Levi 19:26 - Khumi Common Language Bible

²⁶ “Thi abawi nai mawi ly cho u moh. Leung hawi atamchi amtiu u moh.

Levi 19:26 ပူးပေါင်းရင်းမြစ်များ

ATITI AWM ANGCHEI NAI 44:5

Ati mana nai kai i areng i tangka khau paviu u veng lawh mo? Huni hawi kreip athai hang nei hai nai, cheng naira pei nai khau ne chy bo. Nangchi ly khri pa-rei len parai nai kamngo sa u lawh ly!’ nanai thui pi,” napi.

ATITI AWM ANGCHEI NAI 9:4

Na i py thi abawi nai mawi cho moh; hengra ly thi y awm nai deaungkho y cho y ai nai, kaimy leu kang pei.

2 ARENG KEH 17:17

Nichi ly mychi i cho chanauchi ai mynchi teng y apathyp u. Nichi ly vawinam pakun kawp naichi, leung kawp naichi teng y deng u iy, Areng i mo y hawi y nai kalopchi naini sa u nai deaungkho y, mymy ai kado patheu u nai ne.

2 ARENG KEH 21:6

Ni ly my i chapo ai py leng patlum nai katalamra palawn iy apathyp nai ne. Dawi kawp naichi hawi mo mang i satang thui kawp naichi amtiu iy, leung sarachi, vawinam pakun kawp naichi hawi amkawm. Ni ly Areng i tlang tleaung y khri pa-rei kamngo sa i, kado patheu nai ne.

2 NENG SATANG 33:6

Mymy i chapochi ai Hinnom leaunghawira y leng patlum nai apathyp nai ne. Ni ly mo mang i satang thui kawp nai, dawi sa naichi teaung iy, leung khen kawp nai hawi vawinam kun nai khumichi teng y atitichi deng reng nai ne. Ni ly Areng i tlang tleaung y khri pa-rei kamngo sa iy, kado theu hai bo.

THEU NAI 7:11

Huna nai khala samrang ly ni i khumi kachengchi hawi atam kakawpchi ai palau i, nichi py huni ka-tawm khyp sa u teang nai ne.

THEU NAI 8:7

Atam kakawpchi my py hunai kamta sa u teang i, pri verei y uiphochi theu hai teang.

JEREMIA 10:2

Mymy ly “Nangchi ly cheng takhrachi i reita lam y abang u moh. Kani khusangra niu nai ka-ma-rachi molam khumi cheng cheaungkhangchi ly angtheng u teu i py, nangchi ly angtheng u moh.

DANIELA 2:10

Samrang ai tau pei nai keungchi my, “Samrang nang i pany ai ngai nai sai thui pi thai nai keung ly hini khaileaung salo y leaungrei py by y leang. Sa thai naira awm nai mani samrang py, my i amo leu thui kawp naichi, vawinam patheu kawp naichi hawi atam kawp naichi ai, hina nai kamta palau iy thui hai nai awm vai y leang.

Levi 19:25

Na i py pa-ngo saneng tym baly nangchi ly thengthaichi cha pajau bo. Nangchi ly huna nai kamta leu tangai u baly nangchi i thengthai keungchi ly athai pasu ai. Kai ly nangchi i Areng Tameuh ne.

Levi 3:17

Israela chengchi ly thau py, thi py cho ngau y; meingtym tleirei y awm nai Israela cheng bawibawichi ly hini reita teaung patawm jojo ai nai tla.

Levi 7:26

Israela chengchi ly mani meingtym y mo awm i py, tavo thi, ti y baly tawnbawi thi cha ai nai avo y.

MALAKHI 3:5

Ati cheaungkhang sa thai nai Areng my, “Kai ly tara chih ai nai nangchi teng kang jeu iy, dawi sa kawp naichi, ami i aju chanau ai taphra naichi, teng y nai pany hai nai keungchi, amy i kalop sa pi naichi tlang tleaung y sa vang kateng pei y nai khumichi, neampachy lumai, nuro nukaicho hawi cheng takhra khumichi ai kamjau kamteang ana nai khumichi hawi kai ai tahm khai y nai khumi ngiereichi ai, vaimy pany hai ai.

AMTAW 15:20

na i py nichi ly myn y chiu nai atiti chai y naichi hawi, angai nai hawi, mawi taau ka nai hawi, thi cha nai hawi anawn ai nai, achi ly mymychi teng y cha pa ai nai hawi keh, nanai dawn kai ly.

Leu Thui Nai 12:16

Na i py tawnbawichi i thichi ly cho u moh; tui lai nai kamta khaileaung y lai vui ai nai tla.

Leu Thui Nai 12:23

Na i py thi ly hengra ne i, cho ngau y. Hunai deaungkho y thi abawi nai mawi ly cho u moh.

Leu Thui Nai 15:23

Na i py thi ly cho u moh; tui lai nai kamta thi ly khaileaung y lai vui ai nai tla.

1 SAMUELA 14:32

Hunaibaly nichi ly paleung ka-echi teng i nga nai vawnsaichi mang y angpreng u i, sichi, beramchi, mi-ichi la u iy, huni meingtym y my tleh u i, thinai hawimy cha u.

1 SAMUELA 14:33

Huna nai khumichi ly thinai hawimy cha nei nai y Areng i tlang tleaung y kamngo sa u bo, nanai Sawla teng y amti pi nai khala y, Sawla my, “Nangchi ly vaineng takan u lawh bo ly! lengseaung pui ai hini meingtym y pali iy jeu hai u,” napi

1 SAMUELA 15:23

Mymy ai tiu nai ly uimiu khawn nai kamta hawi y keh nai ne i, paleung len amlyh nai py, mynchi ai chiu nai kamta kamngo len. Nang ly Areng i leu pei nai tangai y nai deaungkho y, mymy ly nang ai samrang i nai pala vui bo,” napi.