Leu Thui Nai 7:12 - Khumi Common Language Bible

¹² “Nangchi ly hini leu pei naichi ai ka-ym awm parai naimy tangai u baly, nangchi i Areng Tameuh my nangchi i amsi pajochi teng y adeu nai kamta, Leu Maikawm ai khaw hai jojo ai i, mymy i khaw parai nai tamen nai sai py patei ai.

Leu Thui Nai 7:12 ပူးပေါင်းရင်းမြစ်များ

1 ARENG KEH 8:23

“Aw Israela chengchi i Areng Tameuh, kani mang y py, khaileaung y py, nang hawi atawm nai tameuh ly by y; nang i khumichi ly nang i leu ai paleung hawi verei tangai nai khala y, nang ly nichi hawi asa nai Leu Maikawm ai khaw hai iy, nang i pahen nai patei pi ba.

NEHEMIA 1:5

Tameuh teng y, “Aw kani pri mang y awm nai Areng Tameuh! Nang ly tahm asang nai deaungkho y kaichi ly jei kaji naimy tahm kang khai u nai ne; nang ly nangmy ai tamen iy leu pei nai tangai nai khumichi hawi leu maikawm asa nai khaw hai bo.

NEHEMIA 9:32

“Aw Tameuh, kaichi i Tameuh, nang ly khri pa-rei tahm asang parai na ly! Khri pa-rei jei hyn ai nai hawi iy, sa thai naira len parai na ly! Nang ly nangmy i Leu Maikawm molam adeu naichi ai ka-ym awm naimy kry bo. Kaichi ly kaimychi teng y Asuria samrangchi my ana kali kachi nai neng dengdairei, vaini khrairei ngari kamtang ka-vum u na bo ly! Kaichi i samrangchi, lu sa naichi, pathyp pi nai keungchi, amochi, kaimychi i amsi pajochi hawi mipui bawibawichi ly ngari kamtang avum u bo. Kaichi mana tanrei ngari kamtang avum mo, nanai pany pi jo kyh ba!

SAM 103:18

Mymy i Leu Maikawm ai kry iy, Reita leu pei naichi ai ka-ym awm naimy sa patawm naichi i tlang tleaung y, mymy i pahen naira ly katu chanau khrairei tym nai ne.

SAM 149:9

Tameuh i khumichi ly chiu parai nai haisau syn u sy; hini ly Tameuh i khumichi i eaung pawi ne. Areng ai palo u!

THEU NAI 15:26

Nangchi ly “Kai i leu tangai iy, kai i leu pei naichi takhawi y pa-rei patawm u baly, Aikupta chengchi teng y katym hai nai no michi nangchi teng y kang tym hai y leang mang. Kai ly nangchi ai no-na hawi sa pi nai Areng ne,” napi.

JEREMIA 11:5

Naibaly vai nichi awm naira, nang chawn hai nai hawi, khaileaung hawi iy amti amjang thawn hai nai pri, nichi i amsi pajochi teng y pei ai nai kaimy leu adeu pi nai py, khaw hai ai, nanai nichi teng y kaimy leu pei yb bo. Kaimy, “Ne, aw Areng,” napi.

DANIELA 9:4

Kai ly kaimy i Areng Tameuh teng y chiu sa iy, kaimy khumichi i kamngochi ahui pi bo. Kaimy, “Aw Areng Tameuh, nang ly nang parai nai ne i, kaichi my nang ai tahm kang pasang u bo. Nang ly nangmy i Leu Maikawm khaw hai iy nangmy ai tamen i, Reita leu pei naichi sa patawm nai khumichi teng y, khaw parai nai tamen naira patei pi nai ne.

MIKHA 7:20

Nang ly jangni khala, kaichi i amsi pajochi teng y adeu nai kamta, Abraham hawi Jakob i kangpreang lawm nai, nang i khumichi ai ka-ym awm naira hawi khaw parai nai tamen naira pahen naira hawimy hawi naira tym hai ai.

LUKA 1:55

Abraham hawi, my i kangpreangchi ai ly mymy i pahen ai nai sai deungtasarei pany jo ai nai. Mymy i miseaung Israela ai ly sabawm bo,” napi.

Leu Thui Nai 1:8

Nangchi i amsi pajo Abraham, Isaka, Jakob hawi nichi i kangpreangchi teng y, hini pri bawibawi pei ai, nanai Areng my leu adeu nai ne. Nangchi chei u ly peang u,’ nanai leu ang pei,” napi.

Leu Thui Nai 11:13

“Hunai deaungkho y nangchi teng y vai, kaimy pei nai reitachi phai patawm u; nangchi i Areng Tameuh ai nangchi i paleung hawi verei tamen iy mymy i kalop phai so u.

Leu Thui Nai 5:10

Na i py kai ai tamen iy kai i reitachi tangai nai khumichi teng y ly deung kangthau sang meaungkateaung khrairei, kai i tamen nai sai kapatei pi jojo ai.

Leu Thui Nai 7:11

Hunaibaly vai ly nangchi ai kang patiu pi nai reitachi patawm u; vaini kaimy kang pei nai reita leu bawibawichi tangai iy patawm u.

Leu Thui Nai 7:9

Nangchi i Areng Tameuh naini Tameuh tatang ne; mymy ly ka-ym awm nai keung ne, nanai pany u. Areng ly mymy ai tamen iy leu pei naichi tangai nai khumichi ai, deung kangthau sang neangneang khrairei, mymy i Leu Maikawm khaw hai iy, nichi teng y tamen naira patei pi jojo ai.