Leu Thui Nai 4:1 - Khumi Common Language Bible

¹ Naibaly Mosi my Israela chengchi teng y, “Nangchi teng y kaimy kang pei nai reita leu pei nai bawibawichi tangai baly heng hawi ai; naibaly nangchi amsi pajochi i Areng Tameuh my pei nai pri y peang ai iy, hu y awm ai nai nga u ai.

Leu Thui Nai 4:1 ပူးပေါင်းရင်းမြစ်များ

SAM 105:45

Hina nai sa nai ly mymy i khumichi ly mymy pei nai Reitachi kry iy, leu pei naichi tangai hai ai nai ne. Areng ai palo u!

SAM 119:4

Aw Areng, nang ly nangmy i Reita leuchi ai kaichi teng y pei iy, hunichi ai sai py takhawi y pa-rei, sa patawm ai nai leu pei bo.

THEU NAI 18:20

Nang ly nichi teng y Tameuh i leu pei nai hawi reitachi patiu pi iy nichi ati mana sa naimy heng u ai mo, nanai thui pi pachai ai nai tla.

JEREMIA 11:6

Naibaly Areng my kai teng y, “Juda marychi hawi Jerusalem mary lamchira y chei. Huni meingtymchira y kai i leu pei naichi thai hai ly Leu Maikawm theung y abawi nai atitichi sa patawm ai nai, nichi teng y thui pi.

Ezekiela 11:20

Huna nai y nichi ly kai i reitachi kry iy kai i leu pei naichi hawihai palai tangai u ai. Nichi ly kai i khumichi lawm iy kai py nichi i Tameuh lawm ai.

Ezekiela 20:11

Kai i leu pei naichi tangai hai iy kai i Reitachi patiu pi. Hunichi ai sa patawm nai khumichi ly heng ai.

Ezekiela 20:21

“Na i py huni khumi kangpreangchi py kai ai amtang u nai ne. Kai i leu pei nai tangai nai ngireichi ly heng u ai napi i py, nichi ly kai i Reita taphra iy kai i leu pei naichi py khai u su bo. Anawn kani py pipi tahm khai u y. Nichi ai daichi ka-vym y dei hai ai nai, kai ly kaimy i kado theu naira nichi i tlang tleaung y tym hai iy, pajeng naira avum hai ai, nanai kadawn bo.

Ezekiela 36:27

Kai i phailo nangchi teng y kang pakun pi iy, nangchi ai kai i reita leaungsaichi patawm hai ai. Kai i leu pei naichi py tangai hai ai.

Ezekiela 37:24

Kai i miseaung Davida ka-tawm samrang ly nichi i samrang lawm ai. Nichi bawibawi ly beram typ keung leaungrei i anui y amkawm u i, kai i reita leuchi ai ka-ym awm parai naimy kry iy kai i leu pei nai tangai u ai.

Levi 18:5

Kai i reita hawi leu pei naichi phai patawm u; hunaibaly nangchi ly hengra nga u ai. Kai ly Areng ne,” napi.

Levi 19:19

“Kai i leu kang pei naichi tangai. Khawn nai tawnbawi amjy atawm y nai tengtawi ly ti tapeung moh. Li harei y amti amjang ti amjy nyhrei pati mei moh. Kalang vui amjy nyhrei hawi aneng nai ateaung ly amchiu moh.

Levi 19:37

Kai i reitachi hawi leu pei nai ngiereichi tangai u. Kai ly Areng ne.”

Levi 20:8

Kai i reita leu pei naichi tangai u; ati mana nai mo na baly Kai ly nangchi ai chai hai nai Areng ne,” napi.

Levi 22:31

Areng my, “Kai i leu pei naichi tangai u; kai ly Areng ne.

MATTHAI 28:20

leu kang pei nai bawibawi tangai ai nai nichi ai patiu u. Naibaly khen cham, kaimy kypkyp ly neng tem pa-rei py nangchi teng y kang awm jojo ai,” napi.

LUKA 1:6

Nini leaung nyhrei ly cheh ai nai by y pa-rei my Areng i leu pei nai hawi reita bawibawi patawm iy, Tameuh i mei ka-niu y awm nai sai hawi parai nai ne.

JOHAN 15:14

Nangchi ly kaimy i leu kang pei nai ngierei sa baly, kai i ahawichi lawn u ai.

ROM AVANGCHI TENG Y PAWLA I CHA PA NAI 10:5

Mosi my ly, “reita i hawi naira patawm nai keung ly huni deaungkho y heng ai,” nanai tajiu bo.

Leu Thui Nai 1:3

Israela chengchi ly Aikupta pri i dengdairei theu nai bo saneng vui palyhrei, lo holai harei, angchei i kani y Areng my mipuichi teng y leu pei nai ngierei Mosi my thui pi pateang nai ne.

Leu Thui Nai 1:8

Nangchi i amsi pajo Abraham, Isaka, Jakob hawi nichi i kangpreangchi teng y, hini pri bawibawi pei ai, nanai Areng my leu adeu nai ne. Nangchi chei u ly peang u,’ nanai leu ang pei,” napi.

Leu Thui Nai 11:1

“Nangchi i Areng Tameuh ai tamen iy mymy i reita bawibawichi ai tangai u ly patawm u.

Leu Thui Nai 11:32

vaini kaimy nangchi teng y kang pei nai reita bawibawichi tangai iy patawm ai nai tami u moh.

Leu Thui Nai 13:1

“Nangchi theung y amo, ti y baly amang thui pachai kawp nai leaung leaungrei my,

Leu Thui Nai 16:20

Nangchi i Areng Tameuh my pei nai pri ai peang iy, huni pri y awm u jo thai ai nai, nangchi ly leu meitang naimy chih pi jojo ai nai tla.

Leu Thui Nai 30:16

Kaimy vaini kang pei nai nangchi i Areng Tameuh i reitachi patawm u baly, nangchi ly mymy ai tamen iy, mymy i leu tangai naimy reita bawibawichi patawm u baly, nangchi ly nang chawn ai i, khumi neangneang peung ai. Naibaly nangchi i Areng Tameuh ly nangchi peang ai nai pri y nangchi ai amtheaung hai ai.

Leu Thui Nai 30:19

Vai kai ly nangchi ai heng naira mo, ti y baly dei naira, Tameuh teng i amtheaung naira mo, ti y baly taham si naira, huni theung i ha harei vawi takhra ai nai kang pei. Nangchi vawi takhra nai ly kani hawi khaileaung my pany sy, hengra phai vawi takhra u.

Leu Thui Nai 30:20

Nangchi i amsi pajo Abraham, Isaka hawi Jakobchi teng adeu nai pri y, nangchi hawi nangchi i kangpreangchi kra parai naimy heng thai ai nai nangchi i Areng Tameuh ai tamen u, mymy i leu phai tangai u ly mymy ai phai chiu u,” nanai leu pei bo.

Leu Thui Nai 4:40

Vaini nangchi teng y kaimy kang pei nai reita bawibawichi tangai u baly, nangchi hawi nangchi i kangpreangchi ly nang chawn u ai. Nangchi py Areng Tameuh my nangchi amtym jojo ai nai pei nai pri y deungtasarei awm ai nai nga u ai,” napi.

Leu Thui Nai 4:45

Ni ly Aikupta pri i dengdairei theu nai bo y, Jordan tavo nisi ngan Bethpeora mary kangka i leaunghawi y tym u nai thym khala, Mosi my reitachi pei pi nai ne. Huni meingtym ly Hesabon mary y peang nai keung Amori samrang Sihon i khu ka-peang lawm bo. Mosi hawi Israela chengchi ly Aikupta pri i dengdairei theu chum nai bo y samrang ai tiu i pajau vui nai ne.

Leu Thui Nai 4:8

Vaini nangchi ai kaimy patiu nai reitachi kamta, leu meitang reitachi nga nai khumi cheng kalen awm rai na a?

Leu Thui Nai 5:1

Mosi ly Israela cheng bawibawichi ai palau achu iy nichi teng y, “Israela khumichi awi, vaini nangchi teng y kaimy kang pei nai reita bawibawichi tangai u. Huni reitachi tangai ai nai dawn u patyp.

Leu Thui Nai 5:33

Nangchi peang ai nai pri y tlamsa naimy awm u jojo pajau ai nai, hini leu pei nai bawibawichi tanga iy so patawm u.

Leu Thui Nai 6:1

“Hini ly nangchi ai patiu pi ai nai nangchi i Areng Tameuh my kai tang y ang pei nai reita leu pei nai bawibawichi ne. Nangchi peang ai nai pri y hini reitachi tangai iy patawm u.

Leu Thui Nai 6:24

Naibaly achi i Areng Tameuh ly reita bawibawichi patawm ai nai hawi mymy ai tahm khai ai nai py leu pei nai ne.

Leu Thui Nai 7:11

Hunaibaly vai ly nangchi ai kang patiu pi nai reitachi patawm u; vaini kaimy kang pei nai reita leu bawibawichi tangai iy patawm u.

Leu Thui Nai 8:1

Areng my nangchi i amsi pajochi teng y pei ai adeu nai pri peang iy peung naimy heng u thai ai nai, vaini nangchi teng y kang pei nai reita bawibawichi ai ka-ym awm naimy atyp u.

Leu Thui Nai 8:11

“Nangchi i Areng Tameuh ai tami y ai nai dawn patyp u; vaini nangchi teng y kang pei nai mymy i reitachi patawm ai nai tami u moh.

Leu Thui Nai 9:1

“Israela chengchi awi, tangai u! Vaini nangchi ly Jordan tavo vai angpeang iy, nangchi tleaung y nawi nai, sa thai naira atho awm nai khumi chengchi i pri peang u ai bo. Nichi i marychi ly len iy kani mang y angteu na pa-rei asang nai mary apaichi tapang nai ne.

JOSUA 3:9

Naibaly Josua ly mipuichi teng y, “Jeu u, nangchi i Areng Tameuh my leu pei nai ngierei tangai u.