Saneng vui palyhrei khutaha daichi ka-vym theung y nang ly nichi i ngai nai ryrei teicha teinei pei pi; nichi i ateaungchi ly mana khala py mawn hai y, nichi i kheu py tamo kalem ngo hai vai y nai ne.
Nangchi ly ym naira by y nai deaungkho y hini daichi ka-vym y, nangchi theung i kangkhym dei nai khumi ryrei, nangchi i cho chanauchi ly saneng vui palyh khrairei daichi ka-vym theung y amki u ai.
“Nangchi i Areng Tameuh ly nangchi i sa nai ngierei ai mana amtheaung hai mo, nanai adawn u. Hini kau parai nai daichi ka-vym khuleaung lam jeungrei nangchi ai ang kry nai ne. Mymy ly nangchi hawi vanrei saneng vui palyhrei awm hai nai deaungkho y, nangchi i ngai nai cheaungkhangchi ang pei bo.
Areng my nangchi ai saneng vui palyh sala daichi ka-vym jeungrei ang pahawi nai thym khala, nangchi i baichu ateaungchi pyn y, nangchi i phainaichi tlum y.