Leu Thui Nai 7:9 - Khumi Common Language Bible

⁹ Nangchi i Areng Tameuh naini Tameuh tatang ne; mymy ly ka-ym awm nai keung ne, nanai pany u. Areng ly mymy ai tamen iy leu pei naichi tangai nai khumichi ai, deung kangthau sang neangneang khrairei, mymy i Leu Maikawm khaw hai iy, nichi teng y tamen naira patei pi jojo ai.

Leu Thui Nai 7:9 ပူးပေါင်းရင်းမြစ်များ

ATITI AWM ANGCHEI NAI 17:7

Hini ly deungtasarei leu maikawm ne i, nang hawi nang i kangpreang deung kangthauchi teng y py kaimy i leu adeu nai ly kakhaw hai jo ai. Kai ly nang i kangpreangchi i Tameuh hawi nang i Tameuh ne ai.

ATITI AWM ANGCHEI NAI 28:15

Kai ly nang hawi vanrei awm iy nang i chei naira tleirei y kaimy kang kry ai; kaimy kang awm hai ai; nang ai hini pri y kang pahawi ali teang ai. Nang hawi adeu nai leu angym y ryrei ly nang ai kang khai su y leang mang, nanai leu kang pei nai ly nang pany jo ai nai tla,” napi.

ATITI AWM ANGCHEI NAI 9:15

kaimy heng nai amjy cheaungkhangchi ai py, amso mawichi ai py, tui hawi taphra bi y leang bo, nanai nang teng y leu adeu nai ly kapany jo ai mang.

1 ARENG KEH 8:23

“Aw Israela chengchi i Areng Tameuh, kani mang y py, khaileaung y py, nang hawi atawm nai tameuh ly by y; nang i khumichi ly nang i leu ai paleung hawi verei tangai nai khala y, nang ly nichi hawi asa nai Leu Maikawm ai khaw hai iy, nang i pahen nai patei pi ba.

1 NENG SATANG 16:15

Deungtasarei khaw hai ai nai mymy i Leu Maikawm napi nai

2 NENG SATANG 6:14

Mymy ly hina nai chiu sa, “Aw Israela chengchi i Areng Tameuh, kani hawi khaileaung salo y nang hawi atawm nai tameuh by y. Nang i khumichi ly nang i leu ai takhawi y naimy tangai u nai khala, nang ly nichi hawi asa nai Leu Maikawm taphra y naimy, nichi ai tamen nai ne.

NEHEMIA 1:5

Tameuh teng y, “Aw kani pri mang y awm nai Areng Tameuh! Nang ly tahm asang nai deaungkho y kaichi ly jei kaji naimy tahm kang khai u nai ne; nang ly nangmy ai tamen iy leu pei nai tangai nai khumichi hawi leu maikawm asa nai khaw hai bo.

NEHEMIA 9:32

“Aw Tameuh, kaichi i Tameuh, nang ly khri pa-rei tahm asang parai na ly! Khri pa-rei jei hyn ai nai hawi iy, sa thai naira len parai na ly! Nang ly nangmy i Leu Maikawm molam adeu naichi ai ka-ym awm naimy kry bo. Kaichi ly kaimychi teng y Asuria samrangchi my ana kali kachi nai neng dengdairei, vaini khrairei ngari kamtang ka-vum u na bo ly! Kaichi i samrangchi, lu sa naichi, pathyp pi nai keungchi, amochi, kaimychi i amsi pajochi hawi mipui bawibawichi ly ngari kamtang avum u bo. Kaichi mana tanrei ngari kamtang avum mo, nanai pany pi jo kyh ba!

SAM 103:18

Mymy i Leu Maikawm ai kry iy, Reita leu pei naichi ai ka-ym awm naimy sa patawm naichi i tlang tleaung y, mymy i pahen naira ly katu chanau khrairei tym nai ne.

SAM 105:8

Mymy ly mymy i Leu Maikawm ai deungtasa khaw hai ai; mymy i adeu naichi ai deung kangthau tym pa-rei awm hai ai.

SAM 119:75

Aw Areng, nang i tara chih nai saichi ly adyh adawi nai ne, nanai py, meitang khyp naimy kai ai pajeng, nanai py kai ly pany bo.

SAM 146:6

Mymy ly kani, khaileaung, pangli hawi vanrei, hunichi bawibawi ai sa nai ne. Mymy i ka-ym awm nai ai ly kry jojo.

SAM 36:6

Nang i adyh adawi nai ly asang parai nai mawi aheung hawi atawm na bo. Nang chih pi nai saichi ly pangli i thiu parai nairachi hawi atawm; nang ly khumi hawi amso tawnbawichi ai kry nai ne.

THEU NAI 20:6

Na i py kai ai tamen iy kai i reita patawm nai khumichi ai ly deung kangthau sang ho khrairei katamen ai.

ISAIA 49:7

Khumi cheng cheaungkhangchi my niu ngai y nai khri pa-rei avum iy, samrang hawi y naichi i miseaung teng y, Israela chengchi i chai parai nai Tameuh, atleu keung my, “Pri peang nai samrangchi ly nang ai law tleaung hai iy tahm ang khai u ai. Samrang i chapochi my py nang ai niu iy, tahm khai nai lu meung u ai.” Ati mana nai mo nabaly ka-ym awm nai Areng napi nai Israela chengchi i chai parai nai Tameuh ly nang ai vawi takhra nai deaungkho y ne,” napi.

JEREMIA 32:18

Nang ly khumi sang neangneangchi teng y khaw parai nai tamen naira patei pi bo. Na i py khumichi ai mychi amsi pajochi i kamngo molam y pajeng nai ne. Nang ly nang parai nai hawi sa thai naira kawi angym nai Tameuh ne. Nang ly ati cheaungkhang sa thai nai keung Areng ne.

TANGAM NAI LEU 3:23

khawn khutawi neng kamta khesere naimy, kani si nai kamta khaw hai tatang nai ne.

DANIELA 9:4

Kai ly kaimy i Areng Tameuh teng y chiu sa iy, kaimy khumichi i kamngochi ahui pi bo. Kaimy, “Aw Areng Tameuh, nang ly nang parai nai ne i, kaichi my nang ai tahm kang pasang u bo. Nang ly nangmy i Leu Maikawm khaw hai iy nangmy ai tamen i, Reita leu pei naichi sa patawm nai khumichi teng y, khaw parai nai tamen naira patei pi nai ne.

Kati Nai 14:18

“Kai Areng ly neaung hawi nai ne. Tamen naira hawi ka-ym awm nai keung ne iy, kamngo nai hawi tiu naichi ai pahen pi nai ne. Na i py amhm ampochi i kamngo nai y, nichi i katu chanauchi ai deung thom deung palyh khrairei kapajeng ai, nanai adeu nai kamta kasa ai.

ROM AVANGCHI TENG Y PAWLA I CHA PA NAI 8:28

Naibaly Tameuh ai tamen nai keung mymy i khai rym nai kamta palau naichi i vui ly ati py tym sy, mymychi i vui hawi ai naira theu hai reng, nanai achi pany.

I KORINTH 1:9

Tameuh ly ka-ym awm nai ne; mymy ly nangchi ai mymy i Chapo Isu Krista achi i Areng hawi amkawm ai nai ang palau nai keung ne.

I KORINTH 10:3

naibaly nichi bawibawi ly phailo mang i biu py vanrei cha;

I KORINTH 8:3

na i py ami py Tameuh ai tamen baly mymy kypkyp ai ly ang pany.

II KORINTH 1:18

Ati py ne sy, Tameuh my ka-ym awm nai kamta nangchi mang y kaichi i leu ly Ne, nanai hawi, Ny y, nanai ly ne mei y leang.

Leu Thui Nai 32:39

“Kai leaungrei naini Tameuh ne; kai naini Tameuh tatang ne. Kai ly hengra la pi veng thai, hengra py kapei thai, hawi py sa thai; kai i sa nai ai ly ami py paka pajau y leang.

Leu Thui Nai 32:4

“Areng ly nangchi ai ama hai nai keung ne; mymy i sa nai ngiereichi ly angym iy hawi parai. Nangchi i Tameuh ly ka-ym awm nai hawi leu meitang py ne; mymy ly apu parai nai hawi, hawi parai nai Tameuh py ne.

Leu Thui Nai 4:35

Areng naini Tameuh ne, nanai, tameuh takhra by y, nanai, hunichi hawimy nangchi ai pany hai bo.

Leu Thui Nai 4:39

Hunai deaungkho y Areng ly kani hawi khaileaung salo i Tameuh ne. Tameuh takhra by y leang, nanai py pany u jo ba.

Leu Thui Nai 5:10

Na i py kai ai tamen iy kai i reitachi tangai nai khumichi teng y ly deung kangthau sang meaungkateaung khrairei, kai i tamen nai sai kapatei pi jojo ai.

I THESALONIKA 5:24

Nangchi ai ang palau nai keung ly ka-ym awm i, ang sa pi khyp ai.

II THESALONIKA 3:3

Na i py Areng ly ka-ym awm mang, mymy ly nangchi ai ang khaw hai iy, kamngo sa reng nai keung khi i nai ang lawi hai ai mang.

II TIMOTHEI 2:13

Achi ly ka-ym by y nai awm teu i py, Mymy ly ka-ym awm nai awm jojo, Mymy ly amymy ai apha pajau y,” nanai leu ly ka-ym awm nai ne.

TITA 1:2

ka-chawi thui vai y nai Tameuh my ly kani khaileaung palum y rai kha y my huni ai adeu yb veng bo;

HEBRAI 10:23

Hini achi i athang khai naira i ym nai leu amchyh y ai nai patawn u cheng sina; ati mana nai mo nabaly leu adeu nai keung ly ka-ym awm nai ne:

HEBRAI 11:11

Ym naira deaungkho y Sarai kypkyp py adeu nai keung ai ly ka-ym awm nai palawn nai deaungkho y miteaung nai bo y ti ampreng thai ai nai nga bo.

HEBRAI 6:18

Hunaibaly Tameuh ly ka-chawi thui ai nai vuilam ny y nai, pipi palai lawh thai y naira nyhrei tabom nai deaungkho y, achi, lawi naira hau naichi ly achi i mo y athang khai naira ang khai pi nai ai ly patawn thleng thai ai nai, khri pa-rei khaw hai naira nga thai ai.

JAKOB 1:12

Cham naira kham pajau tanga nai keung ly taham hawi, cham pajau nai bo y ni ly Areng my mymy ai tamen naichi teng y adeu nai hengra lukym nga ai.

I JOHAN 1:9

Achi ly achi i kamngochi ahui baly, mymy ly achi i kamngochi pahen ai nai hawi, achi i hawi y naira bawibawi pachai ai nai py ka-ym nai hawi, hawi nai py ne.

TARA CHIH NAI KEUNGCHI 2:1

Areng i kani pri amtaw thau nai ly Kilakala mary dengdairei, Bokhim mary mang y chei iy Israela chengchi teng y, “Kai ly nangchi ai Aikupta pri dengdairei pahawi iy, nangchi i amsi pajochi teng y kaimy adeu nai pri mang y kangtha pi bo. Kai ly nangchi hawi asa nai Leu Maikawm ai mana khala py, kataphra ai ny y.

TARA CHIH NAI KEUNGCHI 5:31

Aw Areng, nang i paleung ka-e bawibawichi ly hina nai kamta sum u sy; na i py nang i ahawichi ly achaw deaung nai kani si nai kamta, angvang phang sy! Naibaly Kanan pri y saneng vui palyh ryrei tlamsa nai ne.