naira y tako ha harei ai angbo katlen nai tako dei pound palyhrei paawp iy, angchei i chohleng talam nai ly Areng teng y talam ai nai tla.

Levi 23:17 ပူးပေါင်းရင်းမြစ်များ

NEHEMIA 10:37

Kaichi saneng tlei tleirei tyn man nai choh chalu hawi sa nai tako dei, takhra katalamra kreip hang, olive asitui hawi thengthai cheaungkhangchi ai, Achura yhm pathyp pi nai keungchi teng y syn pi ai. Li hlau sa nai avangchira y horei y harei talam nai ai cheaung u nai Levi theaungchi teng y kaichi ly kaimychi li hlaura i amti amjang phy ho phyrei syn pi ai.

THEU NAI 22:29

“Nang i amti amjang hawi thengthai chaluchi py, kreip hang py, olive asitui py, kai teng y talam ai nai tla. Nangchi i chapo chaluchi py kai teng y talam ai nai tla.

THEU NAI 23:16

“Nangchi li hlaura i choh tyn nai neng tym baly, nangchi i amti amjangchi hawi changtha la pawi sa ai nai tla. “Saneng dym baly nangmychi thengthai baichira i, thengthai athaichi pakym achu nai khala, chohboleh nai pawi sa ai nai tla.

THEU NAI 23:19

“Saneng tleirei nang i li hlauchira i amti amjang chaluchi ly nang i Areng Tameuh i yhm y tym hai iy talam ai nai tla. “Beram cho, ti y baly mi-i cho ai ly amhm i kanutui hawi byh ai nai tlo y.

THEU NAI 34:22

“Chajai choh tyn angchei nai neng khala changtha la pawi so u ly thengthai pakym achu nai kaseih neng y, chohboleh pawi sa ai nai tla.

THEU NAI 34:26

“Saneng tleirei nangchi i li, hlaura i amti amjang chaluchi ai, nangchi i Areng Tameuh yhm y syn u ai nai tla. “Beram cho, mi-i cho i ngan ly amhm i kanutui hawi byh ai nai tlo y,” napi.

Levi 2:12

Nangchi saneng tleirei pakym achu nai amti amjang chaluchi ly Areng teng y talam ai nai tla. Na i py huni ai maichamra leng patlum ai nai tlo y.

Levi 23:18

Nangchi saleaung deaungpa ly huni katalamra hawi vanrei no-na by y nai sanengrei awm khyh nai beram cho saryhrei, si katai harei hawi beram katai nyhreichi talam ai nai tla. Huni tawnbawichi ai leng patlum nai khala, teicha teinei katalamra hawi kreip hang katalamrachi py Areng teng y talam ai nai tla. Huni katalamra i mui kahawi ai ly Areng my kawn pi nai ne.

Levi 7:13

Huni takochi bo y angbo phui iy paawp nai takochi py, talam ai nai tla.

Kati Nai 15:17

Areng my Mosi teng y,

Kati Nai 18:12

“Israela chengchi my kai teng y saneng tleirei talam nai athai chalu theung i hawi keh nai olive asitui, hawi keh nai kreip hang hawi, hawi keh nai chohchi py, nang ai kang pei nai ne.

Kati Nai 18:13

Huni teicha teineichi ly nang i vui ne. Nang i yhm dengtheungra y reita leaungsai y chai nai ngiereichi ly huni teicha teineichi cha pajau.

Kati Nai 28:26

Nangchi ly chohboleh pawi sa nai angchei kani y, Areng teng y changtha talam nai khala, jeu achu iy chiu sa ai nai tla, huni kani y kalop sa ai nai tlo y.

MATTHAI 13:33

Mymy ly pata nai leu takhra nichi teng y thui pi bi i, “Kani pri my peang nai ly neampachy my angbo la iy, tako dei ne naira thomrei theung y num be pa-rei phui nai kamta atawm,” napi.

ROM AVANGCHI TENG Y PAWLA I CHA PA NAI 8:23

Huni khyh ny y leang, achi kypkyp py phailo i amtheaung hai man naira nga naichi ly achi i chanau lawn ai naira ajeng iy (huni ly tlang i atleu naira ne.) achi py paleung y tangam teang.

I KORINTH 15:20

Na i py Krista ai ly kadeichi theung i dengdairei pathau nai awm khyp nai bo i, i ngym naichi theung i angthau man nai keung lawn bo.

JAKOB 1:18

Achi ly mymy i atiti sa naichi theung y athai man nai kamta lawn thai ai nai, mymy i ngaingai leu meitang i saho y achi ai ang tapen.

AMTENG HAI NAI 14:4

Hunichi ly angai nai deaungkho y amymy ai chai hai y naichi ny y; nichi ly kachym phyh ne. Hunichi ly Beram Cho i tako nai tleirei y ni teng y abang naichi ne. Nichi ai ly Tameuh i vui y hawi, Beram Cho i vui y py athai man naichi lawn ai nai khumichi theung i dengdairei atleu nai ne.