Levi 17:15 - Khumi Common Language Bible

¹⁵ Israela cheng theung i mo, cheng takhra mo, dei atyhtyh nai tawnbawi mawi, ti y baly mawi kasi my kei iy dei nai mawi cha lawh baly, my i ateaungchi pasiu iy tui ahiu pan ai nai tla. Ni ly dym mang khrairei ajeng iy, reita leaungsai y chai naira nga ai.

Levi 17:15 ပူးပေါင်းရင်းမြစ်များ

THEU NAI 22:30

Nang i tawnbawi cho chalu katai hawi beram cho katai chalu py kai teng y talam ai nai tla. Kani saryhrei ly amhm hawi khai iy tajarei kani y ly kai teng y talam ai nai tla.

THEU NAI 22:31

“Nangchi ly kai i chengchi ne; nangchi ly kasui takaichi my kei nai amso tawnbawi mawi ly cho u moh. Uichi ai phai pacho u.

Ezekiela 4:14

Na i py, “Sa thai naira awm nai Areng, kai ly kaimy mana khala py amso ngai hai vai y leng; deaungdichy khala i dengdairei alyly naimy dei nai tawnbawi mawi py, mawi kasichi my kei iy dei nai amso mawi py kacho vai y. Kai ly chai y nai teicha teinei mana khala py kacho vai y,” nanai pathang.

Ezekiela 44:31

Pathyp pi nai keungchi ly alyly naimy mo, mawi kasi my kei i dei nai tavo mo, ti y baly daichi mawichi mo, cha ai nai tlo y,” napi.

Levi 11:24

Nang ly hini tawnbawi veuchi ai abi lawh baly, dym mang y khrairei chai y ai, muiken ako iy pichy palawi nai ny y naimy, takhra muiken awm nai tawnbawi ngiereichi hawi, kiu hawi patiu thai nai kiu kheu palyhrei awm naichi ne. Huni tawnbawi kadei veuchi syn nai khumi ly my i ateaung baichuchi pasiu vui ai nai tla. Na i py ni ly dym mang y khrairei chai y nai my awm ai.

Levi 11:31

Huni heng nai amjychi ai py ne sy, huni kadei veu ai py ne sy, abi lawh nai khumi ly dym mang y khrairei chai y nai ne.

Levi 11:32

Dengkeaung, ateaung, mawi peih, paisiu, hunichi hawi sa nai mani mo ateaung alangchira y, huni heng nai amjy kadei veuchi tla hai lawh baly, chai y nanai dawn ai nai tla. Huna nai amso ngai nai ateaungchi ai, tui y padeung ai nai tla. Na i py huni ateaungchi ly dym mang khrairei chai y ai.

Levi 11:39

Cha ngau nai tawnbawi dei iy, huni kadei veu ai abi nai khumi ly dym mang y khrairei chai y nai ne.

Levi 11:40

Huni kadei veu ai cha nai khumi ly my i ateaung pasiu pan ai nai tla. Ni ly dym mang khrairei chai y ai. Huni kadei veu ai syn nai khumi ly my i ateaung pasiu pan ai nai tla. Na i py ni ly dym mang khrairei chai y ai.

Levi 15:10

Huni khumi i ateh nai atehra ai nam nai khumi ly dym mang y khrairei chai y ai. Huni khumi i vawnsai ateaung ai syn nai khumi ly my i ateaungchi pasiu iy tui ahiu pan ai nai tla; ni ly dym mang y khrairei chai y naimy awm ai.

Levi 15:21

Huni neampachy i ateh nai lawi, ti y baly aseaung nai nibai y abi nai khumichi ly my i ateaungchi pasiu iy tui ahiu pan ai nai tla; ni ly dym mang y khrairei chai y ai.

Levi 15:5

Khumi leaung leaungrei ly ni i aseaung nai nibai y abi lawh baly,

Levi 22:8

Ni ly dei kari y dei nai tawnbawi, ti y baly mawi kasi my kei iy dei nai tawnbawi mawi cha ai nai avo y; huna nai cha lawh baly ni ly chai y bo. Kai ly Areng ne.

Levi 7:24

Dei kari y dei nai tawnbawi thau, ti y baly mawi kasi my kei nai y dei nai tawnbawi thauchi ly cho u moh; na i py huni thau ai atiti takhrachira y teaung pajau.

Kati Nai 19:19

Pa-thom kani hawi saryh kani y ly reita y chai nai khumi my chai y nai khumichi i tlang tleaung y, huni tui hawi katheng pi ai nai tla. Chai y nai khumi ai chai nai khumi my, huna nai kamta kachai sa pi ai nai tla. Saryh kani y chai nai khumi ly mymy i ateaungchi pasiu iy tui ahiu pan chum baly, kani avah nai khala reita y chai ai.

Kati Nai 19:21

Nangchi ly hini reita ai vai mo mang py teaung patawm jo ai nai tla. Kachai sa nai tui katheng nai khumi py, mymy i ateaungchi pasiu ai nai tla; huni tui ai nam nai khumi ly dym mang y khrairei chai y ai.

Kati Nai 19:8

Si nu ai bomverei leng patlum nai keung py my i ateaungchi pasiu iy, tui ahiu pan ai nai tla; na i py ni ly dym mang khrairei chai y ai.

Leu Thui Nai 14:21

“Atyhtyh naimy dei nai tawnbawi mawi cho ngau y. Nangchi hawi saleaung vanrei awm nai cheng takhrachi ly huni mawi cho palai sy, ti y baly cheng takhrachi teng y jo u pajau. Nangchi ai ly nangchi i Areng Tameuh my peang nai ne i, nangchi ly mymy i khumichi ne. “Beram cho, ti y baly mi-i cho ai ly amhm i kanu tui hawi vanrei byh ngau y.

AMTENG HAI NAI 7:14

Naibaly kai ly ni teng y, “Areng, nang ly pany bo,” kanapi. Naibaly mymy ly kai teng y, “Hinichi ly patang parai naira i dengdairei theu u naichi ne, nichi ly Beram Cho i thi y nichi i kanihchi pasiu iy, kaleung hai bo.