Leu Thui Nai 4:2 - Khumi Common Language Bible

² Nangchi ly kai i leu kang pei naichi ai panawi py panawi u bi moh, pajawp py pajawp u moh. Nangchi teng y kang pei nai nangchi i Areng Tameuh i leu phai tangai u.

Leu Thui Nai 4:2 ပူးပေါင်းရင်းမြစ်များ

SAM 78:7

Naibaly huni katu chanauchi ly Tameuh ai ym u ai i, mymy i sa pi nai saichi tami y naimy, reita leu pei naichi kry u jojo ai.

LEU KACHENG 30:6

Mymy i leuchira y ati sai py panawi bi moh. Panawi bi lawh baly, mymy ly nang i tlang tleaung y khri pa-rei ang thui ang parip ai i, nang ly ka-chawi ka-hui thui nai khumi, nanai pany hai ai.”

Parip nai leu 12:13

Hina nai kathui chum baly thui bi ai nai leaungsai harei awm khyh bo. Nang ly Tameuh ai jei kaji naimy tahm khai iy, mymy i reita leu pei naichi kry ba; ati mana nai mo nabaly hini leaungsaichi sa hai ai nai Tameuh ly khumi ai sa nai ne.

JEREMIA 26:2

Areng ly hina nai leu ang pei. “Achura yhm apai theung y angdo iy, huni meingtym y Juda marychira i dengdairei Areng i yhm y chiu ai nai ang jeu u nai khumichi teng y, kai i leu pei naichi thui pi. Leu sairei py takhawi moh.

MATTHAI 5:18

Meitang khyp kang thui pi, kani khaileaung tamo y ryrei ly Reita i leu maiden chy theung dyp nai mo, maiden chy jyn si nai mo, atiti bawibawi tym angym y ryrei ly ha py tama ai ny y.

MATTHAI 5:43

“Nang i saleaungchi ai tamen ly, nang i paleung ka-echi ai niu ngai moh,’ napi nanai nangchi thai bo.

KALATIA 3:15

Amjo amnauchi awi, khumi kamta kathui nai ne; khumi i leu maikawm py ne sy, khaw hai chum nai bo y ly taprei vai y, tabi py tabi panawi vai y leang.

Leu Thui Nai 1:3

Israela chengchi ly Aikupta pri i dengdairei theu nai bo saneng vui palyhrei, lo holai harei, angchei i kani y Areng my mipuichi teng y leu pei nai ngierei Mosi my thui pi pateang nai ne.

Leu Thui Nai 12:32

“Nangchi teng y kaimy kang thui pi nai ngiereichi so u; panawi py panawi bi moh, pajaw py pajaw moh.

Leu Thui Nai 13:1

“Nangchi theung y amo, ti y baly amang thui pachai kawp nai leaung leaungrei my,

Leu Thui Nai 33:4

Achi ly Mosi my pei nai reitachi patawm u bo; huni reita leu ly achi khumi chengchi i vui vang teng keh nai yhmtheaung katui ne.

Leu Thui Nai 4:14

Nangchi atiu iy peang ai nai pri y nangchi teaung patawm ai nai reita bawibawichi ly nangchi ai patiu pi ai nai Areng my kai teng y ang thui pi bo.

Leu Thui Nai 4:40

Vaini nangchi teng y kaimy kang pei nai reita bawibawichi tangai u baly, nangchi hawi nangchi i kangpreangchi ly nang chawn u ai. Nangchi py Areng Tameuh my nangchi amtym jojo ai nai pei nai pri y deungtasarei awm ai nai nga u ai,” napi.

Leu Thui Nai 4:5

“Achi i Areng Tameuh my reita leu pei nai kamta kai ly huni leu pei nai bawibawichi ai nangchi teng y kang thui pi bo. Nangchi atiu iy peang ai nai pri y, huni leu pei naichi patawm u.

Leu Thui Nai 5:29

Nichi ly hina nai kamta kai ai Jei kaji naimy tahm khai u iy, kai i leu pei nai bawibawichi tangai u ai na baly, nichi hawi nichi i kangpreangchi ly ati cheaungkhangra y hawi naira nga u ai.

Leu Thui Nai 5:32

“Israela chengchi awi, nangchi i Areng Tameuh my nangchi teng y leu pei nai ngiereichi so patawm u; mani reitachi py taphra u moh.

JOSUA 1:7

Atho sa iy vam parai naimy awm ba. Kai i miseaung Mosi my pei nai reita bawibawichi ai takhawi y naimy kry ba. Reita leu pei nai ngierei ai ati sai py takhawi y naimy kry baly, nang ly nangmy dawn nai kamta eaung ai.

JOSUA 8:35

Josua ly neampachy hawi deaungdichi, nichi hawi vanrei awm nai cheng takhrachi raurei, Israela cheng bawibawichi i mo y, Mosi my pei nai Reita ngiereichi phain pi nai ne.