Leu Thui Nai 18:2 - Khumi Common Language Bible

² Nichi ly kalang theaungchi kamta, mychi i vui khu by y; nichi i vui nga ai nai phy ly Areng my adeu pi kamta, Areng i vui pathyp pi nai keungchi lawm hai patyp nai ne.

Leu Thui Nai 18:2 ပူးပေါင်းရင်းမြစ်များ

ATITI AWM ANGCHEI NAI 15:1

Huni bo y, Areng ly Abram teng y paleung mei y niu hai nai ly “Abram jei moh; Kai ly nang ai ka-jeira i nai ama hai iy, nang ai len parai nai kawn vang kang pei ai,” napi.

SAM 119:57

Aw Areng, kai ly nang ai naini kadeaung nai ne; nang i reita leu pei naichi tangai ai nai adeu bo.

SAM 16:5

Aw Areng, kai i abyhra ly nang leaungrei awm khyh; kai i ngai nai ngiereichi ai py nangmy pei bo. Kai i momang i vui ly nang i kiu tleaung y awm.

SAM 84:11

Areng ly achi ai ama hai nai keung, phum-ang len nai samrang ne; mymy ly achi ai pahen iy tahm pasang bo. Mymy ly kateng sa nai khumichi ai hawi naira pei ai nai akhi y leang.

ISAIA 61:6

Nangchi ai ly Areng i pathyp pi nai keungchi, Tameuh i miseaungchi napi ai. Khumi cheng cheaungkhangchi i yhmtheaung katuichi amtym iy, huna nai amtym nai molam y, nangchi ly amlyh u ai.

TANGAM NAI LEU 3:24

Areng ly kai i vui ne nai deaungkho y, kai ly mymy ai athang khai.

Ezekiela 44:28

“Israela chengchi teng y kaimy pei naichi theung i pathyp pi nai keungchi amtym ai nai phy ly pathyp pi nai keung kalop ne. Nichi ly Israela pri y khaileaung meingtym amtym ai nai ngo y, nichi amtym ai nai ly kai ne.

Kati Nai 18:20

Areng my Aron teng y, “Israela pri theung y nang amtym ai nai yhmtheaung hawi nang i vui khaileaung py nga ai ny y. Kai Areng ly nang i amtym ai nai ne ryp veng bo,” napi.

Kati Nai 18:7

Na i py nang hawi nang i chapochi naini maicham hawi chai keh nai meingtym i vui, pathyp pi nai keung i sa ai tla nai kalopchi sa ai nai ne. Khumi takhra nai ahai lawh baly, huni khumi ai ly padei ai nai tla. Kai ly nangchi ai pathyp pi nai keung y tahm kang pasang nai ne i, nangchi ly hini kalopchi sa u ai nai tla,” napi.

Leu Thui Nai 10:9

Huna nai y Levi theaungchi ly takhra theaungchi kamta, khu ka-peang ngo takhra y nai ne. Nangchi i Areng Tameuh my adeu nai kamta, nichi ai ly Areng i pathyp pi nai keungchi lawm ai nai khai takhra pi nai ne.)

JOSUA 13:14

Mosi ly Levi theaungchi ai khu ka-peang paji pi y. Areng my Mosi teng y leu pei nai kamta, nichi ly Israela chengchi i Areng Tameuh teng y maicham tleaung y mai hawi leng patlum naira i phy nga u nai ne.

I PETERA 2:5

mymy teng y jeu iy, nangchi ai py lengseaung kanghengchi kamta ly phailo mang i yhm sa naira y ang tabawi ai nai, Isu Krista i saho y Tameuh i ka-kawn phailo mang i apathyp naira ly talam iy, pathyp pi nai keung kachaichi lawn thai ai nai.

I PETERA 2:9

Na i py kaveng theung i nai mymy i kangvang rengrang tlai naira y kun ai nai nangchi ai ang palau nai keung i hawi parai nai sai nangchi ly amteng hai thai ai nai, nangchi ai ly cheng vawi takhra nai, pathyp pi nai keung tahm asang parai nai, theaung kachai, Tameuh i khumichi kypkyp ne;