Leu Thui Nai 4:34 - Khumi Common Language Bible

³⁴ Nangchi i Areng Tameuh ly Aikupta chengchi kiu i atleu iy, mymy i khumi palawn naimy pahawi bo. Tameuh takhra ly khumi cheng harei i vui, huna nai kamta sa pi vai sai a? Areng ly mymy i len parai nai sa thai naira patei nai, ka-jeira hawi tavai takai tym hai nai, rengrang ka-ma-rachi hawi lyh ai hawi nairachi sa pi nai, hunichi ai nangmychi kypkyp my niu u bo.

Leu Thui Nai 4:34 ပူးပေါင်းရင်းမြစ်များ

SAM 136:12

Huna nai kamta pahawi nai ly atho awm parai nai kiu hawi py, sa thai naira awm nai kiuban hawi py ne; mymy i tamen nai ly deungtasarei ne.

SAM 24:8

Huni nang parai nai samrang ly ami mo? Huni samrang ly sa thai naira haiho awm nai Areng, tavai eaung nai Areng ne.

SAM 78:12

Aikupta pri Zoan adym y nichi i amsi pajochi mei ka-niu y, Tameuh my rengrang ka-ma-rachi patei pi bo.

THEU NAI 1:9

Huni samrang ly mymy i chengchi teng y, “Hini Israela chengchi ly khri pa-rei peung i, atho awm nai ly achi i vui ka-mawn awm nai ne.

THEU NAI 10:21

Naibaly Areng my Mosi teng y, “Aikupta pri y khri pa-rei vengthi na ai nai, nang i kiu ly kani mang y pheu,” napi.

THEU NAI 10:7

Samrang i bangtangchi my samrang teng y, “Hini khumi ly achi ai patang hai veangveang ai bo a? Israela chengchi ly nichi i Areng Tameuh teng y chiu ai nai chei u sy. Nang i Aikupta pri phra nai pany y nai sai a?” nanai takeng u bo.

THEU NAI 13:3

Naibaly Mosi my Israela chengchi teng y, “Areng ly pahen naira len parai nai hawimy, nangchi miseaung achei nai Aikupta pri i dengdairei, nangchi ai pahawi nai kani ai pany u; huni kani y angbo abawi nai tako cha ai nai tlo y.

THEU NAI 14:30

Huni kani y Areng my Israela chengchi ai Aikupta chengchi kiu i lawi hai bo; naibaly Israela chengchi ly pangli peang y Aikupta khumi kadei veuchi ahei tliutla nai niu u.

THEU NAI 15:11

“Aw Areng, tameuhchi theung y nang hawi atawm nai ami awm vai mo? Nang kamta chai parai iy lyh ai awm nai ly ami awm mo? Nang kamta rengrang naichi hawi nang parai naichi sa thai nai ami awm mo?

THEU NAI 19:4

“Kai ly Aikupta chengchi ai ati mana pajeng mo, nanai py, ahmtlau my chochi ai pakhi hawi akheang hai nai kamta, kaimy nangchi chymme naimy kang pahawi nai sai py nangchi niu bo.

THEU NAI 3:10

Kai i khumi Israela chengchi ai Aikupta pri i nai patheu iy pahawi ai nai, vai kai ly nang ai Aikupta samrang teng y kang pato ai,” napi.

THEU NAI 6:6

Hunaibaly nang ly Israelachi teng y thui pi ai nai ly, ‘Kai ly Areng ne, Aikupta chengchi teng y miseaungra i nai nangchi ai kaimy lawi hai ai. Kai i sa thai naira kiu ban pheu iy Aikupta chengchi i tlang tleaung y ka-jei hawi parai nai kapajeng ai i, nangchi ai atleu ai.

THEU NAI 7:3

Na i py kai ly samrang i paleung katang hai ai i, nang i leu tangai ai ny y. Aikupta pri y ka-jei awm parai nai rengrang tlaichi kapatei i py, pathi lawh y ai. Huna nai khala Aikupta pri y kai i sa thai naira patei iy, mipuichi tlang tleaung y pajeng naira len parai nai katym hai ai. Hunaibaly kai i khumi Israela cheng bawibawichi ai Aikupta pri i nai kapahawi ai.

ISAIA 51:9

Aw Areng, ang thau ly kaichi ai sabawm ba! Nang i sa thai nai haiho hawimy, kaichi ai atleu kyh ba. Angthau ly jangni jangkhawn i kamta, sa thai naira tym hai ba. Pangli naka pui Rahabi ai tameang piupa nai keung py nang ne.

JEREMIA 21:5

Kaimy kypkyp my kaimy i awm nai atho haiho ngierei hawi khrikhri pa-rei kado theu naimy, nangchi ai kang tiu ai.

JEREMIA 32:21

Paleung ka-echi ai jei hyn hai ai nai rengrang ka-ma-rachi hawi lyh ai awm naichi hawimy, nang ly nangmy i sa thai nairachi teaung iy nang i khumi Israela chengchi ai Aikupta pri dengdairei theu hai bo.

Kati Nai 20:16

kaichi ly Areng teng y kasabawmra hnei nai khala, mymy ly pathang pi i Angel ai pato pi iy, kaichi ai Aikupta pri i dengdairei pahawi nai ne. Vai kaichi ly nang i peang nai khujyh kadesa mary y tym u bo.

Leu Thui Nai 1:30

Nangchi i Areng Tameuh ly Aikupta y py, daichi ka-vym theung y py nangchi ai ang kry nai kamta, vai py nangchi ai pahawi iy nangchi i vui tavai ang tiu pi ai mang;

Leu Thui Nai 10:21

Mymy ai palo u, mymy ly nangchi i Tameuh ne; mymy ly nangchi i vui rengrang tlai naichi ang sa pi nai ly nangmychi i mei y niu u bo.

Leu Thui Nai 11:2

Areng ai nangmychi kypkyp my niu u nai deaungkho y, mymy i satangchi py pany u bo, nanai vaini dawn u. Nangchi naini huna nai avum u nai ne. Nangchi i cho chanauchi ly hunichi avum u y. Areng i nang parai nai sa thai naira hawi,

Leu Thui Nai 26:8

Areng ly mymy i sa thai naira len parai nai hawimy, kaichi ai Aikupta pri i nai atleu pi. Mymy ly rengrang ka-ma-ra hawi lyh ai awm nai patei iy, ka-jei awm nai pajeng nairachi tym hai nai ne.

Leu Thui Nai 29:3

Nangchi ly ka-jei awm nai no kanghawichi, Areng my patei nai lyh ai hawi parai nai rengrang ka-ma-rachi py niu u bo.

Leu Thui Nai 33:29

Israela chengchi awi, nangchi ly khri pa-rei taham hawi! Areng my nangchi ai atleu nai deaungkho y, nangchi ly asa takhra nai cheng ne. Nangchi ai ama hai ai nai hawi paleung ka-echi ai eaung ai nai Areng mymy kypkyp ly nangchi i khupui hawi haisau ne. Nangchi i paleung ka-echi ly pahenra nga ai nai ang jeu u ai, naibaly nangchi ly nichi ai chiu u piupa vui ai.

Leu Thui Nai 34:12

Mosi ly Israela cheng bawibawichi i mei ka-niu y py, takhra mani amochi so thai y nai, khri pa-rei ka-jei hawi parai naichi sa pi nai ne.

Leu Thui Nai 5:15

Nangchi ly Aikupta pri y miseaung y awm vai nai py, nangchi i Areng Tameuh ly nangchi ai mymy i sa thai naira hawi atleu nai py pany u jo ba. Huni molam y kai ly nangchi ai Anawn kani ja ai nai leu pei nai ne.

Leu Thui Nai 6:21

nichi teng y, ‘Achi ly Aikupta samrang teng y miseaung achei nai thym khala, Areng my sa thai naira len parai nai hawimy achi ai atleu pi bo.

Leu Thui Nai 7:19

Nangmychi kypkyp my niu nai no kanghawichi, rengrang ka-ma-rachi, nangchi ai law tleaung hai nai nangchi i Areng Tameuh i sa thai naira len parai nai haiho pany u. Mymy ly Aikupta chengchi ai tama hai nai kamta, vai nangchi jei nai hini khumi cheng bawibawichi ai py tama hai ai.

Leu Thui Nai 9:29

Meitang khyp, nichi ly nang i vawi nai khumichi ne iy, Aikupta pri i dengdairei, nangmy i sa thai naira len parai nai hawimy pahawi nai khumichi ne,’ nanai hnei takeng pi bo,” napi.

JOSUA 24:7

kai teng y vo naimy kasabawmra hnei u bo. Huna nai khala kai ly nichi hawi Aikupta tavaimichi sala y khuveng theu hai. Paleung ka-echi i tlang tleaung y pangli tui um hai meuh i, nichi ly tui y dei u chauchau bo. Kai ly Aikupta pri ai mana pajeng mo, nanai nangchi pany u nai ne. Nangchi ly daichi ka-vym y krarawm pa-rei awm u.

I PETERA 5:6

Hunai deaungkho y neng khyp nai khala y ly nangchi ai tahm ang pasang thai ai nai, Tameuh i ham parai nai kiu anui y apanem u ly;