Leu Thui Nai 12:2 - Khumi Common Language Bible

² Nangchi peang nai pri mawi saleung, mawi aheung, ngam heng-yh nai dengkeaungchi anui i, huni pri khumichi my chiu nai meingtym bawibawichi taphra u pawn ai nai tla.

Leu Thui Nai 12:2 ပူးပေါင်းရင်းမြစ်များ

1 ARENG KEH 14:23

Nichi ly teng y nai tameuhchi ai chiu ai nai meingtymchi sa u; mawi saleungchi hawi ka-khui hawi nai dengkeaung keungchi anui y chiu ai nai leungchengchi, Aserah myn leungchengchi py leng u bo.

1 ARENG KEH 3:2

Areng i vui Achura yhm so y rai nai deaungkho y, khumichi ly maicham tlei tleirei y apathyp u.

2 ARENG KEH 11:18

Naibaly khumi mipuichi ly bala i achura yhm taphra u iy, maichamchi hawi mynchi py panawi u pawn. Naibaly maichamchi mo y bala i pathyp pi nai keung Mattan ai py tleh u bo. Jehojada my Achura yhm typ ai nai tamcheaungchi khai chum baly,

2 ARENG KEH 16:4

Myn y chiu nai meingtym mawi aheungchi hawi ka-khui hawi nai dengkeaung keungchi anui y Ahaz ly kapathyprachi talam iy, rimuichi patawi nai ne.

2 ARENG KEH 23:13

Samrang Joseah ly Jerusalem mary nisi, olive mawitokalawi ngan mang y Sidon i tameuh Asatare, Moba tameuh Khemosa, Ammon tameuh Molechi ai chiu ai nai samrang Solomon my sa pi nai maichamchi py, chai nem hai y bo.

SAM 78:58

Nichi ly tameuh ny y naichi ai chiu ai nai meingtym sa u nai molam y, nang ai kado theu hai; mynchi molam py mymy ai kado theu hai bo.

THEU NAI 23:24

Nangchi ly nichi i tameuhchi ai lu meung iy chiu u moh; nichi i reitachi kamta teaung u moh; nichi i tameuhchi taphra iy, nichi i khai takhra nai leungchengchi py pakhau pi pawn ai nai tla.

ISAIA 36:7

Naibaly Asuria tavailu areng my thui bi nai ly “Nangchi my, ‘Kaichi ly kaimychi i Areng Tameuh ai paleung pado,’ nanai kai teng y thui u ai a? Hezekia ly Areng ai chiu ai nai meingtymchi hawi maichamchi taphra iy, Juda khumichi hawi Jerusalem mary i khumichi ai, Jerusalem mary y awm nai maichamra y naini chiu u ai nai leu pei nai ne.

JEREMIA 17:2

Mawi aheungchira y awm nai heng-yh nai dengkeaung keung ngiereichi sahawi y py, mawi saleungchi salo y py, Asherah tameuh myn i vui pado pi nai leungchengchi hawi maichamchira y, nangchi i cho chanauchi my chiu u nai ne. Nangchi ly nangmychi i pri verei y sa tamang u nai kamngochi molam y,nangchi i yhmtheaung katui muku, tangka, vang katengchi ai, nangchi chiu u nai mawi aheungchi hawi vanrei, paleung ka-echi teng y kaimy kapei vui ai.

JEREMIA 2:20

Ati cheaungkhang sa thai nai Areng my, “Aw Israela, nang ly jangni i ka-so kai i sa thai naira ai khai su iy, nang ly kai i leu tangai y, kai ai py chiu y. Mawi ka-sang tleirei y py, apu parai nai dengkeaung tleirei anui y py, bima kamta sa u lawh bo.

JEREMIA 3:13

Nang ly nangmy i Areng Tameuh ai tiu lawh nai hawi, kamngo tla bo, nanai phai ahui. Apu parai nai dengkeaung tleirei anui y, nang ly cheng takhrachi i tameuhchi ai paleung apei lawh iy, kai i leu tangai y lawh, nanai py ahui ai nai tla. Hini ly kai, Areng i thui nai leu ne.

JEREMIA 3:2

Mawi saleungchi ai khen angdeang u. Bima kamta nang so vai y naichi awm a? Arab cheng ly daichi ka-vym y lawm ai nai amo yb nai kamta, nang ly lam tengchira y tavawichi ai ajeng bo. Nang ly nangmy i hawi y nai kamleaung kalop hawi, hini pri y chai hai y nai ne.

JEREMIA 3:6

Samrang Josia deung y Areng my kai ai, “Huni leu atangai y nai neampachy Israela ly kai ai ati mana khai su mo, nanai nang niu bo a? Ni ly mawi ka-sang tleirei y py, apu parai nai dengkeaung tleirei anui y py, bima kalop sa nai ne.

HOSEA 4:13

Nichi ly mawi saleung i chiu sa nai meingtymchira y apathyp u iy, mawi aheungchira i, ka-khui hawi nai dengkeaung keung puichi anui y rimuichi patawi u bo. “Naibaly nangchi i chaniuchi ly bimanu lawm iy, nangchi i lengngochi ly kamleaungnu lawm u bo.

Kati Nai 22:41

Kani pa-nyh khawn mang y samrang Balek ly Israela cheng phyreichi my niu pajau nai Bamoth Bala mawi aheung y Balam ai hawi jo nai ne.

Leu Thui Nai 7:5

Hunai deaungkho y nichi i maichamchi taphra ai nai tla. Nichi i tameuh lengseaungchi ai panawi ai nai tla. Kani anglo Aser tameuh i mynchi py panawi ai nai tla. Nichi i mynchi py veang pawn ai nai tla.

TARA CHIH NAI KEUNGCHI 2:2

Nangchi ly hini pri y awm nai khumichi hawi mana khala py, leu maikawm aso moh. Nichi i maichamchi ai taphra vui ai nai tla, nanai nangchi ai leu kang pei bo. Na i py nangchi ly kai i leu pei nai tangai u y; ati mana nai y hina nai sa u lawh mo!