Leu Thui Nai 12:3 - Khumi Common Language Bible

³ Nichi i maichamchi panawi iy, nichi i tameuh leungchengchi py taphra pawn ai nai tla. Nichi i chiu nai tameuh nu Aserah i leungchengchi py mai veang pawn ai nai tla. Nichi i mynchi ai pakhau piupa pawn ai nai tla. Hina nai kamta sa iy huni meingtymchira i, huni tameuhchi ai chiu nai tama ai.

Leu Thui Nai 12:3 ပူးပေါင်းရင်းမြစ်များ

1 ARENG KEH 14:15

Areng my pajeng nai deaungkho y, Israela pri ly tuiry y samji keung ahyn nai kamta anghyn u ai. Amsi pajochi teng y mymy i pei nai tlamsa nai, hini pri kahawira i nai Israela chengchi ai tangjyn raurei akyn vui iy, Euphrat tavo vai mang y tym pa-rei ahei hai ai. Ati mana nai mo nabaly nichi ly Aserah tameuhnu mynchi sa iy, mymy ai kado patheu lawh nai deaungkho y ne.

1 ARENG KEH 15:13

Mymy i amsichy Maakah ai py samrangnura i nai pala vui bo. Ati mana nai mo nabaly amti amjang thawn ai nai molam Aserah tameuhnu ai chiu ai nai i vui y, amso ngai nai mynchi sa nai deaungkho y ne. Asa ly huni mynchi taphra piu iy Kidron leaunghawi y mai leang pawn nai ne.

2 ARENG KEH 11:18

Naibaly khumi mipuichi ly bala i achura yhm taphra u iy, maichamchi hawi mynchi py panawi u pawn. Naibaly maichamchi mo y bala i pathyp pi nai keung Mattan ai py tleh u bo. Jehojada my Achura yhm typ ai nai tamcheaungchi khai chum baly,

2 ARENG KEH 18:4

Ni ly myn chiu nai meingtymchi taphra iy, leungcheng leng naichi pakhau phro i, Aser tameuh nu teng y talam nai tamkhawnchi py taphra nai ne. Mosi i sa nai kheupaja pavui myn py, taphra piupa vui bo. Huni pavui myn ly Nehutan, nanai amyn pathi iy, Israela chengchi ly huni neng tym nai khrairei, huni pavui myn teng y rimuichi patawi iy talam u nai ne.

2 ARENG KEH 23:14

Samrang Joseah ly leungchengchi taphra iy, Aser tameuh nu i tamkhawnchi panawi pi pawn. Naibaly huni meingtymchi ra y khumi hiuchi kawi hai cheng bo.

2 NENG SATANG 14:2

Asa ly hawi nai kalop hawi kateng kataw sa nai deaungkho y, Areng i mo y meimai nga.

2 NENG SATANG 14:3

Ni ly cheng takhra khumichi i maichamchi hawi myn chiu nai meingtymchi taphra iy, leungchengchi hawi tamkhawnchi taphra piupa pawn nai ne.

2 NENG SATANG 19:3

Na i py nang ly khumichi chiu nai Asherah tameuhnu i tamkhawn bawibawichi taphra pawn iy, Areng i kangai atho sa nai deaungkho y, nang teng y hawi nai sai maidenrei awm rai,” napi.

2 NENG SATANG 31:1

Pawi lui nai bo y Israela cheng bawibawichi ly Juda pri mary tleirei y chei iy, lengseaung leungchengchi hawi tameuhnu Asherah i tamkhawnchi taphra u. Maichamchi hawi myn chiu nai maichamchi py panawi u bo. Nichi ly Juda khu ka-peang, Benjamin khu ka-peang hawi Manase khu ka-peangchira py, hina nai kamta sa u chum baly, mymychi i yhm mang y vawi u nai ne.

2 NENG SATANG 34:3

Josia ly samrang lyn nai khala saneng tajarei awm i, saneng khri pa-rei theang teu i py, mymy i amsi pajo samrang Davida i Tameuh ai chiu amteaung bo. Huni bo i saneng palyhrei khala y ni ly myn chiu nai meingtymchi, tameuhnu Asherah i tamkhawnchi hawi takhra myn ngiereichi ai taphra nai ne.

SAM 16:4

Tameuh takhrachi teng y ahihawi iy chiu nai khumichi ly khri pa-rei patang u ai. Kai ly nichi i apathyp naichira y abawi ai ny y; nichi i tameuhchi ai py chiu ai ny y.

THEU NAI 23:13

“Kai Areng my nangchi ai kang thui pi nai ngiereichi tangai u; tameuh takhrachi ai chiu u moh; huni tameuhchi i amyn malawn py thui u moh.

THEU NAI 23:24

Nangchi ly nichi i tameuhchi ai lu meung iy chiu u moh; nichi i reitachi kamta teaung u moh; nichi i tameuhchi taphra iy, nichi i khai takhra nai leungchengchi py pakhau pi pawn ai nai tla.

THEU NAI 34:13

Nangchi ly nichi i maichamchi panawi pawn ai nai tla; nichi i tameuh leungchengchi taphra ai nai tla; nichi i tameuh nu Aser i mynchi py, paliu pawn ai nai tla.

ISAIA 27:9

Myn chiu naira maicham lengseaung ngierei ly lengseaung kangleung kamta, deng piupa iy, Aser tameuh nu i mynchi, ti y baly mui katuichi leng patlum nai maichamchi pipi by y na pa-rei khei pi pawn nai khala, Israela chengchi ly mychi kamngora i nai law tleaung naira nga u ai.

JEREMIA 17:2

Mawi aheungchira y awm nai heng-yh nai dengkeaung keung ngiereichi sahawi y py, mawi saleungchi salo y py, Asherah tameuh myn i vui pado pi nai leungchengchi hawi maichamchira y, nangchi i cho chanauchi my chiu u nai ne. Nangchi ly nangmychi i pri verei y sa tamang u nai kamngochi molam y,nangchi i yhmtheaung katui muku, tangka, vang katengchi ai, nangchi chiu u nai mawi aheungchi hawi vanrei, paleung ka-echi teng y kaimy kapei vui ai.

HOSEA 2:17

Ni ly Bala, nanai amyn ai, ni i labeaung mang katheu y ai; mo mang y palau bi ai ny y.

MIKHA 5:14

Kai ly nangchi i pri y awm nai Aserah tameuhnu mynchi taphra pawn ai.

ZEKHARIAH 13:2

Huna nai khala kai ly hini pri y awm nai mynchi amyn taphra vui ai i, hunichi ai mo mang y ami py pany u ali bi ai ny y. Amymy ai amo ne, nanai thui nai ngiereichi ai, kaimy tama hai vui ai. Myn y chiu ai ngai nai paleung ka-dawn ai py taphra vui ai.

Kati Nai 33:52

huni pri y awm nai khumi bawibawichi ai patheu pawn ai nai tla. Nichi i lengseaung tameuh myn, tamo ngan tameuh mynchi hawi nichi i chiu nai meingtym ngiereichi ai taphra pawn ai nai tla.

Leu Thui Nai 12:4

Nangchi ly nichi i tameuhchi ai chiu nai leaungsai kamta, nangchi i Areng Tameuh ai chiu u moh.

Leu Thui Nai 7:25

Nichi i chiu nai mynchi ai mai y veang u pawn. Huni mynchira y ka-pu sa nai muku, tangkachi ai paleung no iy, nangmychi i vui lo u moh. Areng ly myn y chiu naichi ai niu ngai y nai deaungkho y, mynchira i muku tangkachi la lawh baly nangchi i vui dei naira avum ai.

Leu Thui Nai 7:5

Hunai deaungkho y nichi i maichamchi taphra ai nai tla. Nichi i tameuh lengseaungchi ai panawi ai nai tla. Kani anglo Aser tameuh i mynchi py panawi ai nai tla. Nichi i mynchi py veang pawn ai nai tla.

AMTENG HAI NAI 13:1

Naibaly mawi kasi harei, taki horei lu saryhrei awm nai, pangli i dengdairei theu nai kaniu: ni i taki y ly areng lukhym horei awm, naibaly ni i lu tleirei y Tameuh ai thui tamawn nai amynchi awm teang.

TARA CHIH NAI KEUNGCHI 2:2

Nangchi ly hini pri y awm nai khumichi hawi mana khala py, leu maikawm aso moh. Nichi i maichamchi ai taphra vui ai nai tla, nanai nangchi ai leu kang pei bo. Na i py nangchi ly kai i leu pei nai tangai u y; ati mana nai y hina nai sa u lawh mo!