Levi 21:8 - Khumi Common Language Bible

⁸ Ni ly kai teng y teicha teinei kapathyprachi talam pi nai keung ne nai deaungkho y, khumichi ly ni ai khumi kachai, nanai palawn ai nai tla. Kai ly Areng ne. Kai ly kachai ne i, kaimy i khumichi ai py chai hai nai ne.

Levi 21:8 ပူးပေါင်းရင်းမြစ်များ

NEHEMIA 13:29

Aw Tameuh, huni khumichi ly pathyp pi nai keung kalop py, pathyp pi nai keungchi hawi Levi theaungchi teng y nangmy sa nai leu Maikawm py, mana tahm khai u y na mo, nanai pany ba.

THEU NAI 19:10

Areng my Mosi teng y, “Khumi mipuichi teng y Areng ai chiu ai nai molam angveirym ai nai vaini hawi khawndam ly amymy ai apalum apachai ai nai thui pi. Nichi ly mymychi i ateaungchi pasiu iy,

THEU NAI 19:14

Naibaly Mosi ly mawi i nai satla kathiu iy khumichi teng y Areng ai chiu ai nai angveirym hai bo. Naibaly nichi ly ateaungchi pasiu u nai ne.

THEU NAI 28:41

Huni baichu ateaung alangchi ai nang i amjo Aron hawi ni i chapochi ai hini ateaungchi amthyp hai; naibaly nichi ly kai i kalop sa nai keungchi lawm ai nai olive asitui leih iy, tahm palyn pi ai nai tla.

THEU NAI 29:1

“Pathyp pi nai keung y kai i kalop sa ai nai Aron hawi ni i chapochi ai, hina nai kamta au ai nai tla. No-na by y nai si katai beaungjeaung harei hawi beram katai nyhrei syn.

Levi 19:2

Israela khumi mipuichi i vui leu pei nai ly “Nangchi i Tameuh, kai Areng ly kachai ne nai deaungkho y, nangchi ly chai ai nai tla.

Levi 21:6

Ni ly kachai awm ai nai tla; kai i amyn thui tamawn moh. Ni ly kai teng y teicha teinei katalamrachi talam pi nai keung ne i, chai ai nai tla.

Levi 22:16

huni katalamra ai chai hai y nai so moh. Huni katalamra cho ngau y nai khumi cha lawh baly, kamngo sa nai ne i pajeng naira avum ai. Kai ly Areng ne i, huni katalamrachi ai chai hai nai ne,” napi.

Levi 3:11

Kalop amsi nai pathyp pi nai keung ly hunichi ai maicham salo y leng patlum ai nai tla.

MALAKHI 1:7

Nangchi mei aniu y nai sa nai leaungsai ly kai i maicham salo y chai y nai teicha teineichi talam nai deaungkho y ne. Naibaly nangchi my, “Kaichi ly nang ai ati mana tahm khai y nai kasa u lawh mo?” nanai deng u bi bo. Nangchi i tahm khai y nai leaungsai ly kai i maicham ai mei aniu y nai sa nai ne.

Kati Nai 28:2

Israela chengchi ly Tameuh my kawn nai teicha teinei katalamrachi ai dawn yb nai neng khala talam ai nai tla, nanai leu pei nai ne.

JOHAN 10:36

‘Kai ly Tameuh i Chapo ne,’ kang napi nai deaungkho y, Ampo i khaileaung pri y pato nai hawi khai takhra nai keung teng y, ‘Nang ly Tameuh ai thui tamawn,’ na u lawh a?

JOHAN 17:19

Nichi ly leu meitang y khai takhra nai awm thai ai nai, kai ly mymychi deaungkho y kaimy ai akhai takhra bo.

HEBRAI 10:29

hunaibaly Tameuh i Chapo ai kheu anui y chiu nai, mymy ai chai hai nai leu maikawm thi ai ly atiti rumrang y palawn lawh iy, pahenra Phailo ai pangaw hai nai keung i tlang tleaung y ly mana tanrei pajeng naira ty keh nai patang ai nai ataing, nanai mana dawn u mo?

HEBRAI 7:26

Hunai kamta pathyp pi nai keung kalen keh, khumi kachai, ka-di ka-de y nai, anyng akau y nai, khumi kamngochi teng i nai awm takhra iy, kani tleaung y salo keh naira y tym hai nai ly achi i vui awm angchi yb nai ne;