Levi 18:29 - Khumi Common Language Bible

²⁹ Huna nai amso ngai nairachi sa nai khumi ai ly Tameuh i khumichi theung i nai nyn va vui reng nai py, nangchi pany u nai ne.

Levi 18:29 ပူးပေါင်းရင်းမြစ်များ

THEU NAI 12:15

Areng my, “Nangchi ly Kani saryh ryrei ly angbo abawi nai tako cho u moh, angbo abawi y nai tako tlairei cha u ai nai tla; angchei i kani dengdairei nangchi i yhmdeaung tleirei y angbo awm moh sy; huni kani saryhrei sala y khumi leaung leaungrei ly angbo abawi nai tako cha lawh baly, huni khumi ai ly kai i khumi, nanai kapalawn y ai i, Israela cheng theung i nai nyn kava vui ai.

THEU NAI 30:33

Khumi ami py ne sy, huni asitui ka-tawm sa nai mo, pathyp pi nai keung ny y nai khumi tlang tleaung y, huni asitui leih nai mo, sa lawh baly, kai i khumi theung i nai nyn va vui ai,” napi.

Levi 17:10

Israela cheng mo, Israela chengchi theung y awm nai cheng takhra mo, thi abawi nai mawi cha lawh baly, Areng ly meimai hi pi vui iy mymy i khumichi theung i nai nyn va vui ai.

Levi 18:28

Hunaibaly nangchi by y rai khala i khumichi kamta, nangchi ai huni pri i nai ang patheu vui ai ny y.

Levi 18:30

Naibaly Areng my, “Kai i kang pei nai leu phai tangai u; nangchi ny y rai khala i huni pri y awm nai khumichi i sa nai kamta amtiu u moh. Nangchi ly huna naichi sa nai molam y, nangmychi ai chai hai y ai nai aso u moh. Kai ly nangchi i Areng Tameuh ne,” napi.

Levi 20:6

“Kadeichi i phailo hawi leu arum nai khumichi teng y tau hnei nai khumi ai, kai ly meimai hi vui iy kai i khumichi theung i nai nyn va vui ai.

Levi 7:20

Na i py chai y nai khumi huni mawi cha lawh baly, Tameuh i khumichi theung i nai, nyn va vui ai.

Levi 7:21

Nangchi theung i khumi leaungrei ly khumi py ne sy, tawnbawi py ne sy, reita leaungsai y chai y nai sai sairei hawi abi iy, huni tawnbawi mawi cha lawh baly, huni khumi ai ly Tameuh i khumichi theung i nai, nyn va vui ai.

MALAKHI 2:12

Areng ly huna nai sa nai khumi ngiereichi ai Israela cheng theung i nai patheu pawn na sy; nichi ai mana khala py achi i cheng lawm ai nai py, ati cheaungkhang sa thai nai Areng teng y katalamrachi talam nai khumi cheng lawm ai nai py pei moh sy.