Levi 16:20 - Khumi Common Language Bible

²⁰ Aron ly Areng i awmra Tabynako chai keh nai meingtym hawi maicham i vui kachai sa chum nai khala, Azazel i vui tambe avah nai mi-i kangheng ai ly Areng teng y talam ai nai tla.

Levi 16:20 ပူးပေါင်းရင်းမြစ်များ

Ezekiela 45:20

Ami py ne sy, pany pacha y nai molam y py ne sy, cheng naira by y nai molam py ne sy, kamngo sa lawh baly, huni khumi kamngo lawi naira nga ai nai, huni lo si kani saryhrei kani y hina nai kamta sa ai nai tla. Nang ly hina nai kamta Achura yhm kachai khai ai nai tla.

Levi 16:16

Huna nai kamta Aron ly Israela chengchi i chai y nai hawi, nichi i kamngo bawibawichi molam y, chai keh nai meingtym y kachai sa pi ai nai tla. Tabynako ly chai y nai tai naira umtang y awm nai y, Tabynako i vui kachai sa pi ai nai tla.

Levi 16:19

Maicham salo y py kiupajeung hawi thi tlen saryhrei katheng ai nai tla. Hina nai kamta ni ly Israela khumichi kamngo nai molam maicham ai pachai chum baly, kachai sa ai nai tla.

Levi 16:21

Ni ly mi-i lu tleaung y kiu phei nyhrei kheang iy, Israela chengchi i sa tamang nai kamngo hawi tiu nai ngiereichi molam y, huni kamngochi ai mi-i lu tleaung y tym hai nai ne. Naibaly kalop amsi nai keung ly huni mi-i ai daichi ka-vym mang y paryh vui ai nai tla.

Levi 6:30

Na i py tawnbawi thi ly Tabynako angtheung y syn iy, kamngo pahen nai kapathypra y teaung baly, huni tawnbawi mawi ly cho moh; mai patawi vui ai nai tla.

Levi 8:15

Mosi ly huni si ai tleh chum baly, thi maidenrei la iy kiu pajeung hawi maicham takichira i kachawnchira tabei; thi kamlai hawi maicham kheutangra leih iy, maicham ai khai takhra bo. Naibaly kamngo pahen nai kapathypra talam iy chai hai nai ne.

ROM AVANGCHI TENG Y PAWLA I CHA PA NAI 4:25

huni Isu ai ly achi i kamngo nai deaungkho y patiu hai i, achi ai eaung naira nga hai ai nai pathau bo.

ROM AVANGCHI TENG Y PAWLA I CHA PA NAI 8:34

pasum ai nai keung ly ami mo? Dei nai ly Krista ne; ne, mymy ai ly pathau teang veng bo; mymy ly Tameuh i lamtang mang y awm i, achi ai chiu ang sa pi nai keung ne teang.

II KORINTH 5:19

huna nai Tameuh my Krista y khaileaung pri ai ly amymy hawi aly hai nai ne, nichi i taphra nairachi ly mymychi i tlang tleaung y taphra nairachi palawn pi y naimy, kaichi ai aly naira leu ang au nai bo.

KOLOSA 1:20

mymy y ly ati cheaungkhang amy hawi aly hai nai ly Ampo i paleung ngai nai tatang ne; mymy kypkyp y ly khaileaung pri y atiti awm naichi ai hawi, kani mang y atiti awm naichi ai py aly hai nai ly.

HEBRAI 7:25

Hunaibaly mymychi ai chiu sa pi ai nai mymy ly deungtasarei heng jojo nai deaungkho y mymy i saho y Tameuh teng y jeu naichi ai ly angym pa-rei ang paheng pajau.

AMTENG HAI NAI 1:18

“Jei moh; kai ly kangman keh nai hawi kangkhym keh nai hawi, heng nai keung py ne; kai ly dei i, na i py khen cham, deungtasarei i vui y kai ly heng teang nai ne, deira hawi tavaukho i sawchi py kai teng y awm.