Leu Thui Nai 7:6 - Khumi Common Language Bible

⁶ Nangchi i Areng Tameuh ly nangchi ai peang nai deaungkho y, huna nai sa ai nai tla. Khaileaung pri y awm nai khumi cheaungkhangchi theung i nangchi ai, mymy i khumi y palawn ai nai Areng my vawi patyp nai ne.”

Leu Thui Nai 7:6 ပူးပေါင်းရင်းမြစ်များ

1 ARENG KEH 3:8

Vai kai ly nangmy vawi takhra nai khumichi theung y kaawm bo. Nichi ly kati pajau y na pa-rei nawi nai ne.

EZARA 9:2

Juda chengchi ly cheng takhra neampachychi hawi yhmtheaung sa u nai deaungkho y, Tameuh i khai takhra nai khumichi ly amso ngai veng bo. Hini kamngochi sa naira y lu sa naichi hawi miteaung kehchi ly ty keh nai ne,” napi u.

SAM 114:2

Juda chengchi ly Areng i khumi kachaichi lawm u bo; Israela chengchi ly mymy i peang nai khumichi lawm u bo.

SAM 135:4

Mymy ly Jakob ai mymy i vui hawi Israela chengchi ai, mymy i peang nai lawn ai nai py vawi takhra bo.

SAM 50:5

Mymy ly “Apathyp nai molam y kai hawi leu maikawm asa iy, ka-ym awm naichi kai teng y achu hai u,” nanai leu pei bo.

THEU NAI 6:7

Kai ly nangchi ai kai i khumi kypkyp kapalawn ai; kai ly nangchi i Tameuh ne ai. Aikupta pri y miseaung achei naira i nangchi ai kang lawi hai nai khala y, kai ai nangchi i Areng Tameuh ne, nanai pany u ai.

ISAIA 41:8

“Na i py kai i miseaung Israela chengchi awi, kaimy vawi takhra nai nangchi ly kai i ahawi Abraham i katu chanauchi ne.

ISAIA 41:9

Kai ly nangchi ai khaileaung khuteng taki i dengdairei kang pahawi bo. Khaileaung katem i dengdairei palau nai, nangchi ly kai i miseaungchi ne. Kai ly nangchi ai nyn va ai nai tleaung y ly kang vawi takhra nai ne.

ISAIA 6:13

Huni pri y khumi chungphy horei vi awm ai khyh na lawh teu i py, huni khumichi ly myh kang u ai nai ne. Huni khumichi ly paliu vui nai ngopraibiu keungchi i miukhiuchi hawi atawm ai,” napi. (Dengkeaung miukhiuchi ly Tameuh i khumichi deung kangtha amteaung nai sai pany hai nai ne.)

ISAIA 62:12

Nangchi ly “Tameuh i chai parai nai khumichi,” “Areng i atleu nai khumichi,” nanai ang palau ai. Jerusalem mary ai, “Tameuh i tamen nai mary pui,” “Tameuh my khai su y nai mary pui,” nanai amyn palau nai avum ai.

JEREMIA 2:3

Aw Israela chengchi awi, nangchi ai kaimy kang peang khyh nai ne. Nangchi ly kaimy peang nai vang teng naichi ne. Kai ly nangchi i tlang tleaung y no patang hai nai khumi bawibawichi ai ka-jeira hawi ngari kamtang tym hai bo. Hini ly kai Areng i thui nai leu ne.”

Ezekiela 20:5

Kai Areng my ati mana leu pei mo, nanai py thui pi. Israela chengchi ai kaimy vawi takhra iy, Jakob i nupaichi theung y kaimy leu adeu pi bo. Kai ly Aikupta pri y nichi teng amteng iy, kai ly nichi i Areng Tameuh ne, nanai adeu pi bo.

Levi 20:24

Na i py teicha teinei avaw y iy pa-tiu khuta hawi nai, huni pri nangchi amtym ai nai kang pei ai, nanai adeu nai kamta kai ly sa pi ai. Kai ly nangchi i Areng Tameuh ne iy, nangchi ly khumi takhrachi hawi atawm y, kaimy vawi takhra nai khumichi ne.

Levi 20:26

Kai ly Areng ne iy chai nai deaungkho y nangchi py chai ai nai tla. Nangchi ly kaimy vawi nai kai i khumichi ne. Kai naini nangchi ai kang peang ai nai, nangchi ai khumi cheng cheaungkhangchi theung i nai kaimy vawi takhra nai bo.

AMOS 3:2

“Khaileaung pri verei y awm nai khumi cheng bawibawichi theung y, nangchi cheng harei ai naini kang pany iy, kang pahen nai ne. Hunaibaly nangchi i kamngo sa nai ngierei molam y, kai ly nangchi ai kang pajeng ai nai tla ai,” napi.

MALAKHI 3:17

Ati cheaungkhang sa thai nai Areng my, “Hini khumichi ly kai i khumichi lawm ai. Nichi ly kaimy tara chih nai kani y kai i khumi kypkypchi lawm ai. Ampo ly my i miseaung kamta sa nai chapo tlang tleaung y pahen nai kamta, kai py nichi tlang tleaung y pahen ai.

AMTAW 13:17

Hini Israela chengchi i Tameuh ly achi i amsi sangumchi ai vawi i, khumichi Aikupta pri y awm nai khala y ly nichi ai tahm pasang iy, salo keh i kiu my hu i dengdairei nichi ai pahawi bo.

ROM AVANGCHI TENG Y PAWLA I CHA PA NAI 9:4

Nichi ly Isaelachi ne; chanau lawn naira py, tahm asang naira py, leu maikawm bawibawi py, Reita peinai py, Tameuh ai chiu ai nai py, leu adeu nai bawibawichi py mymychi i ne;

Leu Thui Nai 14:2

Areng ly khaileaung pri khumi cheng bawibawichi theung i, nangchi ai mymy i khumi palawn ai nai vawi takhra nai deaungkho y, nangchi ai nangchi i Areng Tameuh my peang nai ne.

Leu Thui Nai 14:21

“Atyhtyh naimy dei nai tawnbawi mawi cho ngau y. Nangchi hawi saleaung vanrei awm nai cheng takhrachi ly huni mawi cho palai sy, ti y baly cheng takhrachi teng y jo u pajau. Nangchi ai ly nangchi i Areng Tameuh my peang nai ne i, nangchi ly mymy i khumichi ne. “Beram cho, ti y baly mi-i cho ai ly amhm i kanu tui hawi vanrei byh ngau y.

Leu Thui Nai 26:18

Areng ly adeu nai kamta, nangchi ai mymy i khumi ne, nanai vaini pany pi bo. Nangchi ly reita leu pei nai ngiereichi tangai ai nai leu pei nai ne.

Leu Thui Nai 26:19

Mymy ly mymy i sa nai khumi cheng bawibawichi tleaung y, nangchi ai cheng kalen lawm hai ai. Nangchi saho y mymy i nang parai nai sai tahm asang ai. Mymy i adeu nai kamta nangchi ly mymy i khumi lawm u ai,” napi.

Leu Thui Nai 28:9

“Nangchi ly nangmychi i Areng Tameuh my leu pei naichi tangai iy reita ngiereichi sa patawm u baly, mymy i leu adeu hai nai kamta, nangchi ai mymy i khumi kypkyp lawm hai ai.

Leu Thui Nai 33:3

Areng ly mymy i khumichi ai tamen, mymy i khumichi ai kry ryhpatyh na. Hunai deaungkho y achi ly mymy i kheu keung y ambeu iy, mymy i reita leu pei naichi tangai u bo.

Leu Thui Nai 4:20

Na i py nangchi ly tamang mai kangveaung kamta lawm nai Aikupta pri i dengdairei Areng my pahawi nai khumichi ne. Mymy i khumichi lawm ai nai nangchi ai pahawi bo. Hunai deaungkho y nangchi ly mymy i khumichi lawm iy, vaini khrairei khaw jo nai ne.

Leu Thui Nai 4:37

Ati mana nai mo na baly mymy ly nangchi i amsi pajochi ai tamen nai deaungkho y nangchi ai vawi takhra nai ne; naibaly mymy i sa thai naira hawimy nangchi ai Aikupta pri i dengdairei ang pahawi bo.

TITA 2:14

mymy ly achi i taphra naira bawibawi i dengdairei achi ai atleu thai ai nai hawi, mymy i vui y atiti kahawi sa ai nai dawn kheng naichi, mymy i khumi kypkyp lawn iy amy i kavui y pachai thai ai nai py achi i vui y apei bo.

I PETERA 2:9

Na i py kaveng theung i nai mymy i kangvang rengrang tlai naira y kun ai nai nangchi ai ang palau nai keung i hawi parai nai sai nangchi ly amteng hai thai ai nai, nangchi ai ly cheng vawi takhra nai, pathyp pi nai keung tahm asang parai nai, theaung kachai, Tameuh i khumichi kypkyp ne;

II PETERA 2:5

naibaly mymy ai tahm khai y naichi i awm nai khaileaung pri ai ly tuibai theu hai i, jangni i khaileaung pri ai ly khai y iy, hawi nai leu thui nai keung Nova ai hawi, khumi takhra leaung saryhreichi ai paheng baly:

II PETERA 2:9

tumbaly Areng ly Tameuh ai dawn ryhryh naichi ai ly parawi naira i dengdairei palawi ai nai hawi, tara chih ai nai kani i vui y hawi y sa naichi ai pajeng ai khai nai py pany chy bo;

1 SAMUELA 12:22

Areng ly nangchi ai mymy i khumi palawn iy vawi takhra bo. Hunai deaungkho y mymy ly my i amyn saho y nangchi ai khai su y leang.