Leu Thui Nai 13:1 - Khumi Common Language Bible

¹ “Nangchi theung y amo, ti y baly amang thui pachai kawp nai leaung leaungrei my,

Leu Thui Nai 13:1 ပူးပေါင်းရင်းမြစ်များ

I JOHAN 4:1

Ngai parai naichi awi, phailo bawibawi y ym u moh, phailochi ly Tameuh teng i nai ne mo, ny y mo, nanai cham u; ati mana nai mo nabaly khaileaung pri y ly leu thui tapawp nai neangneangchi theu bo.

JEREMIA 29:8

Israela chengchi i Tameuh, ati cheaungkhang sa thai nai keung kai Areng my kang pany hai bo. Nangchi ly nangmychi theung i amochi hawi, mo mang i satang thui nai khumichi i, li-tapawp naira y awm u moh. Nichi i amangchi ai py tahm pateng u moh.

JEREMIA 27:9

Amang thui pachai kawp naichi, khumi kadei i phailo palau iy dawi kawp naimy mo mang i satang thui thai nai keungchi, ti y baly nangmychi amochi i leu py tangai u moh. Nichi bawibawi my py nangchi ai Babulon samrang i miseaung y awm y ai nai ang thui pi bo.

ISAIA 9:15

Lu, napi nai ly saneng kanaing len iy tahm awm nai khumichi ne; kalawi, napi nai ly ka-chawi thui reng nai amochi ne.

1 ARENG KEH 13:18

Hunaibaly Bethela mary i amo miteaung pui ly ka-chawi naimy ni teng y, “Kai py nang kamta amo ne teang chybo; Areng i kani pri amtaw thau leaungrei my, nang ai yhm y palau iy pacho panei ai nai kai teng y ang thui pi,” napi.

II THESALONIKA 2:9

Huni Reita Taphra Nai Keung ang jeu nai ly Setan i sa nai sai kamta atiti sa thai naira cheaungkhang hawi, ka-ma-ra cheaungkhang hawi, ka-chawi rengrang cheaungkhang hawi,

LUKA 6:26

“Khumi bawibawichi my ang palo nai khala y nangchi ly taham si! Hunai kamta nichi i amsi sangumchi ly tapawp nai amochi i tlang tleaung y sa nai ly.

MARKA 13:22

Krista angam naichi hawi, amo angam naichi py theu ai i, nichi ly sa thai iy khyly vawi takhra naichi ai tapawp thai ai nai ka-ma-ra hawi khri pa-rei lyh ai awm naichi py patei ai.

MATTHAI 24:24

Krista angam naichi hawi amo angam naichi py theu ai i, nichi ly sa thai iy khyly vawi takhra naichi ai malawn py tapawp thai ai nai ka-ma-ra kalenchi hawi khri pa-rei lyh ai awm naichi py patei ai.

MATTHAI 24:11

Amo tapawp naichi py neangneang theu ai i, khumi neangneangchi ai tapawp ai.

MATTHAI 7:15

“Amo tapawp naichi teng y ly amkym u; hunichi ly beram peih akhiu iy nangchi teng y ang jeu i, nichi i theung mang y ly kasui hyn parai nai ne.

ZEKHARIAH 13:4

Huni neng tym nai khala, mani mo amo py, my i paleung mei y niu nai molam y am-e ai ny y. Amimi py amo i sa nai kamta sa ai ny y; li-tapawp ai nai molam y amo i ateaung py amthyp ai ny y.

ZEKHARIAH 10:2

Khumichi ly tameuh mynchi, mynchi, leung sarachi teng y deng u bo. Na i py nichi i nga nai leu ly ati sai py ny y nai, ka-chawi leuchi ne. Phyrei khumichi ly amangchi thui pachai u; na i py nichi ly nangchi ai teng y nai lam mang y naini ang pahawi reng. Nichi teng i nga nai awmnem naira py, atyhtyh teu. Hunai deaungkho y khumichi ly lam tamang nai beramchi kamta, aki aleaung u bo. Lu sa nai keung by y i, patang naira avum u nai ne.

Ezekiela 13:23

Hunai deaungkho y nangchi ly teng y nai paleung mei y niu naichi ai, niu u ali bi ai ny y; lam tamang naira y tym hai nai leuchi thui u bi ai ny y. Kai ly Areng ne, nanai nangchi pany thai ai nai kai i khumichi ai, nangchi kiu i nai kaimy atleu ai,” napi.

JEREMIA 23:11

Areng my, Amochi hawi pathyp pi nai keungchi teng y tameuhchi by y leang bo. Achura yhm theung y malawn py, hawi y nairachi sa nai kai ly niu nai ne.

JEREMIA 6:13

Khumi katheang kalen bawibawichi ly teng y naimy nang chawn ai nai hau u bo. Amochi hawi pathyp pi nai keungchi malawn py, khumichi ai li-tapawp u nai ne.

II PETERA 2:1

Na i py khumi humchi theung y ly tapawp nai amochi py theu u reng:hunai kamta nangchi theung y tapawp nai patiu nai keungchi awm ai mang, nichi my ly mymychi ai van nai keung Areng puipui ai malawn py apha vui iy, ang taphra pajau ai nai ym takhra nai leuchi kangviu y kun hai ai i, mymychi i tlang tleaung y tlenrei khyh my tama ai naira angtym hai ai.

JEREMIA 29:24

Israela chengchi i Tameuh, ati cheaungkhang sa thai nai keung Areng ly Nehelam avang i khumi Shemaiah teng y thui pi ai nai kai ai pato nai ne. Ni ly mymy kypkyp my kiu myn tajiu iy, Jerusalem mary i khumi bawibawichi, Maaseiah i chapo pathyp pi nai keung Zephaniah hawi, takhra pathyp pi nai keungchi teng y Shemaiah my pa nai cha theung y ly hinai kamta tajiu nai ne.

Leu Thui Nai 18:20

Kaimy leu pei y naimy kai i amyn y leu thui vam nai amo ai py, tameuh takhrachi i amyn y leu thui nai amo ai py, padei ai,’ napi.

JEREMIA 23:32

Kai, Areng my leu pei naichi tangai u! Ka-chawi cheichei abawi nai mychi i amang satang thui nai amochi ai kai ly ka-awi sa ai. Nichi ly huni amangchi ai ka-chawi naimy amlyh iy thui nai deaungkho y, kai i khumichi ai lam tamang hai u nai ne. Kai ly nichi ai kapato y, chei ai nai py leu pei y. Hunai deaungkho y nichi ly khumichi i vui y, ati sai py hawi naira by y. Hini ly kai, Areng i thui nai leu ne,” napi.

JEREMIA 29:26

“Areng ly nang ai Jehojada i jeng pathyp pi nai keung y khai i, nang ly Achura yhm kry nai keung kalen lawn bo. Amo amlawn nai khumi kamthu ngiereichi ai kaneaung y tamo sengkry patli iy thang ai nai ly nang i kalop ne.

Leu Thui Nai 4:1

Naibaly Mosi my Israela chengchi teng y, “Nangchi teng y kaimy kang pei nai reita leu pei nai bawibawichi tangai baly heng hawi ai; naibaly nangchi amsi pajochi i Areng Tameuh my pei nai pri y peang ai iy, hu y awm ai nai nga u ai.

Leu Thui Nai 4:2

Nangchi ly kai i leu kang pei naichi ai panawi py panawi u bi moh, pajawp py pajawp u moh. Nangchi teng y kang pei nai nangchi i Areng Tameuh i leu phai tangai u.

1 ARENG KEH 13:19

Naibaly Juda pri i amo ly amo miteaung pui hawi vanrei, yhm mang y abang iy cha nei bo.

LEU KACHENG 30:6

Mymy i leuchira y ati sai py panawi bi moh. Panawi bi lawh baly, mymy ly nang i tlang tleaung y khri pa-rei ang thui ang parip ai i, nang ly ka-chawi ka-hui thui nai khumi, nanai pany hai ai.”