Leu Thui Nai 11:1 - Khumi Common Language Bible

¹ “Nangchi i Areng Tameuh ai tamen iy mymy i reita bawibawichi ai tangai u ly patawm u.

Leu Thui Nai 11:1 ပူးပေါင်းရင်းမြစ်များ

Leu Thui Nai 6:5

Nangchi i Areng Tameuh ai ly nangchi i paleung verei hawi, nangchi i phailo verei hawi, nangchi i atho bawibawi hawi tamen ai nai tla.

Leu Thui Nai 10:12

“Aw Israela chengchi awi, nangchi i Areng Tameuh i kangaichi tangai u: Areng ai chiu u ly mymy i leu pei nai bawibawichi phai tangai u. Areng ai paleung hawi verei tamen iy mymy i kalop so u;

ZEKHARIAH 3:7

ati cheaungkhang sa tha nai Areng my, “Nang ly kai i reita leuchi ai tangai iy, nang teng y kaimy kang pei nai kalopchi sa ai na baly, kai i Achura yhm hawi Achura yhm apaichi kry ai nai nga bi ai. Kai py kaimy i mo y awm nai kani pri amtaw thau naichi i chiu sa hnei takeng naichi thai nai kamta, nang i chiu sa nai py thai ai.

Levi 8:35

Nangchi ly Tabynako katheu pa-khora y Areng my leu pei naichi, kani saryhrei sala y vum, kanithun sa ai nai tla. Nangchi ly leu pei nai kamta so u y lawh baly, dei takengkei ai, nanai Areng my kai teng y leu pei bo,” napi.

SAM 116:1

Areng ly kai i hnei takeng nai raawi tangai pi nai deaungkho y, kai ly mymy ai khrei; mymy ly kai i chiu sa nai tangai pi nai ne.

SAM 105:45

Hina nai sa nai ly mymy i khumichi ly mymy pei nai Reitachi kry iy, leu pei naichi tangai hai ai nai ne. Areng ai palo u!

Leu Thui Nai 6:1

“Hini ly nangchi ai patiu pi ai nai nangchi i Areng Tameuh my kai tang y ang pei nai reita leu pei nai bawibawichi ne. Nangchi peang ai nai pri y hini reitachi tangai iy patawm u.

Leu Thui Nai 4:40

Vaini nangchi teng y kaimy kang pei nai reita bawibawichi tangai u baly, nangchi hawi nangchi i kangpreangchi ly nang chawn u ai. Nangchi py Areng Tameuh my nangchi amtym jojo ai nai pei nai pri y deungtasarei awm ai nai nga u ai,” napi.

Leu Thui Nai 4:5

“Achi i Areng Tameuh my reita leu pei nai kamta kai ly huni leu pei nai bawibawichi ai nangchi teng y kang thui pi bo. Nangchi atiu iy peang ai nai pri y, huni leu pei naichi patawm u.

Leu Thui Nai 4:1

Naibaly Mosi my Israela chengchi teng y, “Nangchi teng y kaimy kang pei nai reita leu pei nai bawibawichi tangai baly heng hawi ai; naibaly nangchi amsi pajochi i Areng Tameuh my pei nai pri y peang ai iy, hu y awm ai nai nga u ai.

Levi 18:30

Naibaly Areng my, “Kai i kang pei nai leu phai tangai u; nangchi ny y rai khala i huni pri y awm nai khumichi i sa nai kamta amtiu u moh. Nangchi ly huna naichi sa nai molam y, nangmychi ai chai hai y ai nai aso u moh. Kai ly nangchi i Areng Tameuh ne,” napi.

Levi 22:9

Pathyp pi nai keung bawibawichi ly kai i reita leu pei naichi teaung patawm ai nai tla. Huna nai so y baly nichi ly kamngo tla ai i dei u ai; ati mana nai mo nabaly nichi ly reitachi taphra nai deaungkho y ne. Kai ly Areng ne i, hunichi ai chai hai bo.

Leu Thui Nai 5:29

Nichi ly hina nai kamta kai ai Jei kaji naimy tahm khai u iy, kai i leu pei nai bawibawichi tangai u ai na baly, nichi hawi nichi i kangpreangchi ly ati cheaungkhangra y hawi naira nga u ai.

Leu Thui Nai 11:13

“Hunai deaungkho y nangchi teng y vai, kaimy pei nai reitachi phai patawm u; nangchi i Areng Tameuh ai nangchi i paleung hawi verei tamen iy mymy i kalop phai so u.

Leu Thui Nai 11:22

“Kaimy nangchi teng y kang pei nai reita bawibawichi patawm ai nai dawn u. Nangchi i Areng Tameuh ai tamen iy leu pei naichi patawm u ly ka-ym awm u.

Ezekiela 20:19

Kai ly nangchi i Areng Tameuh ne. Kai i Reitachi patawm iy kai i leu pei naichi tangai u.

Leu Thui Nai 5:1

Mosi ly Israela cheng bawibawichi ai palau achu iy nichi teng y, “Israela khumichi awi, vaini nangchi teng y kaimy kang pei nai reita bawibawichi tangai u. Huni reitachi tangai ai nai dawn u patyp.

Leu Thui Nai 13:4

Areng teng y abang u ly mymy ai phai taham khai u; mymy i reitachi patawm u ly mymy i leu tangai u. Mymy ai chiu u ly mymy ai ka-ym awm u.

Leu Thui Nai 27:10

hunai deaungkho y mymy i leu tangai iy, vaini nangchi teng y kaimy pei nai reita leu bawibawichi tangai iy patawm u,” napi.

Leu Thui Nai 30:6

Mymy ly nangchi hawi nangchi i kangpreangchi teng y leu tangai ai ngai nai paleung pei pi ai. Nangchi ly nangmychi i Areng Tameuh ai paleung hawi verei tamen iy, huni pri y awm amtawn jo thai ai nai,