Leu Thui Nai 4:8 - Khumi Common Language Bible

⁸ Vaini nangchi ai kaimy patiu nai reitachi kamta, leu meitang reitachi nga nai khumi cheng kalen awm rai na a?

Leu Thui Nai 4:8 ပူးပေါင်းရင်းမြစ်များ

NEHEMIA 9:13

Nang ly kani mang i dengdairei satla kathiu iy, Sinai mawi y nang i khumichi ai leu pei bo; nichi teng y hawi parai nai reitachi hawi, parip nai leu kahawichi pei pi nai ne.

SAM 119:138

Nang i pei nai reita leaungsaichi ly khri pa-rei adyh adawi nai ne i, teng parai.

SAM 119:144

Nang i thui parip naichi ly teng jojo; kai ai cheng naira pei kyh ba; hunaibaly kai ly heng ai.

SAM 119:160

Nang i reita sangum ly leu meitang ne; nang i leu meitang naimy tara chih nai bawibawi ly deungtasarei awm jo nai ne.

SAM 119:86

Reita leu pei nai ngiereichi ly ym ai nai hawi parai; khumichi ly ka-chawi thui naimy kai ai ana u bo, kai ai sabawm kyh ba!

SAM 119:96

Nang i reita leu ly kau parai; na i py reita leu ny y baly ati sai py angym nai by y, nanai kai ly pany nai ne.

SAM 89:14

Nang i pri ly kateng lam hawi leu meitang salo y langdeng pala nai ne; nang i sa nai ngiereichi ly tamen naira hawi ka-ym awm naira amteng bo.

SAM 97:2

Khupanymchi hawi kavengchi ly mymy ai taki naimy awm bo; mymy i peang nai ly leu meitang hawi adyh adawi naira y sangum pala nai ne.

ISAIA 42:21

Areng ly atleu ai nai paleung awncha nai Tameuh ne iy, mymy ly my i reita hawi mymy i leu tahm khai nai khumi lawm ai nai aly ngai nai ne.

HOSEA 8:12

Kai ly nichi i vui reita neangneang khai pi teu i py, nichi my huni reitachi ly nichi hawi abi y, rengrang tlai napi iy, khai u su bo.

ROM AVANGCHI TENG Y PAWLA I CHA PA NAI 3:2

Lengkhym takip naira py ati kamran awm mo? Lam cheaungkhangra y chawn parai; angchei y ly nichi teng y Tameuh i leu sai ly kry hai nai deaungkho y chawn naira ne.

Leu Thui Nai 26:19

Mymy ly mymy i sa nai khumi cheng bawibawichi tleaung y, nangchi ai cheng kalen lawm hai ai. Nangchi saho y mymy i nang parai nai sai tahm asang ai. Mymy i adeu nai kamta nangchi ly mymy i khumi lawm u ai,” napi.