Leu Thui Nai 8:7 - Khumi Common Language Bible

⁷ Nangchi i Areng Tameuh ly nangchi ai paitiu khuta hawi nai pri mang y pahawi nai ne. Huni pri i leaunghawi hawi, mawi aheungchira y tavochi, micheaungchi, khaileaung theung i tuino achawn hai bo.

Leu Thui Nai 8:7 ပူးပေါင်းရင်းမြစ်များ

THEU NAI 3:8

Aikupta chengchi kiu i nai nichi ai atleu chum baly, huni pri i nai kapahawi iy paitiu khuta hawi nai, meingtym kau parai nai pri mang y pahawi ai nai kang jeu kathiu bo. Huni pri ly khaileaung hawi iy teicha teinei neangneang awm. Huni pri y Kanan cheng, Hiti cheng, Amori cheng, Perizi cheng, Hevit chengchi awm u nai ne.

Ezekiela 20:6

Nichi ai Aikupta pri i nai pahawi iy, nichi i vui khai pi yb nai pri y pahawi ai, nanai kaimy adeu pi nai ly huni neng khala ne. Huni pri ly kanutui hawi khawi hang leaung iy nang nai pri, apu parai nai pri ne.

ATITI AWM ANGCHEI NAI 49:11

Ni ly my i keaungngo kano kasau cho ai kreip angjyn keung kahawi kehra y pakheng bo. Ni ly my i ateaungchi ai kreip hang thi kamsen hawi pasiu nai ne.

Leu Thui Nai 8:6

Hunai deaungkho y nangchi ai Areng my leu pei nai kamta tangai u; mymy i reita leu pei naichi tangai iy mymy ai tahm khai u.

Leu Thui Nai 8:8

Huni pri i chohpui, chamaw, kreip athai, thaidu athai, thengsi athai, olive athai hawi khawihangchi theu nai ne.

2 ARENG KEH 18:32

Empara samrang i leu pei nai kamta tangai u baly, nangchi ly dei u ai ny y, heng u ai. Areng ly kaichi ai atleu pajau nai ne, nanai nangchi athang khai u ai nai Hezekia i li-tapawp nai tangai u moh.

SAM 106:24

Hunaibaly nichi ly apu parai nai pri y kun ai nai akhi u lawh; ati mana nai mo nabaly nichi ly Tameuh i adeu nai leu ai ym u y nai deaungkho y ne.

JEREMIA 2:7

Kai ly nichi ai paitiu khuta hawi nai pri y amti amjang hawi, takhra teicha teinei kahawichi cha nei ai nai kapahawi bo. Na i py nichi ly kai i pri taphra u. Nichi teng y kaimy pei nai pri ai chai hai y nai ne.

Ezekiela 17:5

Naibaly ni ly Israela pri y awm nai keungdi harei la iy paijeaung keung kamta prau thai ai nai, tui avaw y nai khaileaung kahawira y ui bo.

TARA CHIH NAI KEUNGCHI 18:10

Huni meingtym y nangchi tym u nai khala khumichi ly den py ym thai y nai by y nai avum u ai. Huni khu ka-peang ly kau parai iy, khumichi i ngai nai saichi py awm angym nai ne. Huni khu ka-peang ly Tameuh my nangchi teng y ang pei nai bo,” napi u.

SAM 104:10

Nang ly leaunghawichira y tavo micheaungchi lawm hai i, daichi sala mang tavo tuichi leaung hai bo.

ISAIA 5:1

Tangai ba, kai i ahawi hawi ni i kreip akhobai molam y hini khulym ly nang ai kaimy kang thui pi ai. Khri pa-rei paitiu khuta hawi nai mawi salo y kai ahawi i kreip akhobai awm.