Levi 16:29 - Khumi Common Language Bible

²⁹ Nangchi ly hini reitachi ai nangmychi deungrei teaung patawm jojo ai nai tla. Saryh lo, kani horei kani y, Israela chengchi hawi nichi theung y awm nai cheng takhrachi py, biu hai iy atiti kalopchi sa ai nai avo y.

Levi 16:29 ပူးပေါင်းရင်းမြစ်များ

1 ARENG KEH 8:2

Nichi bawibawi ly Ethanim, napi nai saryh lo y sa nai Taichy pawira y jeu u achu bo.

EZARA 3:1

Saryh lo tym nai khala y Israela chengchi ly mymychi i marychira y khuteng chah naimy awm u bo. Naibaly nichi ly Jerusalem mary y angym u i,

EZARA 8:21

Tameuh ly achi i khuleaung amla naira lam patei pi iy, achi hawi vanrei cho chanauchi hawi yhmtheaung katuichi ang kry pi ai. Huni molam y achi bawibawi ly mymy i mo y paleung apanem parai naimy biu hai ai nai, hini Ahava tuilam sahawi y kaimy leu pei nai ne.

SAM 35:13

Kaimy ly nichi no patang u nai khala, paleung si nai ka-dawn hawimy, paleung apanem nai tarawi y chiu sa i, paisiu amchiu iy, biu hai naimy kaawm bo.

SAM 69:10

Kai ly biu hai nai dengdairei, amymy ai tahm apanem nai khala y, khumichi ly kai ai mei aniu y nai sa u bo.

THEU NAI 12:16

Angchei i kani hawi saryh kani y ly chiu sa achu ai nai tla. Huni kani y ly kalop so u moh, na i py biu an ly theaung pajau nai ne.

THEU NAI 20:10

Saryh kani ly Tameuh i vui khai takhra nai anawn nai kani ne. Huni kani y ly nangmy hawi nang i cho chanauchi, miseaungchi, tawnbawichi, angvynchi py kalop sa ai nai avo y.

THEU NAI 30:10

Aron ly sanengrei y tlenrei, kamngo ahui nai tawnbawi thi hawi maicham kachawnra i taki kamsui palyhreichi ai py kaleu iy, maicham kachai sa ai nai tla. Nang i katu chanauchi ly huni reita ai saneng tleirei sa jojo ai nai tla. Huni maicham ly Kai, Areng i vui au nai chai keh nai maicham ne,”

THEU NAI 31:14

Anawn kani ly ja ai nai tla; ati mana nai mo na baly huni kani ly khai takhra nai kani ne nai deaungkho y, ja ai nai tla. Anawn kani y ja y naimy kalop sa nai khumi ai ly padei takengkei ai nai tla.

THEU NAI 31:15

Nangchi ly kani tariurei sala y kalop sa ai nai nga; na i py saryh kani ly Areng i vui au patyp nai anawn kani ne; huni kani y kalop sa nai khumi ai ly padei takengkei ai tla.

ISAIA 58:13

Areng my, “Nangchi ly Anawn kani ai kani kachai, nanai khai takhra iy, huni kani y amy i vui kamran nga ai nai kalopchi so u y ai nabaly, nangchi ly nangmychi kangai khuleaung chei nai, nangmychi kangai kalop sa nai, ti y baly ati sai py ny y nai leuchi katheu nai, hunichi amkyn iy kai i kani kachai ai tahm khai u ai nabaly,

ISAIA 58:3

Huni khumichi my, “Areng ly achi ai mana khala py niu y lawh baly, achi ly ati mana nai y biu hai u ai bo? Mymy ly achi i tahm apanem nai ai pany pi y lawh baly, ati mana nai achi ly biu hai patang atyhtyh ai mo?,” napi. Areng my nichi teng y, “Meitang khyp nangchi ly biu hai nai thym khala, amy i vui kamran hau iy, nangmychi i vui kalop sa nai khumichi ai ana u bo.

ISAIA 58:5

Nangchi ly biu hai iy kanireichy nangmychi tahm apanem nai ly kang kawn pi ai, nanai athang khai u a? Kamtang kham iy acha keungchi kamta lu meung naimy, nangmychi ateh ai nai maidym tleaung y paisiu kanih bai u reng nai ne. Hina nai sa nai ly biu hai nai ne, nanai nangchi thui u ai a? Huna nai nangchi sa nai neng kani ai kaimy kang kawn pi ai, nanai nangchi athang khai u a?

DANIELA 10:12

Huni my, “Daniela awi, jei moh. Nang ly cheng naira nga pajau ai nai molam, paleung apanem ai nai paleung adawn manme nai kani dengdairei, Tameuh ly nang i chiu sa nai tangai pi bo. Nang i hnei takeng nai pathang pi ai nai, kai ai ang pato nai ne.

DANIELA 10:3

Kani apom phai ha khei y ryrei ly teicha teinei kahawi, ti y baly mawi cho y, kreip hang nei y, sam py aseu y nai ne.

Levi 23:21

Huni kani y kajeu ka-rei i vui kalop so y naimy, chiu sa achu ai nai tla. Nangchi i kangpreangchi ly mani meingtym y awm i py, hini reita leu pei nai teaung patawm jojo ai nai tla.

Levi 23:3

Nangchi ly kani tariurei sala y kalop sa iy, saryh kani ly Anawn kani ne i, anawn ai nai tla. Huni kani y kalop so y naimy chiu sa achu ai nai tla. Nangchi awm nai mani meingtym y py ne sy, Anawn kani ly Areng i vui ne.

Levi 23:36

Kani saryhrei sala kani tleirei teicha teinei kapathyprachi talam ai nai tla. Kani tajarei kani y chiu sa achu u bi iy, teicha teinei kapathyprachi talam u bi ai nai tla. Huni kani ly chiu sa achu nai kani ne i, kalop sa ai nai avo y.

Levi 25:9

Naibaly saryh lo, kani horei kani y ly kamngo pahen nai kani ne i, pri verei y khumi leaungrei ai amki hai ly, baw eng hai.

Levi 3:17

Israela chengchi ly thau py, thi py cho ngau y; meingtym tleirei y awm nai Israela cheng bawibawichi ly hini reita teaung patawm jojo ai nai tla.

Kati Nai 29:7

Nangchi ly saryh lo kani horei kani y jeu achu iy, chiu sa ai nai tla, huni kani y teicha teinei cha ai nai tlo y, kalop py so u moh.

AMTAW 27:9

Naibaly kani neangneang sum nai hawi, paleaung mang chei ai nai ka-jei awm nai deaungkho y py (Biu Hai nai neng chi veng bo i), Pawla my nichi ai pachei i nichi teng y,

I KORINTH 11:31

Na i py amychi ai hawihai palai adawn baly achi ai tara ang chih ai nai ny y ai.

HEBRAI 4:10

Naibaly mymy i anawn naira y kun chum nai keung ly Tameuh my mymy i atiti sa nai anawn nai kamta ly, ni py mymy i atiti sa nai ly anawn vui teang bo.

1 SAMUELA 7:6

Naibaly nichi bawibawi ly Mizapa mary y angym u iy, tui maidenreichy deu i, Areng teng y talam nai lei i, huni kani khengrei biu hai u bo. nichi my, “Kaichi ly Areng ai kamngo kasa u lawh bo,” napi u. (Mizapa mary i dengdairei Samuela ly Israela chengchi ai peang nai ne.)