Leu Thui Nai 13:3 - Khumi Common Language Bible

³ huni khumi i leu tangai u moh. Nangchi ly Areng ai paleung hawi verei tamen mo, tamen y mo, nanai pany ai nai nangchi i Areng Tameuh ly nichi ai teaung iy, nangchi ai cham nai ne.

Leu Thui Nai 13:3 ပူးပေါင်းရင်းမြစ်များ

1 ARENG KEH 13:19

Naibaly Juda pri i amo ly amo miteaung pui hawi vanrei, yhm mang y abang iy cha nei bo.

SAM 119:2

Mymy i thui parip naichi ai sa patawm iy, leu pei naichi ai paleung hawi verei tangai nai khumichi ly taham hawi.

SAM 66:10

Aw Tameuh, nang ly kaichi ai cham bo; tangka ai mai hawi pachai nai kamta, kaichi ai cham ba.

SAM 81:7

Nangchi patang naira avum nai thym khala y kai ai palau i, kai ly nangchi ai atleu pi bo. Alipui khupui theung i niu pajau y naira dengdairei, nangchi ai kang pathang pi bo. Meriba micheaung sahawi y, nangchi ai kaimy cham bo.

THEU NAI 20:20

Naibaly Mosi my, “Jei u moh; nangchi ai cham ai nai py, nangchi ly mymy i leu tangai iy kamngo so y ai nai py, Tameuh ang jeu nai ne,” nanai pathang.

ISAIA 8:20

Huna nai khala nangchi my, “Areng i leu pei nai tangai u! Nichi thui nai leuchi ly nangchi i vui kamran by y,” nanai thui pi u.

MATTHAI 24:24

Krista angam naichi hawi amo angam naichi py theu ai i, nichi ly sa thai iy khyly vawi takhra naichi ai malawn py tapawp thai ai nai ka-ma-ra kalenchi hawi khri pa-rei lyh ai awm naichi py patei ai.

AMTAW 17:11

Hu i khumichi ly Thesalonika avang i khumichi tleaung y ly hawi kyh, ati mana nai mo nabaly nichi ly paleung kawn parai naimy huni leu tangai iy, huni satang thui pi nai ly teng mo teng y mo, nanai Tameuh i cha-iu y kani tleirei hau u.

I KORINTH 11:19

Meitang khyp naichi ai nangchi theung y amteng hai thai ai nai, nangchi theung y akhawi takhra naira py awm ai nai tla yb nai ne.

II KORINTH 8:8

Kai ly leu pei nai kamta kathui y leang, khumi takhrachi i hawihai palai sa naira y nangchi i tamen u tatang nai sai cham ai nai kathui nai teu.

EPHESI 4:14

hunaibaly teng y naira y vam naira parawi nai kamta, achi ly cheng tapawp nai khumi i tapawp amang nai, patiu naira ali cheaungkhangra y hi mang py hu mang py pachaw iy hm ryry nai deungdi ny y ai bo.

Leu Thui Nai 6:5

Nangchi i Areng Tameuh ai ly nangchi i paleung verei hawi, nangchi i phailo verei hawi, nangchi i atho bawibawi hawi tamen ai nai tla.

Leu Thui Nai 8:16

Daichi ka-vym theung y nangchi i amsi pajochi cho vai y nai Manna tako ang pacho bo. Mymy ly kangkhym y nangchi amtheaungra nga u ai nai molam y, nangchi ai ngari kamtang avum hai bo. Huna nai ngari kamtang avum hai nai ly nangchi ai cham nai ne.

Leu Thui Nai 8:2

Nangchi i Areng Tameuh ly law veng nai saneng vui palyhrei sala, nangchi ai pahawi iy daichi ka-vym tako hai prei bo. Huni thym khala nangchi ly reita leu pei naichi patawm ai nai ngai mo, ngai y mo, nanai cham ai nai nangchi teng y ngari kamtang cheaungkhang tym hai nai ly pany u.

II THESALONIKA 2:11

Hunai deaungkho y nichi ly huni ka-chawi leu ym ai nai Tameuh my tamang hai naira nichi teng y tym hai;

I JOHAN 2:19

Nichi ly achi theung i dengdairei theu bo, na i py nichi ly achi i khumi tatang ny y leang; nichi ly achi i khumi tatang ne i khyly achi teng y ang awm jojo ai bo; na i py nichi bawibawi ly ha py achi i khumi tatang ny y leang, nanai hawihai palai amteng thai ai nai ang theu pi veng nai bo.

I JOHAN 4:1

Ngai parai naichi awi, phailo bawibawi y ym u moh, phailochi ly Tameuh teng i nai ne mo, ny y mo, nanai cham u; ati mana nai mo nabaly khaileaung pri y ly leu thui tapawp nai neangneangchi theu bo.

I JOHAN 4:4

Bechi awi, nangchi ly Tameuh i dengdairei ne i, nangmychi y awm nai keung ly khaileaung pri y awm nai keung tleaung y len keh nai deaungkho y, nangchi ly hunichi ai pajau bo.

AMTENG HAI NAI 13:14

Naibaly ni ly huni mawi kasi i mei ka-niu y atiti ka-ma-ra sa ai nai nga nai deaungkho y, khaileaung pri y awm naichi ai ang tapawp; naibaly haisau y tamo nga iy heng asai nai mawi kasi i myn sa u ai nai, khaileaung pri y awm naichi teng y leu pei bo.

TARA CHIH NAI KEUNGCHI 2:22

Hini Israela chengchi ly kai i lam y nichi i amsi pajochi abang u nai kamta abang u ai mo, abang u y ai mo nanai kapany ai nai kai ly hini pri i khumichi ai teaung ai,” napi.

1 SAMUELA 26:19

Tahm awm parai nai samrang awi, kai i thui nai leu tangai pi kyh ba. Nang ai kai hawi paleung ka-e lawm pa-rei sa nai keung ly Areng ne lawh baly, kado theu nai rym hai ai nai kapathypra talam pajau nai ne. Na i py paleung ka-e lawm hai nai keung ly khumichi ne lawh teu baly, nichi ly Areng i amsawi lawi u na sy. Israela chengchi teng y Areng i pei nai khu ka-peang i dengdairei, cheng takhrachi i tameuhchi ai chiu pajau nai khu ka-peang mang y kai ai nichi my patheu u bo.