Levi 19:31 - Khumi Common Language Bible

³¹ “Kadeichi i phailochi hawi leu arum nai khumichi teng y tau hnei moh. Huna nai sa lawh baly nangchi ly reita leaungsai y amso ngai nai lawm u ai. Kai ly nangchi i Areng Tameuh ne.

Levi 19:31 ပူးပေါင်းရင်းမြစ်များ

2 ARENG KEH 17:17

Nichi ly mychi i cho chanauchi ai mynchi teng y apathyp u. Nichi ly vawinam pakun kawp naichi, leung kawp naichi teng y deng u iy, Areng i mo y hawi y nai kalopchi naini sa u nai deaungkho y, mymy ai kado patheu u nai ne.

2 ARENG KEH 21:6

Ni ly my i chapo ai py leng patlum nai katalamra palawn iy apathyp nai ne. Dawi kawp naichi hawi mo mang i satang thui kawp naichi amtiu iy, leung sarachi, vawinam pakun kawp naichi hawi amkawm. Ni ly Areng i tlang tleaung y khri pa-rei kamngo sa i, kado patheu nai ne.

2 ARENG KEH 23:24

Samrang Joseah ly Achura yhm theung y pathyp pi nai keung kalen keh Hilikiah my niu nai, leu maikawm cha-iu theung y tajiu nai kamta, sa u patawm ai nai Jerusalem mary hawi, Juda pri verei y awm nai vawinam pakun kawp naichi, leung sarachi, yhm typ nai mynchi, mynchi hawi chiu naira y teaung nai vawnsaichi taphra pawn nai ne.

1 NENG SATANG 10:13

Samrang Sawla dei nai ly Areng i tlang tleaung y ka-ym by y nai deaungkho y ne. Ni ly Areng i leu tangai y.

2 NENG SATANG 33:6

Mymy i chapochi ai Hinnom leaunghawira y leng patlum nai apathyp nai ne. Ni ly mo mang i satang thui kawp nai, dawi sa naichi teaung iy, leung khen kawp nai hawi vawinam kun nai khumichi teng y atitichi deng reng nai ne. Ni ly Areng i tlang tleaung y khri pa-rei kamngo sa iy, kado theu hai bo.

THEU NAI 22:18

“Uimiu khawn nai neampachy ai ly padei takengkei ai tla.

ISAIA 29:4

Jerusalem mary ly tapreaung angawm theung y leu katheu ai nai atho sa nai namli hawi atawm ai. Huni mary i katyn py speung theung i dengdairei, sailang amny y nai raawi kamsyh y theu nai katyn lawm ai.

ISAIA 47:13

Nang teng y tau pei nai miteaung keh neangneang awm teu i py, nang ly ati sai py so thai y leang. Ka-si taukichi ai khen patawm nai khumichi, Kani khusangra y jyhchi patleh takhra iy, lo tlei tleirei tym ai nai atitichi ai nang teng y thui pi yb nai khumichi, nang ai tau pei nai miteaung kehchi ly jeu iy, nang ai atleu u sy.

ISAIA 8:19

Na i py khumichi ly atam kawp nai leung sarachi hawi, vawinam kun nai khumichi teng y leu deng ai nai, nangchi teng y thui ai. Nichi my, “Khumichi ly heng nai khumichi i jeng y dei nai khumichi i phailochi teng y leu deng ai nai avo,” nanai thui u ai.

Levi 19:26

“Thi abawi nai mawi ly cho u moh. Leung hawi atamchi amtiu u moh.

Levi 19:3

Khumi luteng amhm ampo ai tahm khai ai nai tla. Kaimy leu kang pei nai kamta, Anawn kani y ja ai nai tla. Kai ly nangchi i Areng Tameuh ne.

Levi 20:27

“Khumi kadeichi i phailo hawi leu arum nai neampacho ai py, neampachy ai py, lengseaung hawi aphi ka ai nai tla; ni ly dei ai ataing nai kamngo sa nai ne,” napi.

AMTAW 8:11

Mymy ly atam sa iy nichi my kra parai pa-rei lyh ai awm parai nai deaungkho y mymy i leu tangai pi bo.

KALATIA 5:20

angai naichi, chai y naichi, paleaung naichi, myn y chiu naichi, dawi sa naichi, aniu ngai y naichi, ajo naichi, atakho naichi, kado theu naichi, atakai naichi, amy ngaingai sa naichi, ym takhra naichi, akeng naichi,

AMTENG HAI NAI 21:8

Na i py jei naichi hawi, ym y naichi hawi, amso ngailai naichi hawi, khumi ai padei naichi hawi, angai naichi hawi, atam kawp naichi hawi, myn y chiu naichi hawi, ka-chawi thui nai bawibawichi py mai hawi kan kang nai ang y phy nga ai nai nichi i vui ne ai: huni ly pa-nyh dei naira ne,” napi.

1 SAMUELA 28:3

Samuela dei i, Israela cheng vereichi ly vo tangam naimy, ni i saleaung khuteng Ramah mary y up bo. Huni neng khala y Sawla ly leung sara hawi vawinam pakun kawp nai bawibawichi ai, Israela pri i dengdairei patheu pawn nai ne.