Leu Thui Nai 7:8 - Khumi Common Language Bible

⁸ Na i py Areng ly nangchi ai tamen iy, nangchi i amsi pajochi teng y leu ka-deu khaw hai ai ngai nai deaungkho y, Aikupta samrang teng y miseaung acheira i nai, sa thai naira len parai nai saho y nangchi ai atleu nai ne.

Leu Thui Nai 7:8 ပူးပေါင်းရင်းမြစ်များ

ATITI AWM ANGCHEI NAI 19:16

Lota ly niniuna nai deaungkho y Areng my pahen i, mymy i chaniu leaung nyhrei ai py, aju ai py, mymy ai py kiuban y amkhaw iy, mary theung i nai theu hai bo.

ATITI AWM ANGCHEI NAI 19:29

Na i py Tameuh my Lota awm nai adym i mary bawibawi ai py taphra nai khala, Tameuh my Abraham ai pany jo i, Lota ai ly tleaung hai nai ne.

2 SAMUELA 22:20

Mymy ly kai ai patangra i nai lawi hai ai nai sabawm; kai ai paleung bie nai deaungkho y atleu bo.

1 ARENG KEH 10:9

Nang i Areng Tameuh ly nang parai nai awm sy! Mymy ly nang ai khri pa-rei tamen nai deaungkho y, Israela samrang y tahm pasang bo. Israela chengchi ai deungtasarei tamen nai deaungkho y, nichi ai leu meitang adyh adawi naimy peang ai nai, nang ai samrangra y palyn nai bo,” napi.

1 NENG SATANG 16:16

Abraham hawi asa nai Leu Maikawm ai py, Isaka teng y leu adeu nai ai, mana khala py tami u moh.

2 NENG SATANG 9:8

Nang i Areng Tameuh ai ly palo u sy! Mymy ly nang ai khri pa-rei tamen nai deaungkho y, mymy i jeng y peang pajau ai nai Israela samrang lawm hai iy tahm pasang bo. Mymy ly mymy i khumi Israela chengchi ai tamen iy, deungtasarei kry ai ngai nai deaungkho y, peang nai reita khaw ai nai hawi leu meitang adyh adawi naimy awm ai nai, nang ai nichi i samrang lawm hai iy tahm pasang bo,” napi.

SAM 105:42

Mymy ly mymy i miseaung Abraham teng y adeu nai leu ai pany pi bo.

SAM 44:3

Nang i khumichi ly huni pri y haisauchi hawi peang u nai ny y leang; mychi atho hawi py peang vui nai ny y leang; nang i sa thai naira haiho hawi, nang ly nichi ai tamen nai deaungkho y nichi hawi vanrei nangmy awm pi nai molam py, nichi ly huni pri y peang vui pajau nai ne.

SAM 44:4

Nang ly kai i samrang, kai i Tameuh ne; nang i khumichi ai eaung naira pei pi bo.

THEU NAI 13:14

Khawnvai kani y nang i chapo my, ‘Ati mana nai y hina nai sa lawh mo?,’ nanai angdeng lawh baly, ‘Areng ly sa thai naira len parai nai hawimy, achi ai Aikupta pri y miseaung achei naira i nai ang pahawi nai ne.

THEU NAI 13:3

Naibaly Mosi my Israela chengchi teng y, “Areng ly pahen naira len parai nai hawimy, nangchi miseaung achei nai Aikupta pri i dengdairei, nangchi ai pahawi nai kani ai pany u; huni kani y angbo abawi nai tako cha ai nai tlo y.

THEU NAI 20:2

“Kai ly nangchi ai miseaung achei nai, Aikupta pri i dengdairei pahawi nai keung nangchi i Areng Tameuh ne.

THEU NAI 32:13

Nang i miseaung Abraham, Isaka hawi Jakobchi ai pany pi jo kyh; nang ly nichi i kangpreangchi ai kani mang i ka-sichi kamta peung hai ai, nanai hawi, nangmy adeu hai typ nai huni pri bawibawi ly nichi i kangpreangchi amtym jojo ai nai, nanai pany pi ba,” nanai ahui pi bo.

THEU NAI 6:6

Hunaibaly nang ly Israelachi teng y thui pi ai nai ly, ‘Kai ly Areng ne, Aikupta chengchi teng y miseaungra i nai nangchi ai kaimy lawi hai ai. Kai i sa thai naira kiu ban pheu iy Aikupta chengchi i tlang tleaung y ka-jei hawi parai nai kapajeng ai i, nangchi ai atleu ai.

ISAIA 43:4

Nangchi ly kai i vui khri pa-rei vang teng nai khumichi ne i, kaimy tamen iy tahm kapasang naichi ne nai deaungkho y, kai ly nangchi ai atleu ai nai, khumi chengchi ai khai su ai.

ISAIA 63:9

Nichi ai atleu nai keung ly kani pri amtaw thau ny y. Na i py Areng mymy kypkyp ne. Mymy ly tamen naira hawi pahen naira awm nai deaungkho y, nichi ai atleu nai ne. Jangni y mymy ly nichi ai kry jojo teu i py,

JEREMIA 31:3

kai ly nichi teng y kamlo mang dengdairei amteng pi nai ne. Aw Israela khumichi awi, kai ly nangchi ai kang tamen jojo nai deaungkho y, nangchi ai kai i tamen naira khaw parai nai kang patei pi bo.

Ezekiela 36:22

Huna nai y Israela chengchi teng y sa thai naira angym nai kai, Areng my leu pei nai ly vai, kai i sa ai tau nai ly nang Israela chengchi i vui ny y; nangchi tym nai pri tleirei y kai i amyn kachai taphra nai molam y sa ai nai teu.

MIKHA 6:4

Kai ly nangchi ai Aikupta pri i dengdairei kang pahawi iy miseaung i nai atleu pi bo. Nangchi ai lam patei ai nai Mosi, Aron hawi Miriamchi ai kang pato pi nai ne.

MIKHA 7:20

Nang ly jangni khala, kaichi i amsi pajochi teng y adeu nai kamta, Abraham hawi Jakob i kangpreang lawm nai, nang i khumichi ai ka-ym awm naira hawi khaw parai nai tamen naira pahen naira hawimy hawi naira tym hai ai.

ZEPHANIAH 3:17

Nang i Areng Tameuh ly nang hawi vanrei awm; mymy i sa thai naira hawimy, nang ly eaung naira nga ai. Areng ly nang i tlang tleaung y amo theu naira nga ai. Mymy ly mymy i tamen naira hawi nang ai deung kangthaang pei ai. Mymy ly nang i molam y, amo theu nai khulym thui ai.”

MALAKHI 1:2

Areng ly mymy i khumichi teng y, “Kai ly nangchi ai kang tamen jojo,” napi. Na i py nichi my, “Nang ly kaichi ai tamen nai sai mana patei pi ai mo?” nanai deng u. Areng my, “Esaw hawi Jakob nini ly amjo amnau ne i py, kai ly Jakob hawi ni i katu chanauchi ai tamen;

MATTHAI 11:26

Ne, Ngaai awi! Hunai kamta sa ai nai nang ly hawi, nanai pany.

LUKA 1:55

Abraham hawi, my i kangpreangchi ai ly mymy i pahen ai nai sai deungtasarei pany jo ai nai. Mymy i miseaung Israela ai ly sabawm bo,” napi.

ROM AVANGCHI TENG Y PAWLA I CHA PA NAI 11:28

Satang Kahawi mang y dawn baly nichi ly nangmychi deaungkho y paleung ka-e ne; vawi nai molam y dawn nai naini nichi ly pajochi deaungkho y ngai parai naichi ne.

Leu Thui Nai 1:8

Nangchi i amsi pajo Abraham, Isaka, Jakob hawi nichi i kangpreangchi teng y, hini pri bawibawi pei ai, nanai Areng my leu adeu nai ne. Nangchi chei u ly peang u,’ nanai leu ang pei,” napi.

Leu Thui Nai 10:15

Na i py Areng i tamen naira ly nangchi i amsi pajochi tlang tleaung y khri pa-rei len nai deaungkho y, khumi neangneangchi theung i nai nangchi ai vawi takhra nai ne i, nangchi ly vaini khrairei mymy i khumichi ne.

Leu Thui Nai 23:6

Nangchi i pri khaw jo nai ryrei ly huni khumi chengchi i vui hawi ai nai hau u moh, sabawm py sabawm u moh.

Leu Thui Nai 33:3

Areng ly mymy i khumichi ai tamen, mymy i khumichi ai kry ryhpatyh na. Hunai deaungkho y achi ly mymy i kheu keung y ambeu iy, mymy i reita leu pei naichi tangai u bo.

Leu Thui Nai 4:20

Na i py nangchi ly tamang mai kangveaung kamta lawm nai Aikupta pri i dengdairei Areng my pahawi nai khumichi ne. Mymy i khumichi lawm ai nai nangchi ai pahawi bo. Hunai deaungkho y nangchi ly mymy i khumichi lawm iy, vaini khrairei khaw jo nai ne.

Leu Thui Nai 4:34

Nangchi i Areng Tameuh ly Aikupta chengchi kiu i atleu iy, mymy i khumi palawn naimy pahawi bo. Tameuh takhra ly khumi cheng harei i vui, huna nai kamta sa pi vai sai a? Areng ly mymy i len parai nai sa thai naira patei nai, ka-jeira hawi tavai takai tym hai nai, rengrang ka-ma-rachi hawi lyh ai hawi nairachi sa pi nai, hunichi ai nangmychi kypkyp my niu u bo.

Leu Thui Nai 4:37

Ati mana nai mo na baly mymy ly nangchi i amsi pajochi ai tamen nai deaungkho y nangchi ai vawi takhra nai ne; naibaly mymy i sa thai naira hawimy nangchi ai Aikupta pri i dengdairei ang pahawi bo.

Leu Thui Nai 5:6

‘Kai ly nangchi ai Aikupta pri miseaung i nai atleu pi nai, nangchi i Areng Tameuh ne.’

I JOHAN 4:19

Mymy ly achi ai ang tamen man nai deaungkho y achi ly tamen nai ne.

1 SAMUELA 12:22

Areng ly nangchi ai mymy i khumi palawn iy vawi takhra bo. Hunai deaungkho y mymy ly my i amyn saho y nangchi ai khai su y leang.