Levi 19:15 - Khumi Common Language Bible

¹⁵ Ka-jo kahmchi ai leu meitang naimy chih pi ai nai tla. Khumi kamawn ai patleh takhra moh; kanangchi ai ly meimai khen moh.

Levi 19:15 ပူးပေါင်းရင်းမြစ်များ

JOBA 13:8

Nangchi ly Tameuh mang y asa naichi ne u a? Mymy i sa nai sai molam y, tara jeung y seu u ai a?

JOBA 32:21

Kai ly meimai akhen y naimy katheu ai. Ami ai py palo hawp nai leu katheu ai ny y.

JOBA 34:19

Tameuh ly khumi cheng cheaungkhangchi ai sa nai ne i, samrangchi ai meimai khen patleh y. Khumi kanangchi ai khumi kamawnchi tleaung y meimai khen patleh y leang.

SAM 82:2

“Nangchi adyh adawi y ai nai ly tara chih u moh; khumi hawi y naichi ai meimai khen iy tara chih u reng moh.

THEU NAI 18:21

Huni bo y nang ly khumi leaung sangrei kamkawm, leaung chungvairei kamkawm, leaung vui pangrei kamkawm, leaung horei kamkawmchi ai lu sa pajau nai khumichi ai vawi takhra; huni khumichi ly Tameuh ai jei kaji iy, ka-ym awm nai, un cho y naichi lawm ai nai tla.

LEU KACHENG 18:5

Tara chih naira y, kamngo awm nai khumi ai asa hai iy, kamngo by y nai khumi ai, tara pasum nai ly tamang nai ne.

LEU KACHENG 24:23

Khumi kachengchi ly hini parip nai leu hawi, thui parip nai ne. Meimai khen iy tara chih nai ly tamang nai ne.

LEU KACHENG 31:9

Nichi i vui katheu pi iy, leu meitang y tara chih pi ba. Khumi kamawn kateuchi i, nga ai avo naichi ai amo hai ly kry pi ba.

Levi 19:35

“Teng y nai nehra sie khyrychi teaung iy ami ai tapawp moh.

JOHAN 7:24

Salo y khen phriu naimy chih moh, na i py hawihai palai dawn iy chih u,” nanai pathang.

AMTAW 23:3

Naibaly Pawla my ly mymy teng y, “Nang an kangleung paju nai ampang awi, nangmy ai naini Tameuh my ang tabeang ai mang; nang ly Reita kamta kai ai chih ai nai ateh nai iy, Reita ny y nai kai ai tabeang ai nai leu pei lawh a?” napi.

Leu Thui Nai 1:17

Padyh padawi nai khala meimai katheang kalen khen y naimy, adyh adawi pa-rei chih u. Nangchi i padyh padawi nai ly Tameuh i kangai ne nai deaungkho y, jei u moh. Nangchi my chih pajau y nai awm lawh baly kai teng y tym hai u, kaimy chih pi ai.

Leu Thui Nai 10:17

Nangchi i Areng Tameuh ly tameuh bawibawichi hawi areng bawibawichi tleaung y py len keh. Areng ly nang parai iy sa thai naira angym nai Tameuh, tahm khai iy jei kaji ai hawi nai Tameuh ne. Mymy ly khumi ai patleh takhra y i, un py cho y nai ne.

Leu Thui Nai 16:19

Nichi ly tara chih nai khala teng y nai hawi meimai khen ai nai tlo y, un tangka py cha ai nai tlo y. Huni un langseaungchi ly khumi kachengchi hawi khumi kahawichi i mei paju hai iy, tara lam tamang hai reng nai ne.

Leu Thui Nai 27:19

“Cheng takhrachi, nurochochi, lumai nuchi i nga ai avo naichi sum hai nai khumi ly Tameuh i amsawi lawi sy,’ nanai vaineng tauh nai khala, “Khumi bawibawichi my ‘Amen!’ nanai pathang u sy.