Leu Thui Nai 7:2 - Khumi Common Language Bible

² Nangchi i Areng Tameuh ly hini khumichi ai nangchi i kiu y au iy, nichi ai nangchi my eaung nai khala, nichi bawibawi ai tamyh pawn ai nai tla. Nichi hawi amkawm moh ly nichi ai pahen py pahen moh.

Leu Thui Nai 7:2 ပူးပေါင်းရင်းမြစ်များ

ATITI AWM ANGCHEI NAI 14:20

“Nang i paleung ka-echi ai sum hai nai keung salo kangteng Tameuh teng y palo nai awm sy!,” napi. Naibaly Abram ly Melkhizedeka teng y tavai atiura i nga nai vawnsaichi theung i horei y harei talam bo.

2 SAMUELA 21:2

(Kibeon mary i khumichi ly Israela chengchi ny y; nichi ly Amori cheng khumi maidenreichy ne i, nichi ai Israela chengchi my ama hai ai, nanai adeu yb bo. Na i py Sawla ly Israela hawi Juda khumichi i vui y paleung apei keh nai y, Kibeon mary i khumichi ai tamyh ai nai atho sa nai ne.)

1 ARENG KEH 20:34

Benhada my, “Nang i ampo teng i nai kai i ampo my la vui nai marychi ai, nang teng y kang pei teang ai. Kai i ampo ly Samari mary y ka-sum ka-pai, ka-jo ka-van sangum meingtym sa nai kamta, nang py Damaska mary y ka-sum ka-pai, ka-jo ka-van sangum meingtym sa pajau mang,” napi. Ahab my, “Hina nai adyh adawi nai molam y, nang ai kang padei y ai,” napi. Naibaly ni ly Benhada hawi amsawi amnai asa hawi chum baly, Benhada ai vawi ai nai pei bo.

EZARA 10:3

Vai kaichi ly huni neampachychi hawi cho chanauchi ai khai su ai, nanai kaichi i Tameuh teng y vaineng adeu u ai. Tameuh i leu pei naichi tahm khai u nai, nang hawi takhra khumichi my tau pei nai kamta, kaichi kasa u ai. Kaichi ly Tameuh i Reita leu kamta sa khyp ai mang.

SAM 106:34

Nichi ly Kanan chengchi ai tamyh pawn ai nai Areng my leu pei teu i py, hunai kamta so u y naimy,

THEU NAI 22:20

“Kai, Areng ai ny y naimy tameuh takhra teng y apathyp lawh baly, huni khumi ai ly padei ai tla.

Kati Nai 21:2

Naibaly Israela chengchi my Areng teng y, “Nang ly kaichi ai hini khumichi ai tiu nai pajau hai baly, nichi hawi nichi i marychi ai nang teng y au be nai katalamra palawn iy, taphra chauchau ai mang,” nanai vaineng abeu u nai ne.

Kati Nai 31:17

Hunai deaungkho y neampacho deaungdichi hawi neampachochi hawi apha reng nai neampachy ngiereichi ai ly tleh u pawn.

Kati Nai 33:52

huni pri y awm nai khumi bawibawichi ai patheu pawn ai nai tla. Nichi i lengseaung tameuh myn, tamo ngan tameuh mynchi hawi nichi i chiu nai meingtym ngiereichi ai taphra pawn ai nai tla.

Leu Thui Nai 13:8

Na i py nangchi ly ni my parawi nai tleirei abang u moh; nichi i thui nai leu ai malawn py tangai u moh. Ni ai pahen moh, amo hai moh.

Leu Thui Nai 13:9

Ni ai padei vui! Ni ai padei naira y nang ly ni ai lengseaung hawi aphi man ai nai tla, huni bo y takhra khumichi my aphi u na sy.

Leu Thui Nai 19:13

Ni ai pahen moh. Nangchi ly awmnem naira nga ai nai Israela cheng theung i dengdairei, khumi padei nai keung ai tama hai vui ai nai tla.

Leu Thui Nai 2:33

Na i py achi i Areng Tameuh ly huni samrang ai achi i kiu y au nai deaungkho y, ni hawi ni i chapochi hawi vanrei, tavaimi leilachi ai tleh krai bo.

Leu Thui Nai 2:34

Huna nai khala my, achi ly nichi i marychi peang be iy tamyh chau bo; neampacho, neampachy hawi deaungdi bawibawichi ai py, leaungrei ai py kangheng khai y.

Leu Thui Nai 23:14

Nangchi i tai naira ai ly nangchi ai ama hai iy, tavai eaung hai ai nai, nangchi i Areng ly tai theung y nangchi hawi vanrei awm nai deaungkho y, tai ai ly reita leaungsai y kachai khai ai nai tla. Areng my nangchi ai ang khai su y ai nai, chai y nai ngiereichi sa ai nai avo y.

Leu Thui Nai 25:12

huni neampachy i kiu tawp vui ai tla, ni ai pahen moh.

Leu Thui Nai 3:3

“Hunai deaungkho y Areng ly samrang Oka hawi ni i khumichi ai py, achi teng y ang pei ai i, achi ly leaungrei py tleaung y pa-rei tleh chauchau bo.

Leu Thui Nai 31:5

Areng my nangchi ai nichi i pri ai tiu nai pajau hai ai i, kaimy thui pi yb nai kamta nangchi ly nichi ai pajau u ai nai tla.

Leu Thui Nai 33:27

Tameuh ly nangchi ai ama hai jojo nai ne; mymy i deungtasa kiuban my nangchi ai ang dawmkhawn bo. Mymy ly nangchi tako nai lam i, paleung ka-echi ai paryh pi pawn bo; huni paleung ka-echi ai tamyh pawn ai nai nangchi ai leu kang pei bo.

Leu Thui Nai 7:16

Nangchi i Areng Tameuh my nangchi i kiu y au nai khumi ngiereichi ai nangchi ly tamyh pawn ai nai tla. Huni khumichi ai den py pahen moh, huni khumichi i tameuhchi ai chiu u moh, chiu u lawh baly nangchi ly dei u ai.

Leu Thui Nai 9:3

Na i py nangchi i Areng Tameuh ly nangchi i mo mang len parai nai mai kangveaung kamta tako nai ly nangmychi my vai niu u ai. Nangchi tako nai thym khala mymy ly nichi ai sum hai nai deaungkho y adeu yb nai kamta, nangchi ly huni khumichi ai patheu vui iy taphra u praw ryp pajau ai.

JOSUA 10:28

Huni kani y my Josua ly Makedah mary ai tiu pajau iy, Makedah samrang ai patiu vui bo. Mary i khumichi ai py, leaungrei py takhawi y naimy tleh chauchau nai ne. Jeriko samrang ai padei nai kamta, Makedah samrang ai py padei teang bo.

JOSUA 10:30

Areng huni mary hawi huni mary i samrang ai py, Israela chengchi i kiu y au bo. Nichi ly mary i khumichi ai, leaungrei py tleaung y pa-rei tleh pawn nai ne. Jeriko samrang ai padei vui nai kamta, Libana samrang ai py padei vui bo.

JOSUA 10:32

Areng ly atiu nai pa-nyh kani y, Lakhisa mary ai Israela chengchi i kiu y au bo. Nichi ly Libana mary i khumichi ai sa nai kamta, Lakhisa mary i khumi bawibawichi ai py, leaungrei py tleaung y na pa-rei tamyh pawn bo.

JOSUA 10:40

Josua ly pri verei ai tiu nai eaung bo. Ni ly mawi tleaung pri i samrangchi, nisi mang mawi aheung hawi, nidym mang mawi kheutangra y awm nai samrangchi hawi, tokalawi mang i khutaha meingtymra y awm nai samrang bawibawichi ai py tiu i eaung nai ne. Huni pri i khumi bawibawichi ai leaungrei py tleaung y pa-rei tamyh pawn bo. Israela chengchi i Areng Tameuh my leu pei nai saho y hina nai sa nai ne.

JOSUA 10:42

Israela chengchi i Areng Tameuh ly Israela chengchi mang y asa hai nai deaungkho y, Josua ly huni samrang bawibawichi hawi, nichi i prichi ai tiu i eaung veangveang nai ne.

JOSUA 11:8

Areng ly Israela chengchi teng y paleung ka-echi tlang tleaung y eaung hai bo. Nichi ly tosyh mang Sidon mary hawi, Misrhoth Maim marychira y tym pa-rei py, nisi mang Mizapa leaunghawi y tym pa-rei py, paleung ka-echi ai tiu u i, leaungrei py tleaung y pa-rei padei u bo.

JOSUA 2:14

Naibaly nini my, “Kaini ly adeu nai kamta kaso hawi y lawh baly, Tameuh my kaini ai padei sy; nang ly kaini i jeu nai leaungsai ai ami teng y py thui pi y ai na baly, Areng my hini pri kaichi teng y pei nai khala, kaichi ly nangchi ai kang pahen ai, nanai adeu mang,” napi.

JOSUA 21:44

Areng my nichi i amsi pajochi teng y leu adeu nai kamta, pri verei y tlamsa nai awm bo. Areng my Israela chengchi teng y, paleung ka-e awm nai ngiereichi ai tiu i, eaung hai bo. Mani paleung ka-e my py, nichi ai amtang pajau y.

JOSUA 8:24

Israela risachi ly adymra y paleung ka-echi ai leaungrei py tleaung y pa-rei padei chum baly, A-i mary theung y kun teang iy, awm rai nai khumi ngiereichi ai tamyh u pawn nai ne.

JOSUA 9:24

Huna nai khala nichi my, “Nang i Areng Tameuh ly hini pri verei, nangchi teng y pei ai nanai py, mipui bawibawichi ai padei pawn ai nanai py, mymy i miseaung Mosi teng y leu pei nai kaichi thai i, dei ai nai jei nai deaungkho y, huna nai kamta kasa u nai ne.

JOSUA 9:7

Huna nai khala Israela chengchi my, “Nangchi ly kaichi sahawi y awm u nai ne lym ai. Huna nai ne baly nangchi hawi ati mana nai ka-dyh ka-dawi sumneang asa lawh ai mo?” napi u.”

TARA CHIH NAI KEUNGCHI 1:24

mary theung i nai khumi leaungrei theu nai niu u. Nichi my huni khumi teng y, “Mary theung y kun ai nai lam kaichi ai patei ai nabaly, nang ai kaichi my ati sai py kangso hai y leang,” napi u.

TARA CHIH NAI KEUNGCHI 1:4

Juda cheng theaungchi hawi vanrei, tavai keung y thau u bo. Areng my py nichi ai kanan pri khumichi hawi Perizi khumichi tlang tleaung y eaung hai nai deaungkho y, nichi ly Perizi mary y paleung ka-e tavaimi leaung 10,000 reichi ai tiu i eaung vui nai ne.

TARA CHIH NAI KEUNGCHI 2:2

Nangchi ly hini pri y awm nai khumichi hawi mana khala py, leu maikawm aso moh. Nichi i maichamchi ai taphra vui ai nai tla, nanai nangchi ai leu kang pei bo. Na i py nangchi ly kai i leu pei nai tangai u y; ati mana nai y hina nai sa u lawh mo!