Leu Thui Nai 4:6 - Khumi Common Language Bible

⁶ Nangchi ly huni leu pei naichi ai takhawi y pa-rei tangai u baly, cheng takhrachi i mo y nangchi i cheng nai sai amteng ai. Nichi ly huni reita leu pei nai bawibawichi thai nai khala y, ‘Hini khumichi ly cheng naira kawi angym nai khumi cheng kalen ne lawh ly! nanai palo u ai.

Leu Thui Nai 4:6 ပူးပေါင်းရင်းမြစ်များ

1 ARENG KEH 4:34

Khaileaung pri verei i samrang bawibawichi ly Solomon i cheng nai satang thai u nai khala, savaichi pato u iy ni i leuchi tangai u nai ne.

JOBA 28:28

Tameuh my khumichi teng y, “Tau cheng naira awm ai nai Areng ai jei naimy tahm khai ai nai tla. Tau cheng naira nga ai nai, hawi y nai asyn vui ai nai tla,” nanai leu pei bo.

SAM 111:10

Areng ai jei kaji thai nai ka-dawn ly cheng naira i pakeung sangum ne; Reita leu patawm nai khumi bawibawichi teng y meitang naimy leu pacheang pajau ai nai, mymy ly pei bo. Mymy ai ly deungtasarei palo u jojo sy.

SAM 19:7

Areng i leu ly angym be pa-rei hawi nai deaungkho y, paleung hawi phailo ai kangtha lawm hai reng nai ne. Areng i patiu pi nai saichi ly ym ai hawi parai nai ne i, pany thai y naichi ai pany hai bo.

SAM 19:8

Areng i reita leaungsaichi ly teng parai nai ne i, tangai nai khumichi i paleung y amo theu hai reng. Areng i reita leu pei naichi ly leu meitang ne i, paleung y cheng naira pei reng nai ne.

LEU KACHENG 1:4

Hunichi ly pany nai sai angym y nai khumi ai dawn pany thai naira pei nai ne. Deaungdichi ai py tau cheng naira hawi leu meitang nga hai pajau.

LEU KACHENG 1:5

Hini leu kachengchi ly khumi kachengchi ai, cheng tleaung cheng haira ai.

LEU KACHENG 1:7

Areng ai jei kaji naimy tahm khai nai ka-dawn ly tau cheng naira i pakeung sangum ne. Khumi hawi y naichi ly cheng naira ai tahm khai u y; amtiu ai nai py ngai u y.

LEU KACHENG 14:34

Leu meitang teaung nai ly pri ai sa thai naira len hai. Kamngo my ly pri ai tahm anem hai.

LEU KACHENG 14:8

Lulip pany nai khumi ly ati mana nai y khumi kacheng lawm mo? Ati mana nai mo nabaly ni ly mymy i sa ai avo nai sai pany nai deaung kho y ne. Cheng naira by y nai khumi ly ati mana nai y khumi ka-khum lawm mo? Ati mana nai mo nabaly ni ly mymy pany y pui naimy, pany ka-awi sa nai deaungkho y ne.

ISAIA 42:21

Areng ly atleu ai nai paleung awncha nai Tameuh ne iy, mymy ly my i reita hawi mymy i leu tahm khai nai khumi lawm ai nai aly ngai nai ne.

JEREMIA 8:9

Nangchi i khumi kachengchi ly kangji nga u bo. Nichi ly paleung khrukhra naimy deaung y man u bo. Nichi ly kai i leu khai u su bo i, vai nichi ly ati cheng naira awm u jau mo?

Ezekiela 5:5

Sa thai naira awm nai Areng my, “Jerusalem mary ai khen cham; kai ly huni mary y pri neangneangchi ai taki teungtareung hai iy, khaileaung pri i umtang y khai bo.

DANIELA 1:20

Samrang ly mani leu deng nai py ne sy, mani rai nai py ne sy, huni khumi leaung palyhreichi ly pri verei y awm nai leung kakawpchi, atam kakawpchi tleaung y phy horei pany kawp nai niu.

DANIELA 4:9

Kaimy ni teng y, “Leung sarachi i len keh nai Beltesazar awi, nang teng y chai parai nai tameuhchii phailo awm nanai py, thiu parai nai ati cheaungkhangchi ai nang ly pany thai nanai py, kai pany. Amang mang y kai i niu nai tangai iy, mo mang i satang kai teng y thui pi pachai ba.

HOSEA 8:12

Kai ly nichi i vui reita neangneang khai pi teu i py, nichi my huni reitachi ly nichi hawi abi y, rengrang tlai napi iy, khai u su bo.

MALAKHI 3:12

Naibaly nangchi i pri ly awm nai ajeaung ai hawi parai nai meingtym lawm ai. Huna nai y khumi cheng cheaungkhangchi ly nangchi ai taham hawi nai khumichi, nanai palau u ai,” napi.

Leu Thui Nai 29:9

Nangchi sa nai tleirei y eaung ai nai, vai asa nai Leu Maikawm theung i leu bawibawichi ai patawm ai nai dawn u patyp.

Leu Thui Nai 32:46

“Nangchi teng y vaini kaimy kang pei nai hini leu saichi hawihai patawm u. Nangchi i cho chanauchi py Tameuh i leu pei nai bawibawichi ai paleung hawi verei patawm ai nai patiu pi u.

Leu Thui Nai 32:47

Hini leu pei naichi ly atyhtyh ny y leang; hunichi ly nangchi i heng ai nai sai tatang ne. Nangchi hini leu pei naichi patawm u baly Jordan tavo vai, nangchi peang ai nai pri y heng sau u ai,” napi.

II TIMOTHEI 3:15

Krista Isu y ym naira awm nai deaungkho y, heng naira nga ai nai ka-lawh pa-rei ang cheng hai thai nai cha-iu kachaichi ly nang deaungdichy khala i dengdairei pany nai bo.

JAKOB 3:13

Nangchi theung y khumi kacheng hawi leu pany thai nai khumi ly ami mo? Mymy i amhi amtlau nai sai kahawi deaungkho y leu anui parai nai hawi cheng parai naimy mymy i atiti sa nairachi amteng hai sy.