Levi 19:28 - Khumi Common Language Bible

²⁸ Nangmy i tlang tleaung y, mang athun moh, kadei i vui paleung mawn vo tangam nai i vui, nangmy i tlang y a-oh moh. Kai ly Areng ne.

Levi 19:28 ပူးပေါင်းရင်းမြစ်များ

1 ARENG KEH 18:28

Hunaibaly bala i amochi ly vaichi i tleaung y aeu iy chiu sa u i, mychi i reita kamta acho akeichi hawi, thi leaung na pa-rei tlang y a-ohja bo.

JEREMIA 16:6

Kamawn kanang patleh y naimy huni pri i khumichi ly dei u ai. Na i py ami py nichi i veu up ai ny y. Nichi i vui py vo tangam u ai ny y. Paleungsi nai ka-ma-ra amymy ai tamo kalem nga hai nai, sam avau nai py sa u ai ny y.

JEREMIA 48:37

Khumi luteng ly sam hawi labeaung mui avau u bo. Nichi ly mychi i kiubanchira tamo ajyn iy, paisiu kanih apam u bo.

Levi 19:27

Dei nai khumi i vui paleung si nai ka-ma-ra lawm nai, lu teng ka-ki sam vau moh, labeaung mui py avau u moh.

Levi 19:29

“Kanan pri tameuhchi ai chiu nai meingtymra i bimachi kamta, nangmychi i chaniuchi ai lawm hai iy nichi ai kangji pei moh. Huna nai sa baly nangchi ly Tameuh ai khai su iy kaja phra u ai.

Levi 21:1

Areng my Mosi dengdairei Aron i kangpreang pathyp pi nai keungchi teng y leu pei nai ly, “Pathyp pi nai keung ly my i amhm ampo, cho chanau,

Levi 21:11

Ni ly kai teng y aau patyp nai khumi ne i, reita leaungsai y amymy ai chai hai y ai nai so moh sy; kai i Tabynako dengdairei theu iy, mani si keung y py chei ngau y. Amhm ampo kypkyp dei nai yhm y malawn py chei ai nai avo y. Hina nai Tabynako dengdairei theu iy si keung y chei nai molam, kai i Tabynako ai chai hai y naichi so ngau y.

Levi 21:5

Pathyp pi nai keung ly dei nai khumi i vui y paleung si nai ka-ma-ra sam vau ai nai avo y; labeaung mui py atakip moh, amy i tlang ai py a-oh moh.

MARKA 5:5

Naibaly mymy ly vum kanithun y tapreaung y hawi mawi y py aeu ryry iy, lengseaung hawi py ao ryry lawh.

JOHAN 20:25

Hunaibaly abangnai takhrachi my ly ni teng y, “Areng ai kaichi niu bo,” napi. Na i py mymy ly nichi teng y, “Ni i kiu y sengmo tahen nai satlang kai niu y baly, sengmo tahen nai satlang y kai i kiu pajeung katapo y baly, kai i kiu py ni i pana y katapo khyp y baly kai ym ai nai aveng,” napi.

Leu Thui Nai 14:1

“Nangchi ly nangchi i Areng Tameuh i khumi cheng ne. Hunai deaungkho y kadeichi i vui paleung si nai khala, amy i ngan tlangra y tamo apei piupa nai, lupang sam avau lawp nai so ngau y.

AMTENG HAI NAI 14:11

naibaly nichi ai patang hai nai maikhyh ly deungtasarei amhui kalau jojo ai; naibaly mawi kasi hawi ni i myn y chiu naichi, ni i amyn ka-ma-ra nga naichi ly vum kanithun tlen py anawn naira ngo y ai.

AMTENG HAI NAI 14:9

Naibaly nini bo y kani pri i amtaw thau nai takhra pa-thom i nai ly tao pajeng parai naimy, “Ami py mawi kasi hawi ni i ka-ma-ra nga baly,

AMTENG HAI NAI 15:2

Naibaly mai hawi abawi nai dengkhang pa-pui pangli ka-tawm naimy kaniu: naibaly mawi kasi hawi ni i myn hawi, ni i amyn kanai ai py pajau iy jeu naichi ly Tameuh i tarochi syn naimy, dengkhang pa-pui pangli peang mang y angdo nai kaniu teang.

AMTENG HAI NAI 16:2

Naibaly kangman kei i nai ly chei i, mymy i khau i nai khaileaung pri y lei bo; hunaibaly huni ly mawi kasi i ka-ma-ra awm iy ni i myn y chiu naichi i tlang tleaung y no parai nai angvawi hawi y nai lawn bo.

AMTENG HAI NAI 19:20

Naibaly mawi kasi ai hawi, mymy i mei ka-niu y atiti rengrang sa nai deaungkho y mawi kasi i ka-ma-ra nga nai hawi ni i myn y chiu naichi ai lam tamang hai nai tapawp nai amo ai py mymy hawi vanrei patiu u bo; nini leaung nyhrei ai ly kan hawi mai kang nai angawm y ly heng nai tarawi y aphi hawi mei.

AMTENG HAI NAI 20:4

Naibaly areng atehrachi kaniu, nichi ly hunichi tleaung y ateh iy tara chih ai nai leu nga bo: naibaly Isu i leu thui pi nai hawi, Tameuh i leu deaungkho y lu tameang nai, mawi kasi ai hawi ni i myn y py chiu y iy, mymychi i lukati y hawi kiu y py huni ka-ma-ra ngo y naichi i phailochi ai ly kaniu: nichi ly heng bi i, saneng sangrei sala y Krista hawi vanrei peang u bo.