Leu Thui Nai 17:2 - Khumi Common Language Bible2 “Nangchi awm nai marychi theung y neampacho phyreichi, ti y baly neampachy phyreichi ly Areng i leu tangai y naimy, Leu Maikawm ai taphra nai kamngo sa u iy, အခန်းကိုကြည့်ပါ။ |
Juda pri hawi Jerusalem mary i lu sa naichi ly samrang yhm kry nai keungchi, pathyp pi nai keungchi, mipuichi hawi vanrei si katai se nyhrei se nai sala y aleaung iy, kai hawi Leu Maikawm asa u nai ne. Na i py nichi ly kai i mo y mychi asa nai Leu Maikawm ai taphra u bo. Hunai deaungkho y si katai ai nichi my sa nai kamta, nichi ai py kaimy sa teang ai.
Vaini hini meingtym y angdo u nai nangchi theung i neampacho, ti y baly neampachy py, yhm dengtheung, ti y baly cheng theaungchi py, achi i Areng Tameuh ai khai su iy, cheng theaung takhra khumichi i tameuhchi ai chiu y ai nai dawn patyp u. Huna nai sa lawh baly khota iy dei thailai awm nai keung cheang hai nai tangjyn lawm ai.
Kai ly nichi i amsi pajochi teng y adeu pi nai kamta, nichi ai paitiu khuta hawi nai pri y kapahawi ai. Nichi ly huni pri y teicha teinei kajeu kawi pa-rei cha ai nai nga u ai i, awmnem naimy awm u ai. Na i py nichi ly kai ai ym y ai i, tameuh takhrachi ai chiu u ai. Nichi ly kai ai khai su iy Kai i Leu Maikawm ai taphra nai deaungkho y,