Leu Thui Nai 7:3 - Khumi Common Language Bible

³ Nichi hawi vuinai alo moh; nangchi i chaniuchi ai py, nichi hawi apom hai moh;

Leu Thui Nai 7:3 ပူးပေါင်းရင်းမြစ်များ

ATITI AWM ANGCHEI NAI 24:3

Nang ly kai i chapo i vui aju ly Kanan chengchi theung y hau y leang, nanai kani hawi khaileaung palum nai keung Areng Tameuh i amyn y vaineng abeu.

1 ARENG KEH 11:2

Areng ly Israela chengchi teng y, “Nangchi ly cheng takhrachi hawi apom ngau y; nichi ly nangchi i paleung ai mychi i tameuhchi mang y paleung apei hai ai,” napi. Na i py Solomon ly huni cheng takhra neampachychi ai pom bo.

1 ARENG KEH 16:31

Ni ly samrang Jeroboam kamta kamngo sa nai anyp y i, huni tleaung y typ keh nai ly Siloh samrang Ethabala i chaniu Jezabela ai pom iy, Bala tameuh ai chiu nai ne.

EZARA 10:3

Vai kaichi ly huni neampachychi hawi cho chanauchi ai khai su ai, nanai kaichi i Tameuh teng y vaineng adeu u ai. Tameuh i leu pei naichi tahm khai u nai, nang hawi takhra khumichi my tau pei nai kamta, kaichi kasa u ai. Kaichi ly Tameuh i Reita leu kamta sa khyp ai mang.

EZARA 9:12

Nichi nang chawn ai nai molam ly mana khala py sabawm u moh,’ nanai nang i miseaung amochi dengdairei leu pei naichi ai kaichi tangai u y.

NEHEMIA 10:30

Kaichi ly hini pri y awm nai cheng takhrachi hawi apom ai ny y.

TARA CHIH NAI KEUNGCHI 14:3

Na i py ni i amhm ampo my ni teng y, “Nang ly neampachy leaungrei nga ai nai, Areng ai chiu y nai Philistia chengchi teng y, ati mana nai chei lawh mo? Amychi cheng theung y py ne sy, amychi nupai theung y py ne sy, neampachy leaungrei ai hau iy niu y nai sai a? " nanai deng. Samson my ly my i ampo teng y, “Huni neampachy ai naini, kai i vui deng pi kyh; ni ai kai ly khrei nai ne,” napi.