Leu Thui Nai 8:3 - Khumi Common Language Bible

³ Mymy ly nangchi ai kajeu kanglam ang khai. Naibaly nangchi hawi nangchi i amsi pajochi cho vai y nai Manna tako ang pacho. Huna nai molam y khumi ly teicha cha naira y heng nai ny y leang, Areng i leu y naini heng ai khyh, nanai nangchi ai kang thui pi nai ne.

Leu Thui Nai 8:3 ပူးပေါင်းရင်းမြစ်များ

SAM 105:40

Nichi my hnei nai deaungkho y, mymy ly thengmynchi pato pi; nichi bym pa-rei cha ai nai kani mang dengdairei, teicha teinei pala pi bo.

SAM 37:3

Areng ai ym naimy kahawi so ly pri y chymme naimy awm ba.

MATTHAI 4:4

Na i py mymy ly, “Khumi ly tako harei khyh naira y ly heng y leang, Tameuh i labeaung y theu nai leu cheaungkhang y heng ai khyh,” nanai tajiu nai awm,” nanai pathang.

LUKA 4:4

Naibaly Isu my ni teng y, “Khumi ly tako harei khyh naira y ly heng y leang,’ nanai tajiu nai awm,” nanai pathang.

I KORINTH 10:3

naibaly nichi bawibawi ly phailo mang i biu py vanrei cha;

Leu Thui Nai 29:5

Areng my nangchi ai saneng vui palyh sala daichi ka-vym jeungrei ang pahawi nai thym khala, nangchi i baichu ateaungchi pyn y, nangchi i phainaichi tlum y.

Leu Thui Nai 29:6

Nangchi teng y cha ai nai teicha teinei, nangchi nei ai nai kreip hang hawi pavui nai amjychi py by y, na i py Areng ly nangchi i Tameuh ne, nanai pany hai ai nai nangchi ngai nai ryrei ang pei.

Leu Thui Nai 32:47

Hini leu pei naichi ly atyhtyh ny y leang; hunichi ly nangchi i heng ai nai sai tatang ne. Nangchi hini leu pei naichi patawm u baly Jordan tavo vai, nangchi peang ai nai pri y heng sau u ai,” napi.

Leu Thui Nai 9:9

Areng hawi nangchi asa nai Leu Maikawm leu saichi tajiu nai lengseaung phei nyhrei la ai nai, kai ly mawi salo y lyn kalau nai ne. Mawi salo y kani vui palyhrei, ati sai py cho nei y naimy kaawm bo.