Levi 19:17 - Khumi Common Language Bible

¹⁷ “Ami ai paleung ka-e khai moh; ni molam y nang ly kamngo so y ai nai, ni hawi adyh adawi y nairachi, nihawi ka-vum sa iy alyra so.

Levi 19:17 ပူးပေါင်းရင်းမြစ်များ

ATITI AWM ANGCHEI NAI 27:41

Jakob ly ampo teng i amtheaung naira nga vui nai deaungkho y, Esaw ly amnau ai paleung ka-e khai bo. Esaw ly “Ngaai dei phai dei baly Jakob ai kaimy tleh vui ai,” nanai adawn nai ne.

2 SAMUELA 13:22

Abasalom ly my i tuicho Tamar ai Amanon my pajang nai molam y, Amanon ai pipi niu ngai y i, leu arum hai y naimy awm bo.

NEHEMIA 13:17

Hunaibaly kai ly Juda luchi teng y, “Nangmychi i hawi y sa naichi khen u cham! Nangchi ly anawn kani y chai hai y lawh bo.

SAM 141:5

Khumi kahawi ly kai ai pahen parai naimy pajeng nai hawi parip nai leu thui ai; na i py khumi hawi y naichi i tahm pasang nai ly kai ngai y leang; ati mana nai mo nabaly huni khumichi i kamngo sa nai molam y, kai ly avawrei chiu sa naimy awm nai deaungkho y ne.

LEU KACHENG 9:8

Paleung len nai khumi ai, hawi palum ai nai mana khala py atho so moh. Huna nai atho sa nai khumi ai ly niu ngai y ai. Na i py khumi kacheng ai thui parip nai khumi ai ly tahm khai ai.

LUKA 17:3

Hawi hai palai adawn u: ngamjo ngamnau my atiti kamngo sa baly ni ai parip; mymy ly paleung adawn ali baly ni ai pahen.

ROM AVANGCHI TENG Y PAWLA I CHA PA NAI 1:32

hunai ka-tawm atiti sa nai keungchi ly dei ai nai ataing, nanai Tameuh my khai rym nai ly pany u jo iy, mymychi my sa nai khyh py ny y naimy, khumi takhrachi i sa reng naira y py kawn u lawh.

I KORINTH 5:2

Naibaly nangchi ly paleung mawn iy, huna nai sa nai khumi ai ly nangchi theung i nai patheu ai nai tleaung y ly nangchi ly paleung len lawh.

KALATIA 6:1

Amjo amnauchi awi, ami my kamngo ati py sa nai thym khala y theaugma nai awm khyly nangchi phailo mang y, asa naichi awi, “Kai py parawi naira avum teang lawh na,” nanai hawihai atyp u nai tarawi y huna nai khumi ai ly leu kanem chy y my angdo hai u.

EPHESI 5:11

Naibaly kaveng i ti ti sa nai athai awm vai y naichi ai ly den py abawi u moh ly, huni tleaung y ly mymychi ai phai parip;

I TIMOTHEI 5:20

kalangchi ly jei teang thai ai nai kamngo sa nai keungchi ai ly khumi bawibawichi i mo y parip.

I TIMOTHEI 5:22

Ami i tlang tleaung y kiu tamam praw moh ly, khumi takhrachi i kamngo naira y py abawi moh; chai parai naimy awm thai ai nai hawihai palai atyp ly.

II TIMOTHEI 4:2

Tameuh i leu thui; mana khala y py atho so veangveang; kham pajau tanga naimy patiu nai tarawi y parip py parip, preng py preng, pachei py pachei.

TITA 1:13

Huni leu thui pi nai ly kateng ne. Hunai deaungkho y nichi ly Judachi i leuchi hawi, leu meitang mang i nai hi vui naichi i leu pei naichi dawndan y naimy,

TITA 2:15

Phom awm parai naimy huni leu ly thui py thui, pachei py pachei, parip py parip. Nang ai ami my tahm khai y ai nai so moh.

I JOHAN 2:11

Na i py amy i amjo amnau ai niu ngai y nai khumi ly kaveng y awm iy, kaveng y tako nai py ne teang; kaveng my ly mymy i mei ai paju hai nai deaungkho y mymy ly amy i tako ai nai lam py pany y.

I JOHAN 2:9

Amy i amjo amnau ai niu ngai y pui iy, “Kai ly kangvang y awm,” napi lawh nai khumi ly vai khrairei kaveng y awm jo rai.