Leu Thui Nai 2:7 - Khumi Common Language Bible

⁷ “Nangchi i Areng Tameuh ly nangchi i sa nai ngierei ai mana amtheaung hai mo, nanai adawn u. Hini kau parai nai daichi ka-vym khuleaung lam jeungrei nangchi ai ang kry nai ne. Mymy ly nangchi hawi vanrei saneng vui palyhrei awm hai nai deaungkho y, nangchi i ngai nai cheaungkhangchi ang pei bo.

Leu Thui Nai 2:7 ပူးပေါင်းရင်းမြစ်များ

ATITI AWM ANGCHEI NAI 12:2

Kaimy nang ai kangpreang neangneang peung hai iy khumi cheng kalen lawm hai ai. Kaimy nang ai amtheaung hai ai i, nang i amyn asang nai deaungkho y, khumichi ly nang i saho y amtheaung naira nga u ai.

ATITI AWM ANGCHEI NAI 24:35

“Areng my kai i yhmkeung ai khri pa-rei amtheaung hai i, mymy ly nang chawn bo. Areng my ni ai ly beram kanghu, mi-i kanghu, muku, tangka, miseaung neampacho neampachy, kula-iu hawi keaungngo kano kasauchi amtheaung hai nai ne.

ATITI AWM ANGCHEI NAI 26:12

Isaka ly huni pri y hlau sa i Areng my amtheaung hai nai deaungkho y huni saneng naimy amti amjang phy chungvairei pakym ai nai nga.

ATITI AWM ANGCHEI NAI 30:27

Huna nai khala Labana ly mymy teng y, “Kaimy kang thui pi ai; nang i saho y Areng my kai ai amtheaung hai, nanai kang pany pi bo.

ATITI AWM ANGCHEI NAI 39:3

Areng my Josepha teng y awm hai nai deaungkho y mymy i kalop sa nai tleirei y eaung naira nga nai niu bo.

ATITI AWM ANGCHEI NAI 39:5

Huna khala i ka-so Areng my Josepha i saho y, huni Aikupta khumi i yhm dengtheung ai py, ni i kalop hawi li hlau kalopchi ai py amtheaung hai bo.

NEHEMIA 9:21

Saneng vui palyhrei khutaha daichi ka-vym theung y nang ly nichi i ngai nai ryrei teicha teinei pei pi; nichi i ateaungchi ly mana khala py mawn hai y, nichi i kheu py tamo kalem ngo hai vai y nai ne.

JOBA 23:10

Na i py Tameuh ly kai i kheukanchi niu nai ne. Mymy ly kai ai cham lawh baly, kai teng y kamngo by y, nanai pany ai.

SAM 1:6

Areng ly khumi kahawichi ai pahawi iy kry ai; na i py khumi hawi y naichi ly tama u ai.

SAM 107:4

Khumi phyreichi ly lam by y iy khutaha daichi ka-vym y amki u; nichi ly mychi awm ai nai marychi mang y tako nai lam niu u y.

SAM 31:7

Nang i khaw parai nai tamen nai saho y, kai ly amo theu ai. Nang ly kai i patang nai niu. Kai i kamtang pany pi bo.

SAM 90:17

Kaichi i Tameuh ne nai Areng, nang i amtheaung naira ly kaichi teng y tym hai sy; kaichi i sa nai tleireira py, eaung naira pei kyh ba!

THEU NAI 16:35

Israela chengchi ly nichi khuteng sa u ai nai Kanan pri y tym nai ryrei, manna tako ai saneng vui palyhrei cha u nai ne.

JEREMIA 2:2

“Nang ly Jerusalem mary y chei iy, huni mary y awm nai khumi bawibawichi teng y hini satang thui pi,” Nangchi ly deaungdi khala y, ati mana ka-ym awm u mo, nanai kai pany. Nang ly deaung vawi nai anglo kamta kai ai khrei bo. Nangchi ly ati sai py pati y nai daichi ka-vym jeungrei tako prei iy, kai i nithun abang u nai ne.

HOSEA 13:5

Kai ly jengha iy bi parai nai daichi ka-vymra y, nangchi ai kang kry nai ne.

AMOS 2:10

Kai ly nangchi ai Aikupta pri i dengdairei, kang pahawi nai ne. Daichi ka-vym theung y saneng vui palyh ryrei pahawi iy, Amori khumichi i pri ai nangchi peang ai nai kang pei bo.

Kati Nai 1:1

Israela chengchi Aikupta pri i theu u nai pa-nyh saneng, pa-nyh lo angchei i kani y, Areng ly Sinai daichi ka-vym y awm nai Tabynako mang dengdairei Mosi teng y leu pei nai ly

Kati Nai 14:33

Nangchi ly ym naira by y nai deaungkho y hini daichi ka-vym y, nangchi theung i kangkhym dei nai khumi ryrei, nangchi i cho chanauchi ly saneng vui palyh khrairei daichi ka-vym theung y amki u ai.

Kati Nai 14:34

Nangchi Kanan pri khen paviu nai kani vui palyhrei i vui, kanirei y saneng sanengrei, nangchi ai pajeng nai ly saneng vui palyhrei avum u ai. Nangchi ly kaimy nawi su nai avum u ai!

Kati Nai 22:12

Tameuh my Balam teng y, “Nang ly hini khumichi nithun abang moh; Israela chengchi ly kaimy amtheaung hai nai khumichi ne nai deaungkho y, nichi ai pasawi moh,” napi.

Kati Nai 32:13

Areng ly Israela chengchi ai kado theu hai nai deaungkho y, mymy ai ka-awi sa nai kangpreangchi ai dei hai be ai nai pa-rei, nichi ai daichi ka-vym theung y saneng vui palyhrei amki hai nai ne.

LUKA 22:35

Naibaly mymy ly nichi teng y, “Tangka yh hawi, jibo hawi, phainai hawi syn y naimy kang pato nai khala y ly atiti avaw u a?” napi. Nichi my ly, “Avaw y leang,” napi.

JOHAN 10:27

Kai i beramchi ly kai i raawi thai, kai py nichi ai kapany, nichi py kai teng y abang u i,

Leu Thui Nai 1:19

“Achi ly achi i Areng Tameuh my leu ang pei nai kamta achi sa bo. Achi ly Sinai mawi i theu nai khala, kau parai iy ka-jei awm nai daichi ka-vym tako prei naimy mawi nawi parai nai Amori pri mang y khuleaung amsa u nai ne. Achi ly Kadesa Barnea y tym nai khala y,

Leu Thui Nai 1:46

“Hunaibaly achi ly Kadesa meingtym y kra parai pa-rei awm nai ne.

Leu Thui Nai 2:14

Kadesa Barnea i dengdairei Zered tavo angpeang nai ryrei saneng 38rei kra nai ne. Areng my leu pei nai kamta, huni deung kangthau theung i tavaimi leilachi ly dei be bo.

Leu Thui Nai 2:6

Nangchi ly nichi teng iy tui hawi teicha teinei van iy cho u,’ napi bo.

Leu Thui Nai 29:4

Na i py nangchi niu nai ngiereichi ai pany thai ai nai cheng naira ly vaini khrairei mymy ly nangchi ai pei y.

Leu Thui Nai 29:5

Areng my nangchi ai saneng vui palyh sala daichi ka-vym jeungrei ang pahawi nai thym khala, nangchi i baichu ateaungchi pyn y, nangchi i phainaichi tlum y.