Leu Thui Nai 6:3 - Khumi Common Language Bible

³ Aw Israela khumichi awi, huni reitachi tangai u ly patawm u! Huna nai sa baly amsi pajochi i Areng Tameuh my adeu nai kamta, nangchi ly nang chawn iy haiho len nai khumi cheng lawm ai; paitiu khuta hawi nai pri y awm ai nai nga u ai.

Leu Thui Nai 6:3 ပူးပေါင်းရင်းမြစ်များ

ATITI AWM ANGCHEI NAI 12:2

Kaimy nang ai kangpreang neangneang peung hai iy khumi cheng kalen lawm hai ai. Kaimy nang ai amtheaung hai ai i, nang i amyn asang nai deaungkho y, khumichi ly nang i saho y amtheaung naira nga u ai.

ATITI AWM ANGCHEI NAI 13:16

Naibaly nang i kangpreangchi ly khaileaung spryh kamta peung ai i, spryh ai kati pajau y nai kamta, nang i kangpreangchi ai ami py kati pajau ai ny y!

ATITI AWM ANGCHEI NAI 15:5

Areng my Abram ai angam mang y theu hai i, “Kani mang y angdeang ly ka-sichi ai kati cham; nang i kangpreangchi ly hunai kamta nawi teang ai,” napi.

ATITI AWM ANGCHEI NAI 22:17

nang i kangpreangchi ly pangli spryh hawi kani mang i ka-sichi kamta kang peung hai ai. Nang i kangpreangchi ly mychi i paleung ka-echi ai eaung pajau ai.

ATITI AWM ANGCHEI NAI 26:4

Nang i kangpreang ai kani mang i ka-si kamta peung hai iy, nichi ai hini khu ka-peang bawibawi kapei ai. Nang i kangpreangchi ai kaimy amtheaung hai nai kamta, khaileaung pri i khumi cheng cheaungkhangchi py, kai teng i amtheaung naira hnei u ai.

ATITI AWM ANGCHEI NAI 28:14

Nang i kangpreangchi ly khaileaung salo y spryh kamta peung u ai. Nangchi i khu ka-peang ly tosyh tokalawi, nidym nisi tym pa-rei kau ai; kai ly nang hawi nang i kangpreangchi i saho y khaileaung pri y awm nai khumi bawibawichi ai amtheaung hai ai.

SAM 119:4

Aw Areng, nang ly nangmy i Reita leuchi ai kaichi teng y pei iy, hunichi ai sai py takhawi y pa-rei, sa patawm ai nai leu pei bo.

THEU NAI 1:7

Na i py Israela cheng kangpreangchi ly cho chanau neangneang tapen iy, khri pa-rei peung nai deaungkho y, Aikupta pri verei y kawi na bo.

THEU NAI 3:17

Kai ly nangchi ana naira avum nai Aikupta pri i dengdairei nangchi ai pahawi iy, Kanan cheng, Hiti cheng, Amori cheng, Perizi cheng, Hevit cheng hawi Jebusi chengchi i awm nai pri y pahawi ai. Huni pri ly khaileaung hawi iy teicha teinei avaw y nai ne, nanai amti pi.

THEU NAI 3:6

Kai ly nang i amsi pajochi i Tameuh, Abraham i Tameuh, Isaka i Tameuh, Jakob i Tameuh ne,” napi. Mosi ly Tameuh ai khen vam y i, mymy i mei atamym cheng vui bo.

THEU NAI 3:8

Aikupta chengchi kiu i nai nichi ai atleu chum baly, huni pri i nai kapahawi iy paitiu khuta hawi nai, meingtym kau parai nai pri mang y pahawi ai nai kang jeu kathiu bo. Huni pri ly khaileaung hawi iy teicha teinei neangneang awm. Huni pri y Kanan cheng, Hiti cheng, Amori cheng, Perizi cheng, Hevit chengchi awm u nai ne.

Parip nai leu 8:12

Khumi kamngo ly tlen chungvairei hawi y nai sa teu i py, heng thai nai ne. Khumichi my, “Tameuh i leu tangai nai khumi i vui ly cheaungkhangra y hawi ai;

ISAIA 3:10

Khumi kahawichi ly taham hawi ai. Nichi i vui cheaungkhangra y amsym ai. Nichi ly mychi i dawn nai, tau nai, sa naichi molam y, hawi naira avum u ai.

JEREMIA 42:6

Nang ai Areng Tameuh teng y chiu sa ai nai kang takeng u bo. Kaichi ngai i py ne sy, ngai y i py ne sy, nang i leu pei naichi kapatawm u ai mang. Mymy i leu tangai baly kaichi i vui cheaungkhangra y hawi ai,” nanai thui u bo.

JEREMIA 7:23

Na i py kai ly nichi i Tameuh ne iy, nichi py kai i khumichi lawm ai nai molam y, kai i leu tangai u ai nai reita leu kapei nai ne. Cheaungkhangra y amsym ai nai molam y, kaimy pei nai reita lam y tako u ai nai leu pei nai ne.

AMTAW 7:17

“Naibaly Tameuh my Abraham teng y leu adeu nai tym ai nai neng kasa kha ly, Josepha ai pany y nai samrang takhra

Leu Thui Nai 11:9

Huni bo y nangchi i amsi pajochi hawi nichi i kangpreangchi teng y pei ai adeu nai pa-tiu khuta hawi nai pri y, nangchi ly kra parai pa-rei awm ai nai nga u ai.

Leu Thui Nai 26:15

Nang i awm nai kani pri meingtym kachai mang dengdairei khen katheu iy, amsi pajochi teng y adeu nai kamta pei nai paitiu khuta hawi nai pri hawi vanrei, nang i khumi Israela chengchi ai amtheaung hai ba, “nanai takeng ai nai tla.

Leu Thui Nai 26:9

Mymy ly paitiu khuta hawi nai hini pri y ang pahawi bo.

Leu Thui Nai 27:3

Huni lengseaung puichira y hini reitachi hawi amtiu nai ngiereichi tajiu ai nai tla. Nangchi i amsi pajochi i Areng Tameuh my adeu nai kamta, paitiu khuta hawi nai pri y tym u nai khala,

Leu Thui Nai 31:20

Kai ly nichi i amsi pajochi teng y adeu pi nai kamta, nichi ai paitiu khuta hawi nai pri y kapahawi ai. Nichi ly huni pri y teicha teinei kajeu kawi pa-rei cha ai nai nga u ai i, awmnem naimy awm u ai. Na i py nichi ly kai ai ym y ai i, tameuh takhrachi ai chiu u ai. Nichi ly kai ai khai su iy Kai i Leu Maikawm ai taphra nai deaungkho y,

Leu Thui Nai 4:40

Vaini nangchi teng y kaimy kang pei nai reita bawibawichi tangai u baly, nangchi hawi nangchi i kangpreangchi ly nang chawn u ai. Nangchi py Areng Tameuh my nangchi amtym jojo ai nai pei nai pri y deungtasarei awm ai nai nga u ai,” napi.

Leu Thui Nai 4:6

Nangchi ly huni leu pei naichi ai takhawi y pa-rei tangai u baly, cheng takhrachi i mo y nangchi i cheng nai sai amteng ai. Nichi ly huni reita leu pei nai bawibawichi thai nai khala y, ‘Hini khumichi ly cheng naira kawi angym nai khumi cheng kalen ne lawh ly! nanai palo u ai.

Leu Thui Nai 8:8

Huni pri i chohpui, chamaw, kreip athai, thaidu athai, thengsi athai, olive athai hawi khawihangchi theu nai ne.