Leu Thui Nai 2:8 - Khumi Common Language Bible

⁸ “Hunai deaungkho y achi ly Elath mary hawi Ezijokeba mary dengdairei pangli kadei mang y tako nai lam i nai amphri iy, nisi tosyh ngan Moba pri mang chei nai daichi ka-vym lam mang y tako u bo.

Leu Thui Nai 2:8 ပူးပေါင်းရင်းမြစ်များ

ATITI AWM ANGCHEI NAI 25:23

Areng my neampachy teng y, “Nang i kajeu theung y khumi cheng nyhrei awm; nang ly atiu nai khumi cheng nyhrei ai tapen ai. Leaungrei nai ly leaungrei tleaung y atho awm ai; kalen nai ly katheang teng y miseaung achei ai,” nanai thui pi

1 ARENG KEH 9:26

Samrang Solomon ly Edom pri Elath mary sahawi i pangli kamsen peang y awm nai Ezaijumkaba maryra y samphochi py sa.

2 ARENG KEH 14:22

Uzia ly ampo dei nai bo y Ela mary y tiu nai eaung i, palum ali teang nai ne.

2 ARENG KEH 16:6

(Huni neng khala my Edom samrangly Ela mary ai peang ali teang iy, huni pri y awm nai Juda khumichi ai patheu pawn bo. Edom khumichi ly Ela mary y khuteng sa naimy, vaini khrairei awm u nai ne.)

Kati Nai 21:4

Naibaly Israela chengchi ly Hora mawi i nai theu u iy Edom pri en vui ai nai pangli kamsen katheaung lam mang tako u bo. Na i py nichi ly lam sala y paleung phra atho di u i,

Leu Thui Nai 1:1

Hini cha-iu theung y ly Jordan tavo nisi mang i daichi ka-vym theung y tym u nai khala, Mosi my Israela chengchi teng y thui pi nai leu saichi ne. Nichi ly Supha sahawi i Jordan leaunghawi y tym u bo. Nichi i makeng mang y ly Paran mary, vai makengrei mang y ly Tophel mary, Labana mary, Hazeroth mary hawi Dizahab marychi awm.

TARA CHIH NAI KEUNGCHI 11:18

Naibaly nichi ly Edom pri hawi Moba prichi ai taki iy, daichi ka-vym tako prei naimy Moba pri nisi mang, Arnon tavo vai mang y tym u nai khala, huni meingtym y tai u bo. Arnon tavo ly Moba pri i khu ka-peang ne nai deaungkho y, huni tavo ly nichi angpeang u y.