Leu Thui Nai 16:3 - Khumi Common Language Bible

³ Nangchi ly Aikupta pri i dengdairei theu u kathawnkarawn nai thym khala, angbo abawi y nai tako cha u nai kamta, Katlen vui nai Pawi sa baly, angbo abawi y nai tako kani saryh ryrei cha ai nai tla. Nangchi ly ngari kamtang avum nai Aikupta pri i dengdairei theu u nai kani ai, deungtasarei pany jo ai nai, ngari kamtang napi nai angbo abawi y nai tako cho u.

Leu Thui Nai 16:3 ပူးပေါင်းရင်းမြစ်များ

1 ARENG KEH 22:27

Ni ai theaung y khai ly kai chymme naimy katym teang y ryrei ly tui hawi tako phai pacho ai nai nichi ai leu pei,” napi.

SAM 102:9

Nang i kado theu nai sai len parai nai molam y, kai ly maidym ai teicha teinei palawn iy, cha ai nai tla bo; kreip hang ai py kaimy i meikatui hawi katlen iy, nei ai nai tla bo. Nang ly kai ai tahm pasang chum baly aphi su nai ne.

SAM 111:4

Areng ly mymy i sa nai lyh ai hawi parai naichi ai, achi my tami y ai nai ang sa pi; mymy ly pahen naira, tamen naira hawimy kawi angym bo.

SAM 127:2

Tlang heng ai nai i vui khawn angthodyh ang thau iy, veng na nai pa-rei akawm parai naimy kalop sa nai py atyhtyh teu. Ati mana nai mo nabaly Areng ly mymy i tamen nai khumichi i nai thym khala, nichi i ngai nairachi pei pi nai deaungkho y ne.

THEU NAI 12:11

Nangchi mana cha ai nai tla mo na baly, nina akyn iy, phainai amchiu naimy, kiu y cheaungvawi syn nai khala cha kaliki ai nai tla. Huni pawi ly kai Areng ai tahm khai nai Katlen vui nai Pawi ne.

THEU NAI 12:17

Huni pawi ly so u jojo; ati mana nai mo na baly nangchi ai Aikupta pri i dengdairei kang patheu nai kani ne; mo mang py hini kani y angbo abawi y nai pawi sa jojo ai nai tla.

THEU NAI 12:39

Nichi ly Aikupta pri i theu u kaliki ai tla nai deaungkho y, tako kanghengra y angbo katlen ai nai neng ngo y i, mai y paawp iy cha u nai ne.

THEU NAI 12:8

Huni vum y mawi dang iy angbo abawi y nai tako, an ngam kakhochi hawi cha ai nai tla.

THEU NAI 34:18

“Tako angbo abawi y nai Pawi sa ai nai tla. Nangchi ly Abiba lo y Aikupta pri i dengdairei theu u nai deaungkho y, huni lo y kai i reita leu pei nai kamta, kani saryhrei angbo abawi y nai tako cha u ai nai tla.

ISAIA 52:12

Hini tlenrei ly nangchi theu awn ai nai, aly ngai ai ny y. Nangchi ly preang ai nai atho sa u ai nai aly ngai y. Israela chengchi i Areng Tameuh ly nangchi ai pahawi iy, ati cheaungkhangra ama hai ai.

Levi 23:6

Kani holai pangrei kani ly tako angbo abawi y nai Pawi amteaung nai ne i, nangchi ly kani saryhrei sala y angbo abawi nai tako cha ai nai tlo y.

ZEKHARIAH 12:10

“Kai ly Davida i kangpreangchi hawi Jerusalem mary i takhra khumichi ai pahen ai nai phailo, chiu sa ai kawp nai phailo hawi angym hai ai. Nichi ly mychi i haisau hawi thun iy padei nai khumi ai khen iy, chapo leaungrei awm khyh nai i vui y vo tangam nai kamta, huni khumi i vui vo tangam u ai. Nichi ly chapo chalu dei nai khumichi kamta, khri pa-rei vo tangam u ai.

Kati Nai 28:17

Kani holai pangrei kani dengdairei amteaung iy kani saryh khrairei, huni pawi sa ai nai tla. Huni pawi sa nai thym khala angbo abawi y nai tako cha ai tla.

Kati Nai 9:11

lorei ajeng pi iy pa-nyh lo, kani holai palyhrei kani dym y Pawi sa pajau; ni ly beram mawi ai angbo abawi y nai tako, an kakhochi hawi cha iy Pawi sa naira abawi pajau nai ne.

LUKA 22:19

Naibaly mymy ly tako la iy kawn nai leu thui pajau baly theng baw theng baw iy nichi teng y pei i, “Hini ly kai i ngan, nangchi i vui pei nai ly: kai ai pany jo ai nai hini ly so u jojo,” napi.

I KORINTH 5:8

hunai deaungkho y angbo kangngym ny y nai hawi, paleung patheang si nai hawi kamngora angbo abawi y nai ly, meitang naira hawi teng naira angbo abawi y nai tako hawi pawi so u sina.

Leu Thui Nai 16:2

Nangchi ly chiu ai nai meingtym harei khyh nai mang y chei iy, nangchi i Areng Tameuh ai palo ai nai huni meingtym y si, ti y baly beram tleh naimy Katlen vui nai Pawi so u.

Leu Thui Nai 4:9

Nangchi ly atyp u! Nangmychi kypkyp my niu nai ngiereichi ai, nangchi heng nai ryrei tami y ai nai atyp u. Nangchi i chanauchi hawi katuchi teng y py thui pi u.

I THESALONIKA 1:6

Naibaly nangchi ly huni leu ly khri pa-rei patang u nai tarawi y Phailo Kachai y kawn parai naimy tangai u i, kaimychi i hawi Areng i amtiu nai keungchi lawn u bo;

JOSUA 4:7

nangchi my Areng i Leu Maikawm Pawm Jordan tavo angpeang hai nai thym khala y, tavo tui leaung nai anawn vui nai sai thui pi ai nai tla; hini lengseaungchi hini meingtym y awm lawh nai sai ly Israela chengchi ai avawrei pany hai jo ai,” napi.