Leu Thui Nai 7:16 - Khumi Common Language Bible

¹⁶ Nangchi i Areng Tameuh my nangchi i kiu y au nai khumi ngiereichi ai nangchi ly tamyh pawn ai nai tla. Huni khumichi ai den py pahen moh, huni khumichi i tameuhchi ai chiu u moh, chiu u lawh baly nangchi ly dei u ai.

Leu Thui Nai 7:16 ပူးပေါင်းရင်းမြစ်များ

SAM 106:34

Nichi ly Kanan chengchi ai tamyh pawn ai nai Areng my leu pei teu i py, hunai kamta so u y naimy,

SAM 106:36

Tameuh i khumichi ly mynchi ai chiu lawh nai deaungkho y tama u nai ne.

THEU NAI 23:33

Nangchi i pri y nichi ai awm ai nai pei moh; nichi ai awm ai nai pei lawh baly, nichi ly nangchi ai kai i tlang tleaung y kamngo so hai lawh na. Nangchi ly nichi i tameuhchi ai chiu u lawh baly, phra hai angchi khyp nai deaung y man u ai.

JEREMIA 21:7

Tavai takai, tahum takang hawi no kanghawi y dei bawi y nai Juda samrang Zedekiah, ni i bangtangchi hawi khumichi ly mychi ai padei ai ngai nai paleung ka-echi hawi Nebukhadnezar i kiu y patiu hai ai. Nebukhadnezar my py nichi ai padei hai ai. Ami ai py kangheng khai ai ny y, ami ai py pahen pi ai ny y. Hini ly kai, Areng i thui nai leu ne,” napi.

Kati Nai 33:55

Na i py nangchi my huni pri i khumichi ai patheu y lawh baly, hu y awm nai khumichi ly khrukhra hai nai keungchi lawm ai i, nangchi ai ang tiu ai.

I KORINTH 15:33

Tapawp naira y awm u moh. Ahawi hawi y naichi ly awm nai sai kahawi taphra reng.

Leu Thui Nai 13:8

Na i py nangchi ly ni my parawi nai tleirei abang u moh; nichi i thui nai leu ai malawn py tangai u moh. Ni ai pahen moh, amo hai moh.

Leu Thui Nai 13:9

Ni ai padei vui! Ni ai padei naira y nang ly ni ai lengseaung hawi aphi man ai nai tla, huni bo y takhra khumichi my aphi u na sy.

Leu Thui Nai 19:13

Ni ai pahen moh. Nangchi ly awmnem naira nga ai nai Israela cheng theung i dengdairei, khumi padei nai keung ai tama hai vui ai nai tla.

Leu Thui Nai 19:21

Huna nai kahm tara chih naira y pahen ai nai tlo y. Ami ai padei baly padei teang ai nai tla; mei i vui y mei, ho i vui y ho, kiu i vui y kiu, kheu i vui y kheu ai pajeng ai nai tla.

Leu Thui Nai 25:12

huni neampachy i kiu tawp vui ai tla, ni ai pahen moh.

Leu Thui Nai 7:2

Nangchi i Areng Tameuh ly hini khumichi ai nangchi i kiu y au iy, nichi ai nangchi my eaung nai khala, nichi bawibawi ai tamyh pawn ai nai tla. Nichi hawi amkawm moh ly nichi ai pahen py pahen moh.

Leu Thui Nai 7:25

Nichi i chiu nai mynchi ai mai y veang u pawn. Huni mynchira y ka-pu sa nai muku, tangkachi ai paleung no iy, nangmychi i vui lo u moh. Areng ly myn y chiu naichi ai niu ngai y nai deaungkho y, mynchira i muku tangkachi la lawh baly nangchi i vui dei naira avum ai.

JOSUA 11:20

Huni khumi bawibawichi ai pahen y naimy tleh pawn ai nai, Areng ly huni khumichi ai ham parai naimy, Israela chengchi ai tiu hai bo. Huni khumichi ai tamyh pawn ai nai tla nai ly Mosi dengdairei Areng my leu pei yb nai deaungkho y ne.

TARA CHIH NAI KEUNGCHI 2:12

Nichi ly mymychi amsi pajochi i Tameuh, mymychi ai Aikupta pri i dengdairei pahawi nai Areng ai chiu y naimy, mychi tengpang i khumichi chiu nai tameuhchi ai chiu vui bo. Nichi ly huni tameuhchi mo y lu meung u nai deaungkho y, Areng ai kado theu hai u bo.

TARA CHIH NAI KEUNGCHI 2:3

Hunai deaungkho y nangchi mo mang y tavai thau u nai khala, kai ly hini khumichi ai theu hai pawn ai ny y, nanai nangchi teng y vai, kang thui pi nai bo. Nichi ly nangchi i paleung ka-echi lawm u ai. Nangchi i vui nichi i tameuhchi ly deaung kamta lawm ai,” napi.

TARA CHIH NAI KEUNGCHI 3:6

Nichi ly huni khumichi hawi vuinai ala iy, nichi i tameuhchi ai chiu u bo.

TARA CHIH NAI KEUNGCHI 8:27

Kideon ly huni mukuchi hawi myn harei sa iy, mymy i awm nai Ophra mary y khai bo. Israela cheng bawibawichi py Tameuh ai khai su iy, huni myn chiu ai nai Ophra mary y chei u. Huna nai sa nai ly Kideon hawi my i dengtheungchi i vui deaung pateung nai kamta ne.