Leu Thui Nai 7:1 - Khumi Common Language Bible

¹ Nangchi i Areng Tameuh ly nangchi peang ai nai pri y nangchi ai pahawi nai khala, huni pri y awm yb nai khumi vuikanai nawi iy, haiho len nai Hiti cheng, Kirakashi cheng, Amori cheng, Kanan cheng, Perizi cheng, Hevit cheng hawi Jebusi cheng napi nai cheng saryhreichi ai paryh pi pawn ai.

Leu Thui Nai 7:1 ပူးပေါင်းရင်းမြစ်များ

1 ARENG KEH 16:31

Ni ly samrang Jeroboam kamta kamngo sa nai anyp y i, huni tleaung y typ keh nai ly Siloh samrang Ethabala i chaniu Jezabela ai pom iy, Bala tameuh ai chiu nai ne.

1 NENG SATANG 1:14

Kanan ly Jebusi, Amori, Kirakashi,

2 NENG SATANG 8:7

Solomon ly Israela chengchi my Kanan pri y peang ai nai tiu nai thym khala, padei y naimy awm rai nai Kanan khumichi i kangpreangchi ai, my i kalop ram ra teaung bo. Hunichi theung y Amori cheng, Hiti cheng, Perizi cheng, Hivit cheng hawi Jebusi chengchi abawi u bo. Huni khumichi i kangpreangchi ly vaini khrairei miseaung y awm u jo nai ne.

EZARA 9:1

Hini kalop bawibawichi sa pajau nai khala y Israela cheng miteaung keh phyreichi ly kai teng y ang jeu u iy, “Mipuichi, pathyp pi nai keungchi hawi Levi theaungchi ly mymychi tengpang y awm nai Ammon pri, Moba pri hawi Aikupta pri i khumichi hawi py, Kanani cheng, Hiti cheng, Perizi cheng, Jebusi cheng, Amori chengchi hawi py awm takhra u y; nichi ly huni khumichi i sa nai kamta amso ngai naichi sa u teang.

NEHEMIA 13:23

Huni neng khala y Juda cheng neangneangchi malawn py Ashado, Ammon, hawi Moba cheng neampachychi hawi apom u nai py kai avum nai ne.

SAM 78:55

Mymy i khumichi jeu u nai khala, hu y athum ai nai pri y, awm yb nai khumichi ai patheu pi pawn bo; Israela cheng theaungchi teng y, huni pri ai phy paji pi chum baly, huni meingtym tleirei y khuteng cha hai bo.

THEU NAI 15:7

Nangmy i sa thai naira nang parai naimy ly paleung ka-echi ai sum hai bo; nang i kado theu naira ly mai kamta angveaung iy, chohphi kang nai kamta nichi ai kang hai be bo.

THEU NAI 23:28

Hivit cheng, kanan cheng hawi Hiti chengchi ly athengra naimy preang u bawn ai.

THEU NAI 23:32

Huni khumichi hawi py, huni khumichi i tameuhchi hawi py, Leu Maikawm aso u moh.

THEU NAI 23:33

Nangchi i pri y nichi ai awm ai nai pei moh; nichi ai awm ai nai pei lawh baly, nichi ly nangchi ai kai i tlang tleaung y kamngo so hai lawh na. Nangchi ly nichi i tameuhchi ai chiu u lawh baly, phra hai angchi khyp nai deaung y man u ai.

THEU NAI 33:2

Nangchi ai lam patei ai nai Angel ai kaimy pato pi ai. Kanan cheng, Amori cheng, Hiti cheng, Perizi cheng hawi Jebusi chengchi ai kaimy patheu pawn ai.

THEU NAI 6:8

Abraham, Isaka, Jakob teng y pei ai adeu nai pri y kai my kang pahawi ai. Kai ly nangchi ai huni pri amtym ai nai pei ai. Kai ly Areng ne,’ nanai thui u ai,” napi.

Levi 14:34

yhmchira y yhmsavi chawp nai molam reitachi pei pi nai ne. (Hini reita ly Israela khumichi ai amtym ai nai Areng my pei nai kanan pri y tym nai bo y teaung ai nai reitachi ne.) Nangchi theung i amimi py my i yhm y yhmsavi chawp nai niu baly, pathyp pi nai keung teng y thui pi ai nai tla.

Kati Nai 13:29

Amalek khumichi ly huni pri i tokalawi mang y awm; Hiti cheng, Jebusi cheng hawi Amori chengchi ly mawi aheung y awm; Kanan chengchi ly mrethe pangli peang hawi Jordan tavo jawnbai jeungreira y awm u nai ne,” napi u bo.

Kati Nai 14:31

Nangchi i cho chanauchi ai paleung ka-echi my patiu ai, nanai nangchi thui u bo; na i py kai ly nangchi chei ai ngai y nai pri y nangchi i cho chanauchi ai kapahawi ai i, nichi ly huni pri y awm u ai.

AMTAW 13:19

Naibaly Kanan pri y cheng saryhreichi ai pasum pajau nai bo y ly saneng chungvai palyh pangngo vui pangrei mo sala y ly mymychi i pri y athum teang ai nai pei bo.

Leu Thui Nai 11:29

Areng my nangchi peang ai nai pri y ang pahawi nai khala, nangchi ly huni amtheaung naira ai Kerizim mawi saleung y py, huni amsawi ai Ebal mawi saleung y py, amthang hai u.

Leu Thui Nai 20:1

“Nangchi ly paleung ka-echi ai tiu naira y, nangchi tleaung y atho len nai ka-ri kamkawm, keaungngo kamkawm, tavaimi kamkawmchi hawi avum nai khala, nichi ai jei u moh. Nangchi ai Aikupta pri i dengdairei atleu nai keung Areng Tameuh ly nangchi hawi vanrei awm hai ai.

Leu Thui Nai 20:16

“Na i py nangchi i Areng Tameuh my pei nai pri i marychi ai nangchi peang nai khala ly mary theung y awm nai khumi ngiereichi ai tleh pawn ai nai tla.

Leu Thui Nai 31:20

Kai ly nichi i amsi pajochi teng y adeu pi nai kamta, nichi ai paitiu khuta hawi nai pri y kapahawi ai. Nichi ly huni pri y teicha teinei kajeu kawi pa-rei cha ai nai nga u ai i, awmnem naimy awm u ai. Na i py nichi ly kai ai ym y ai i, tameuh takhrachi ai chiu u ai. Nichi ly kai ai khai su iy Kai i Leu Maikawm ai taphra nai deaungkho y,

Leu Thui Nai 31:3

Nangchi i Areng Tameuh ly nangchi ai pahawi iy, huni pri y awm nai khumi chengchi ai patheu vui ai i, nangchi ly nichi i pri y awm ai nai nga u ai; naibaly Areng my leu pei nai kamta, Josua my nangchi ai lu sa pi ai.

Leu Thui Nai 4:38

Vai nangchi amtym ai nai pri y peang pajau ai nai, nangchi i tako nai lam y awm nai, nangchi tleaung y atho awm nai khumi chengchi ai patheu pi pawn bo.

Leu Thui Nai 6:1

“Hini ly nangchi ai patiu pi ai nai nangchi i Areng Tameuh my kai tang y ang pei nai reita leu pei nai bawibawichi ne. Nangchi peang ai nai pri y hini reitachi tangai iy patawm u.

Leu Thui Nai 6:10

“Nangchi i Areng Tameuh ly nangchi i amsi pajo Abraham, Isaka hawi Jakob teng y adeu nai kamta, nangmychi my palum pacheang y nai sareaung hawi nai mary puichi, nangchi teng y ang pei ai.

Leu Thui Nai 6:19

Mymy i adeu nai kamta, nangchi i paleung ka-echi ai py ang patheu pi pawn vui ai.

Leu Thui Nai 6:23

Achi i amsi pajochi teng y adeu nai kamta, achi ai Aikupta chengchi teng i nai law tleaung hai iy, hini pri y awm ai nai ang pahawi nai ne.

Leu Thui Nai 9:1

“Israela chengchi awi, tangai u! Vaini nangchi ly Jordan tavo vai angpeang iy, nangchi tleaung y nawi nai, sa thai naira atho awm nai khumi chengchi i pri peang u ai bo. Nichi i marychi ly len iy kani mang y angteu na pa-rei asang nai mary apaichi tapang nai ne.

Leu Thui Nai 9:3

Na i py nangchi i Areng Tameuh ly nangchi i mo mang len parai nai mai kangveaung kamta tako nai ly nangmychi my vai niu u ai. Nangchi tako nai thym khala mymy ly nichi ai sum hai nai deaungkho y adeu yb nai kamta, nangchi ly huni khumichi ai patheu vui iy taphra u praw ryp pajau ai.

Leu Thui Nai 9:4

“Nangchi i Areng Tameuh ly nangchi mo y nichi ai patheu chum nai khala, huni pri ly nangchi hawi ataing nai deaungkho y nangchi ai pahawi iy, amtym ai nai pei nai ne, nanai athang khai u moh. Nichi i kamngo nai deaungkho y Areng ly nichi ai patheu nai ne.

JOSUA 11:3

Huni bo y ni ly Jordan tavo peang y awm nai Kanan chengchi, Amori chengchi, Perizi chengchi, mawitleaung pri y awm nai Jebusi chengchi, Mizapa pri Heramon mawi kheutang y awm nai Hivit chengchi teng y py satang thai hai bo.

JOSUA 24:11

Hunaibaly nangchi ly Jordan tavo angpeang iy, Jeriko mary mang y tym u. Jeriko mary i khumi Amori cheng, Perizi cheng, Kanan chengchi ai tiu u. Na i py kai ly nangchi teng y, nichi bawibawi ai tiu i eaung hai bo.

JOSUA 3:10

Nangchi amsa u nai khala, Tameuh ly Kanan cheng, Hiti cheng, Hivit cheng, Perizi cheng, Kirakashi cheng, Amori cheng hawi Jebusi chengchi ai patheu takengkei ai.