Levi 2:4 - Khumi Common Language Bible

⁴ Takeang tleaung y paawp nai tako hawi talam ai na baly, takora y angbo abawi ai nai tlo y; tako dei hawi olive asitui katlen iy sa nai tako phi katho py ne sy, olive asitui hawi kaleu nai tako phi kangpo py ne sy, talam pajau.

Levi 2:4 ပူးပေါင်းရင်းမြစ်များ

SAM 22:14

Kai i atho ly khaileaung y beu nai tui kamta phuirawm veng bo. Kai i hiu bawibawichi ly athlengthlai pawn bo. Taku theung i paleung pakawi ly tlawn vui nai phajeaungdeng kamta lawm bo.

THEU NAI 12:8

Huni vum y mawi dang iy angbo abawi y nai tako, an ngam kakhochi hawi cha ai nai tla.

THEU NAI 16:31

Israela chengchi my huni teicha teinei ai, “Manna tako,” nanai palau u bo; huni tako ly maheu hm ka-tawm abawi nai tako ne. Huni ly kaleung iy khawi hang katlen nai tako kamta cha nai hawi parai.

THEU NAI 29:2

Asitui taheang nai tako, asitui katlen nai takochi syn, huni takochi ai angbo abawi y nai chajai tako dei hawi sa ai nai tla.

ISAIA 42:1

Areng my, “Hini khumi ly kaimy atho awm hai nai, kai i miseaung, kai i paleung kangai vawi patyp nai khumi ne. Kai ly kaimy i Phailo ai ni teng y kawi hai ai. Ni py khumi cheng cheaungkhangchi ai, ka-dyh ka-dawi naimy peang ai.

ISAIA 61:1

Areng i phailo ly kai ai sa thai naira angym hai bo. Khumi kamawnchi i vui satang kahawi syn pi iy, paleung phra naichi i no-na hawi hai bo; pri pala nai avum nai khumichi hawi theaung tla nai khumichi ai law tleaung naira nga nai satang thai hai ai nai, mymy ly kai ai vawi takhra iy pato bo.

Ezekiela 46:20

hini meingtym ly pathyp pi nai keungchi i kamngo ahui nai kapathypra, ti y baly sa tamang nai kamngo ahui nai kapathypra talam ai nai mawi byh naira, tako dei katalamra paawp nai meingtym ne. Hunai deaungkho y khumichi teng ka-jeira tym y ai nai, katalamra kachai ngiereichi ai, apai angam mang i ly-um y patheu ai nai avo y,” napi.

Levi 1:11

Ni ly huni tawnbawi ai maicham i tosyh ngan mang y tleh ai nai tla; pathyp pi nai keungchi ly huni tawnbawi thi ai maicham makeng palyhreira y katheng prei ai nai tla.

Levi 10:12

Mosi ly Aron hawi ni teng y vai awm nai chapo Eleaza hawi Ithama nini teng y, “Areng teng y apathyp nai teicha teinei katalamra theung i kamlai tako dei hawi, angbo abawi y nai tako sa iy, maicham sahawi y cho u. Ati mana nai mo na baly hini kapathypra ly khri pa-rei chai nai ne.

Levi 7:12

Khumi ami py Tameuh teng y kawn nai leu thui nai kapathypra talam nai khala, tawnbawi hawi vanrei angbo abawi y nai tako katalamra py syn ai nai tla. Hini tako ly olive asitui katlen nai tako dei hawi sa nai tako phi katho, ti y baly tako phi amporyp nai, ti y baly tako dei hawi olive asitui katlen iy sa nai tako phi ne ai nai tla.

Kati Nai 6:15

Ni ly olive asitui hawi tako dei katlen iy sa nai angbo abawi y nai tako thotleung naichi hawi, olive asitui kaleu nai angbo abawi y nai tako phichi takhurei talam ai nai tla. Huni bo y teicha teinei kapathypra hawi kreip hang katalamrachi talam ai nai tla.

MATTHAI 26:38

Naibaly mymy ly nichi teng y, “Kai ly dei ai nai pa-rei khrikhri pa-rei paleung mawn na; hi y awm u ly, kai hawi vanrei ajeng u rym paryp ba,” napi.

JOHAN 12:27

“Vai kai paleung mawn parai; ati kathui ai mo hi ly? ‘Ngaai, hini neng y ly kai ai lawi hai kyh,’ napi ai mo? Na i py hina ai nai kai ly hini neng i vui katym nai tang.

JOHAN 3:34

Tameuh i pato nai keung ly Tameuh i leu thui reng; Tameuh ly pata kalei iy Phailo ai pei nai ny y.

HEBRAI 7:26

Hunai kamta pathyp pi nai keung kalen keh, khumi kachai, ka-di ka-de y nai, anyng akau y nai, khumi kamngochi teng i nai awm takhra iy, kani tleaung y salo keh naira y tym hai nai ly achi i vui awm angchi yb nai ne;

I PETERA 2:1

Hunaibaly kamngo bawibawi hawi, tapawp paryp naira hawi, tapawp naira hawi, paleung no naira hawi, thui tamawn naira bawibawichi anawn u veng iy,

I PETERA 2:22

Mymy ly kamngo pipi so y leang, mymy i labeaung y py tapawp paryp naira ha py by y;