Leu Thui Nai 2:34 - Khumi Common Language Bible

³⁴ Huna nai khala my, achi ly nichi i marychi peang be iy tamyh chau bo; neampacho, neampachy hawi deaungdi bawibawichi ai py, leaungrei ai py kangheng khai y.

Leu Thui Nai 2:34 ပူးပေါင်းရင်းမြစ်များ

Leu Thui Nai 3:6

Achi ly Hesabon samrang Sihon i peang nai marychi hawi, mary i khumichi ai tamyh pawn nai kamta, samrang Oka i peang nai mary bawibawichi ai taphra vui iy, neampacho, neampachy hawi cho deaungdi bawibawichi ai py tleh pawn bo.

Leu Thui Nai 7:2

Nangchi i Areng Tameuh ly hini khumichi ai nangchi i kiu y au iy, nichi ai nangchi my eaung nai khala, nichi bawibawi ai tamyh pawn ai nai tla. Nichi hawi amkawm moh ly nichi ai pahen py pahen moh.

Leu Thui Nai 7:26

Huni mynchi ai nangmychi i yhm y syn u moh, syn lawh baly mynchi kamta nangchi py amsawi lawi u ai. Mynchi ly Areng i amsawi lawi nai deaungkho y, mynchi ai jei paso ai nai tla.

JOSUA 10:28

Huni kani y my Josua ly Makedah mary ai tiu pajau iy, Makedah samrang ai patiu vui bo. Mary i khumichi ai py, leaungrei py takhawi y naimy tleh chauchau nai ne. Jeriko samrang ai padei nai kamta, Makedah samrang ai py padei teang bo.

JOSUA 10:40

Josua ly pri verei ai tiu nai eaung bo. Ni ly mawi tleaung pri i samrangchi, nisi mang mawi aheung hawi, nidym mang mawi kheutangra y awm nai samrangchi hawi, tokalawi mang i khutaha meingtymra y awm nai samrang bawibawichi ai py tiu i eaung nai ne. Huni pri i khumi bawibawichi ai leaungrei py tleaung y pa-rei tamyh pawn bo. Israela chengchi i Areng Tameuh my leu pei nai saho y hina nai sa nai ne.

JOSUA 11:14

Israela chengchi ly huni marychira i vawnsai ngiereichi hawi si, beram tawnbawichi ai mymychi i vui la u. Mary i khumichi ai ly leaungrei py tleaung y pa-rei, tamyh u pawn nai ne.

JOSUA 6:21

Nichi ly mary theung y awm nai neampacho, neampachy, miteaung deaungdichi ai py, si, beram, keaungngo kano kasauchi ai py, haisau hawi tleh u pawn bo.

JOSUA 7:11

Israela chengchi ly kamngo sa u bo. Nichi ly kai i leu pei nai tangai u y. Nichi ly taphra pawn ai nai vawnsai phyrei um paviu u lawh. Huni vawnsaichi paviu iy, ka-chawi thui naimy, mychi i vawnsaichi hawi vanrei khai u bo.

JOSUA 9:24

Huna nai khala nichi my, “Nang i Areng Tameuh ly hini pri verei, nangchi teng y pei ai nanai py, mipui bawibawichi ai padei pawn ai nanai py, mymy i miseaung Mosi teng y leu pei nai kaichi thai i, dei ai nai jei nai deaungkho y, huna nai kamta kasa u nai ne.

1 SAMUELA 15:3

Nang ly chei iy Amalek chengchi ai tiu; nichi i vawnsai ateaung awn nai ngierei, ati cheaungkhangchi ai py, taphra pawn ai nai tla; sorai ai py takhawi moh; khumi neampacho neampachy, deaungdi, deaungdi chymplei naichi, huni bo y awm nai sichi, beramchi, kula-iuchi hawi keaungngo kano kasauchi, hunichi ai tamyh pawn ba,” napi.