Levi 22:2 - Khumi Common Language Bible

² Aron hawi ni i chapochi teng y amti pi ai nai leu pei nai ly “Nangchi ly kai i amyn kachai ai thui tamawn y ai nai, Israela khumichi i kai teng y kapathypra talam nai ly tahm ai nai tla. Kai ly Areng ne.

Levi 22:2 ပူးပေါင်းရင်းမြစ်များ

EZARA 8:28

Kai ly pathyp pi nai keungchi teng y, “Nangchi ly amsi pajochi i Areng Tameuh i vui khai takhra nai khumichi ne i, mymy teng y paleung hawi parai naimy talam nai muku tangka, ateaung alangchi py khai takhra nai vawnsaichi ne.

THEU NAI 13:12

nangchi i tapen nai chapo chalu ngierei ly Areng teng y talam u ai nai tla. Nangchi i tawnbawi cho chalu katai ngierei py Areng i vui talam ai nai tla;

THEU NAI 28:38

Israela chengchi ly Kai, Areng teng y kapathypra talam nai molam y, jawi tamang nai awm lawh teu i py, huni katalamra ai kaimy kawn pi ai nai Aron ly lu kati y muku phei thangchi ai nai tla.

ISAIA 52:11

Achura yhm i ateaung khauchi syn u nai khumi bawibawichi awi, Babulon pri i dengdairei, vaimy jeu u! Paka nai atitichi ai kiu hawi py, abi u dei moh. Nangmychi ai apachai iy, mary i nai theu u.

Ezekiela 44:8

Nichi ly kai i Achura yhm y reita kachaichi sa ai nai tleaung y ly cheng takhra khumichi ai sa hai lawh bo.

Levi 15:31

Areng ly tai naira umtang y awm nai Tabynako ai amso ngai hai y ai nai, Israela chengchi i vui Mosi teng y pany hai nai ne. Nichi ly Tabynako ai chai hai y lawh baly dei u takengkei ai.

Levi 18:21

Nang i cho chanauchi ai Mole tameuh teng y leng patlum ai nai pei moh. Huna nai sa nai ly nangmy i Areng Tameuh ai tahm khai y nai ne.

Levi 19:12

Sa khyp ai ny y pui naimy kai i amyn y tau iy leu adeu moh. Huna nai sa nai y kai i amyn taphra moh. Kai ly nangchi i Areng Tameuh ne.

Levi 20:3

Ami mi py my i cho chanau ai Mole tameuh teng chiu ai nai pei nai molam y, kai i Tabynako ai chai hai y iy kai i amyn thui tamawn lawh baly, kai ly ni ai meimai hi pi vui iy kai i khumichi theung i nai nyn va vui ai.

Levi 21:6

Ni ly kachai awm ai nai tla; kai i amyn thui tamawn moh. Ni ly kai teng y teicha teinei katalamrachi talam pi nai keung ne i, chai ai nai tla.

Levi 22:1

Areng my Mosi dengdairei

Levi 22:32

Kai i amyn kachai ai thui tamawn moh; kai ly kachai ne, nanai Israela khumi bawibawichi my pany u ai nai tla. Kai Areng ly nangchi ai chai hai bo.

Kati Nai 18:32

Talam naichi theung i hawi keh nai ai Areng teng y talam nai bo y cha baly, nangchi ly kamngo tlo y. Na i py nangchi ly Israela khumichi my pei nai katalamra theung i hawi keh nai ai, Areng teng y talam y rai khala, cha nai molam y, huni katalamra ai chai y naira lawm vui y ai nai pany ai nai tla. Nangchi chai hai y nai sa lawh baly, nangchi ly dei u ai,” napi.

Leu Thui Nai 15:19

“Nangchi i si hawi beram cho chalu katai bawibawichi ly nangchi i Areng Tameuh i vui y khai takhra ai nai tla; si chaluchi ai kalop so hai moh, beram chalu ai py mui takip moh.