Leu Thui Nai 7:10 - Khumi Common Language Bible

¹⁰ Na i py mymy ai niu ngai y nai khumichi teng y, mymy i pajeng naira ly patyh vai y leang.

Leu Thui Nai 7:10 ပူးပေါင်းရင်းမြစ်များ

ISAIA 59:18

Mymychi i kamngo nai molam y pajeng ai. Mymy i paleung ka-echi ly kado theu naira avum iy hawi nai, hawi y nai kham ai. Pri kamlo y awm u nai khumichi malawn py, huni pajeng naira lawi lawh ai ny y.

ROM AVANGCHI TENG Y PAWLA I CHA PA NAI 12:19

Ngai parai naichi awi, vawitheung atha u moh ly; “Areng my, ‘Vawitheung nanai ly kaimy tha ai nai tla, kaimy kaheung ai,’ napi,” nanai tajiu nai ne.

NAHUM 1:2

Areng Tameuh ly mymy ai ka-keng ka-awi sa naichi ai kham pi ai ny y; mymy ly ka-awi sa nai khumichi ai pajeng nai ne. Kado theu iy nichi i tlang tleaung y vawitheung tha bo.

LEU KACHENG 11:31

Khumi kahawichi ly khaileaung pri y hawi naira amtym u ai; huna nai kamta teang, kamngo sa nai khumichi ly meitang khyp, pajeng naira avum u ai.

Leu Thui Nai 32:35

Areng ly paleung ka-echi ai pajeng iy vawitheung tha ai; nichi i sum nai neng tym ai; nichi myh ai nai neng ly kasa bo.

Leu Thui Nai 32:25

Tavai takai deaungkho y khumichi ly lamchira dei u ai; yhmchira y ka-jei awm naichi avum ai. Thawndeangchi anglochi py dei u ai; deaungdicho kanu nei thym naichi hawi miteaung maichochi py tleaung y ai.

Leu Thui Nai 7:9

Nangchi i Areng Tameuh naini Tameuh tatang ne; mymy ly ka-ym awm nai keung ne, nanai pany u. Areng ly mymy ai tamen iy leu pei naichi tangai nai khumichi ai, deung kangthau sang neangneang khrairei, mymy i Leu Maikawm khaw hai iy, nichi teng y tamen naira patei pi jojo ai.

THEU NAI 20:5

Kai ly nangchi i Areng Tameuh ne i, mani myn ai py chiu u moh. Hunai deaungkho y myn ai lu meung u moh, chiu py chiu u moh. Kai ai niu ngai y nai keungchi ai ly nichi i katu chanauchi tlang tleaung y, deung thom deung palyh khrairei kapajeng ai.

Leu Thui Nai 32:41

Kai ly sadi nanai haisau kata iy, meitang naimy tara chih ai. Kai i paleung ka-echi ai vawitheung tha iy kai ai niu ngai y naichi ai ly pajeng ai.

THEU NAI 34:7

Kai ly sang neangneang nawi parai nai cheng kangpreangchi teng y, kai i adeu nai leu meitang khaw hai ai; kai ly sa tamang nai hawi kamngo molam nichi i kamngo pahen pi ai. Na i py amhm ampochi i kamngo ai ly katu chanauchi i tlang tleaung y deung thom deung palyh tym pa-rei kapajeng ai,” napi.

Kati Nai 10:35

Leu Maikawm Pawm amsa hai nai tleirei, Mosi my, “Aw Areng, ang thau ly nang i paleung ka-echi ai ahei seaungkhrang hai iy, nang ai niu ngai y nai khumichi ai preang hai pawn! nanai py,

Kati Nai 14:18

“Kai Areng ly neaung hawi nai ne. Tamen naira hawi ka-ym awm nai keung ne iy, kamngo nai hawi tiu naichi ai pahen pi nai ne. Na i py amhm ampochi i kamngo nai y, nichi i katu chanauchi ai deung thom deung palyh khrairei kapajeng ai, nanai adeu nai kamta kasa ai.

Leu Thui Nai 5:9

Huni mynchi ai lu meung u moh, chiu py chiu u moh; ati mana nai mo na baly kai ly nangchi i Areng Tameuh ne iy, takhra tameuhchi ai niu ngai y nai Tameuh ne. Kai ai niu ngai y naichi i tlang tleaung y py, nichi i kangpreangchi teng y py deungthom deng palyh khrairei pajeng naira katym hai ai.

Leu Thui Nai 7:11

Hunaibaly vai ly nangchi ai kang patiu pi nai reitachi patawm u; vaini kaimy kang pei nai reita leu bawibawichi tangai iy patawm u.

JEREMIA 32:18

Nang ly khumi sang neangneangchi teng y khaw parai nai tamen naira patei pi bo. Na i py khumichi ai mychi amsi pajochi i kamngo molam y pajeng nai ne. Nang ly nang parai nai hawi sa thai naira kawi angym nai Tameuh ne. Nang ly ati cheaungkhang sa thai nai keung Areng ne.