Leu Thui Nai 8:2 - Khumi Common Language Bible

² Nangchi i Areng Tameuh ly law veng nai saneng vui palyhrei sala, nangchi ai pahawi iy daichi ka-vym tako hai prei bo. Huni thym khala nangchi ly reita leu pei naichi patawm ai nai ngai mo, ngai y mo, nanai cham ai nai nangchi teng y ngari kamtang cheaungkhang tym hai nai ly pany u.

Leu Thui Nai 8:2 ပူးပေါင်းရင်းမြစ်များ

ATITI AWM ANGCHEI NAI 22:1

Kanirei nai khala, Tameuh my Abraham ai cham ai nai ngai i mymy ly “Abraham!,” nanai palau. Abraham my, “Ne, kai hi y awm!” napi.

2 NENG SATANG 32:31

Hini pri theung y tym nai lyh ai nairachi khen ai nai Babulon savaichi tym nai khala malawn py, Tameuh my Hezekia ai cham ai nai ni i ngai nai kamta sa ai nai pei pi nai ne.

2 NENG SATANG 33:12

Samrang ly ngari kamtang avum nai khala y, mymy i Areng Tameuh teng y ali teang i, kasabawmra nga ai nai hnei takeng bo.

2 NENG SATANG 33:19

Samrang i chiu sa nai hawi Tameuh my pathang pi nai sai, ni i kamngo sa naichi hawi y naira sa naichi, ni i sa nai myn chiu naira meingtymchi, tameuhnu Asherah i tamkhawnchi hawi ni i chiu nai mynchi satang ly amochi i cha-iu theung y tajiu pi typ bo.

NEHEMIA 9:19

Na i py nang i pahen naira ly len parai nai deaungkho y, nang ly nichi ai khutaha daichi ka-vym y khai su y. Kanithun y lam patei nai tamai py, vum y nichi i khuleaung lam y angvang hai nai maiteaung py, lo pi veng y nai ne.

JOBA 33:17

Nichi ly kamngo satamang nai anawn hai ai nai hawi, amlyh am-e nai by y ai nai Tameuh ly nichi teng y leu pei nai ne.

SAM 103:2

Aw kai i phailo, Areng ai palo! mymy i pahen nai saichi tami veng moh.

SAM 106:7

Kaichi i amsi pajochi ly Aikupta pri y Tameuh my sa nai lyh ai hawi parai nai ai pany thai y; nichi teng y avawvawrei, tamen nai sai patei pi nai ly tami u veng bo. Naibaly pangli kamsen sahawi y ati cheaungkhang sa thai nai keung ai tiu u nai ne.

SAM 136:16

Mymy i khumichi ai daichi ka-vym tako prei ai nai pahawi bo; mymy i tamen nai ly deungtasarei ne.

SAM 77:11

Aw Areng, kai ly nang i rengrang sa nai saichi ai kapany jo ai; katlen vui nai neng khala, nang i sa pi nai rengrang naichi kapany ali teang ai.

SAM 81:7

Nangchi patang naira avum nai thym khala y kai ai palau i, kai ly nangchi ai atleu pi bo. Alipui khupui theung i niu pajau y naira dengdairei, nangchi ai kang pathang pi bo. Meriba micheaung sahawi y, nangchi ai kaimy cham bo.

THEU NAI 15:25

Mosi ly Areng teng y chiu sa i, Areng my ni ai dengkeaung beang harei patei i, ni ly tui theung y dengkeaung beang aphi; naibaly tui ly nei ai nai nga bo. Areng ly huni meingtym y nichi teaung ai nai reitachi pei i, hu y my nichi leu tangai mo, tangai y mo, nanai cham bo.

THEU NAI 16:35

Israela chengchi ly nichi khuteng sa u ai nai Kanan pri y tym nai ryrei, manna tako ai saneng vui palyhrei cha u nai ne.

THEU NAI 16:4

Huna nai khala Areng my Mosi teng y, “Vai kai ly nangchi bawibawi i vui kani mang dengdairei tako pala pi ai. Nichi ly kani tleirei theu iy kanirei ka-cho pakym u ai nai tla; hunai kamta kai i leu pei naichi tangai mo, tangai y mo, kapany ai.

THEU NAI 20:20

Naibaly Mosi my, “Jei u moh; nangchi ai cham ai nai py, nangchi ly mymy i leu tangai iy kamngo so y ai nai py, Tameuh ang jeu nai ne,” nanai pathang.

LEU KACHENG 17:3

Muku hawi tangka ai mai hawi cham; khumi i paleung ai ly Areng my cham nai ne.

ISAIA 2:17

Khumichi i haiho jum iy paleung len amlyh naichi ly phra ai. Huni neng tym nai khala y, Areng leaungrei naini, tahm asang naira avum ai. Mynchi ly tama angchi khyp ai.

JEREMIA 2:6

Kai ly nichi ai Aikupta pri i nai atleu iy, daichi ka-vym jeungrei, khutaha daichi ka-vym, khaileaung angawmchi kawi mang nanai pri, jengha iy ka-jeira nawi nai pri, khumi angso savai tlang naimy khuleaung chei nai khumi by y nai pri y tako prei i, lam kapahawi pi teu i py, nichi ly kai ai dawndan u y.

Ezekiela 20:19

Kai ly nangchi i Areng Tameuh ne. Kai i Reitachi patawm iy kai i leu pei naichi tangai u.

AMOS 2:10

Kai ly nangchi ai Aikupta pri i dengdairei, kang pahawi nai ne. Daichi ka-vym theung y saneng vui palyh ryrei pahawi iy, Amori khumichi i pri ai nangchi peang ai nai kang pei bo.

Kati Nai 14:33

Nangchi ly ym naira by y nai deaungkho y hini daichi ka-vym y, nangchi theung i kangkhym dei nai khumi ryrei, nangchi i cho chanauchi ly saneng vui palyh khrairei daichi ka-vym theung y amki u ai.

LUKA 18:14

Kang thui pi, huni khumi tleaung y ly hini khumi ly eaung naimy yhm y vawi kathiu bo. Tahm apasang nai ngierei ai ly tahm panem ai, na i py tahm apanem nai ai ly tahm pasang ai,” napi.

JOHAN 2:25

ati mana nai mo nabaly mymy kypkyp ly khumi i paleung theung y awm nai ngierei pany.

Leu Thui Nai 1:3

Israela chengchi ly Aikupta pri i dengdairei theu nai bo saneng vui palyhrei, lo holai harei, angchei i kani y Areng my mipuichi teng y leu pei nai ngierei Mosi my thui pi pateang nai ne.

Leu Thui Nai 1:33

kani thun y tamai angjawi my, nangchi i mo mang lam patei iy nangchi tai ai nai meingtym hau pi nai keung Areng ai ym u y lawh,” napi.

Leu Thui Nai 13:3

huni khumi i leu tangai u moh. Nangchi ly Areng ai paleung hawi verei tamen mo, tamen y mo, nanai pany ai nai nangchi i Areng Tameuh ly nichi ai teaung iy, nangchi ai cham nai ne.

Leu Thui Nai 2:7

“Nangchi i Areng Tameuh ly nangchi i sa nai ngierei ai mana amtheaung hai mo, nanai adawn u. Hini kau parai nai daichi ka-vym khuleaung lam jeungrei nangchi ai ang kry nai ne. Mymy ly nangchi hawi vanrei saneng vui palyhrei awm hai nai deaungkho y, nangchi i ngai nai cheaungkhangchi ang pei bo.

Leu Thui Nai 29:5

Areng my nangchi ai saneng vui palyh sala daichi ka-vym jeungrei ang pahawi nai thym khala, nangchi i baichu ateaungchi pyn y, nangchi i phainaichi tlum y.

Leu Thui Nai 32:7

Lawn veng nai jangni i deung ai pany u, atitichi tym nai saichi ngamhm ngampochi teng y deng u. Saneng len nai miteaungchi teng y jangni i satangchi deng u.

Leu Thui Nai 7:18

Nichi ai jeu u moh; nangchi i Areng Tameuh ly Aikupta samrang hawi ni i khumi bawibawichi ai ati mana pajeng moh, nanai pany u.

Leu Thui Nai 8:16

Daichi ka-vym theung y nangchi i amsi pajochi cho vai y nai Manna tako ang pacho bo. Mymy ly kangkhym y nangchi amtheaungra nga u ai nai molam y, nangchi ai ngari kamtang avum hai bo. Huna nai ngari kamtang avum hai nai ly nangchi ai cham nai ne.

JAKOB 1:3

cham naira takhra takhra avum khala y ly kawn naira sasa y palawn u.

JAKOB 4:10

Areng i mei ka-niu y ly tahm apanem u, hunaibaly ni my ang palo ai.

JAKOB 4:6

Na i py mymy ly pahenra pei panawi reng: hunai deaungkho y Tameuh i cha-iu leu y, “Tameuh ly kam-echi ai paka iy, tahm apanem naichi ai ly pahenra pei,” nanai ne.

I PETERA 1:7

Isu Krista amteng nai khala y ly palo naira hawi, nang parai naira hawi, tahm asang naira py lawn thai ai nai, kra y nai sala y parawi naira cheaungkhang deaungkho y nangchi ly paleung mawn u rai.

AMTENG HAI NAI 2:23

Naibaly mymy i chanauchi ai ly kapadei khyp ai; naibaly kai ly dawn naira hawi paleung khen patawm nai keung ne, nanai palau takhra kamkawm bawibawichi ly pany u ai; naibaly nangchi leaung leaungrei i atiti sa nai kamta kaimy kang heung ai.

TARA CHIH NAI KEUNGCHI 2:22

Hini Israela chengchi ly kai i lam y nichi i amsi pajochi abang u nai kamta abang u ai mo, abang u y ai mo nanai kapany ai nai kai ly hini pri i khumichi ai teaung ai,” napi.

TARA CHIH NAI KEUNGCHI 3:4

Israela chengchi ly mychi i amsi pajochi teng y, Mosi dengdairei Areng my pei nai Reita leuchi ai tangai mo, tangai y mo nanai pany ai nai, mymy ly huni khumichi ai teaung iy, cham ai ngai nai ne.