Leu Thui Nai 1:8 - Khumi Common Language Bible

⁸ Nangchi i amsi pajo Abraham, Isaka, Jakob hawi nichi i kangpreangchi teng y, hini pri bawibawi pei ai, nanai Areng my leu adeu nai ne. Nangchi chei u ly peang u,’ nanai leu ang pei,” napi.

Leu Thui Nai 1:8 ပူးပေါင်းရင်းမြစ်များ

ATITI AWM ANGCHEI NAI 12:7

Areng ly Abram teng y amteng i, “Hini pri ly nang i kangpreangchi teng y kapei ai,” napi. Naibaly Abram ly mymy teng y amteng hai nai Areng i vui maicham sa bo.

ATITI AWM ANGCHEI NAI 15:16

Nang ly kangpreang deung palyhrei nai bo y hini pri y tym teang ai; ati mana nai mo nabaly Amori chengchi ly khumi aso y nai molam y pajeng naira avum nai khala, nichi ai hini pri i nai kaimy patheu vui ai nai deaungkho y ne,” napi.

ATITI AWM ANGCHEI NAI 15:18

Huni neng huni meingtym y Areng ly Abram hawi Leu Maikawm asa bo. Mymy ly Abram teng y, “Nang i kangpreangchi teng y, Aikupta pri khujyh dengdairei Euphrat tavo tym pa-rei,

NEHEMIA 9:15

“Nichi kajeu alam u nai khala y kani mang i dengdairei teicha teinei pala pi iy, tui ahai u nai khala y lengseaung theung i theu nai tui pei pi. Nangmy pei ai, nanai adeu nai pri peang vui ai nai nichi teng y leu pei nai ne.

THEU NAI 23:31

Kaimy nangchi i khujyh ly pangli kamsen dengdai mrethe pangli ryrei, daichi ka-vym dengdai Euphrat tavo ryrei kau hai ai. Kai ly huni pri i khumichi ai nangchi kiu y kang au ai i, nichi ai nangchi my patheu u pajau ai.

THEU NAI 33:1

Areng my Mosi teng y, “Nang ly Aikupta pri i dengdairei pahawi nai khumichi hawi vanrei, hini meingtym i nai theu iy kai ly Abraham, Isaka, Jakob hawi nichi i kangpreangchi teng y pei ai adeu nai pri y chei u.

JEREMIA 32:22

Nang ly nichi i amsi pajochi teng y leu adeu nai kamta, nang chawn iy amti amjang thawn nai hini pri ly nichi ai pei nai ne.

Ezekiela 47:14

Kai ly nangchi i amsi pajochi teng y hini pri amtym ai nai pei ai, nanai vaineng adeu nai kamta vai, nangchi ly huni pri ai kangngeng riri aphy u.

Kati Nai 14:23

Kai my nichi i amsichi teng y pei ai adeu nai pri y, nichi ly kun ai nai nga ai ny y. Kai ai khai su nai ngierei huni pri y kun ai nai ngo y ai.

Kati Nai 32:11

‘Nichi ly kai i leu tangai u y nai deaungkho y, Aikupta pri i theu naichi theung i saneng apomrei hawi leng, neampacho ami py Abraham, Isaka, Jakobchi teng y kaimy adeu nai pri y kun ai ny y,’ nanai tau iy leu pei yb bo.

Leu Thui Nai 1:11

Nangchi i amsi pajochi i Areng Tameuh ly nangchi ai sang neangneang peung hai sy, adeu nai kamta amtheaung hai sy!

Leu Thui Nai 1:35

‘Nangchi i amsi pajochi teng y pei ai adeu nai pa-tiu khuta hawi nai pri y, hini deung kangthau khumi aso y naichi theung i leaungrei py kun ai nai ngo y ai.

Leu Thui Nai 10:11

Naibaly nangchi i amsi pajochi teng y pei ai adeu nai pri nangchi peang u ai nai nangchi ai pahawi ai nai tla,” nanai kai ai ang napi.

Leu Thui Nai 11:24

Nangchi i kheu chiu nai khaileaung ngierei ly amtym u bebe ai. Nangchi i khu ka-peang ly tokalawi mang daichi ka-vym dengdai tosyh mang Lebanon mawi khrairei, nisi mang ly Euphrat tavo dengdai nidym mang Mrethe Pangli khrairei kau ai.

Leu Thui Nai 11:9

Huni bo y nangchi i amsi pajochi hawi nichi i kangpreangchi teng y pei ai adeu nai pa-tiu khuta hawi nai pri y, nangchi ly kra parai pa-rei awm ai nai nga u ai.

Leu Thui Nai 2:29

Kaichi i Areng Tameuh my pei nai pri y tym ai nai Jordan tavo angpeang y rai khala, samrang nang i pri mang tako prei ai nai ngai. Edom pri y awm nai Esaw kangpreangchi hawi Ara pri y awm nai Moba chengchi ly nichi i khu ka-peang theung mang tako prei ai nai ang pei nai ne’ napi.

Leu Thui Nai 26:15

Nang i awm nai kani pri meingtym kachai mang dengdairei khen katheu iy, amsi pajochi teng y adeu nai kamta pei nai paitiu khuta hawi nai pri hawi vanrei, nang i khumi Israela chengchi ai amtheaung hai ba, “nanai takeng ai nai tla.

Leu Thui Nai 26:3

Huni neng khala y kalop sa nai pathyp pi nai keung teng chei hai iy ni teng y, ‘Achi i Areng Tameuh ly amsi pajochi teng y adeu nai pri y achi tym u bo, nanai mymy teng y vaini pany hai bo,’ napi.

Leu Thui Nai 28:11

Areng ly nangchi ai pei ai, nanai amsi pajochi teng y adeu nai pri y, nangchi ai cho chanau, si, beram tawnbawichi neangneang peung hai ai; amti amjang py neangneang thawn hai ai.

Leu Thui Nai 29:12

Nangchi bawibawi ly nangmychi i Areng Tameuh hawi vaini vaineng abeu iy, Leu Maikawm asa ai nai tla.

Leu Thui Nai 30:20

Nangchi i amsi pajo Abraham, Isaka hawi Jakobchi teng adeu nai pri y, nangchi hawi nangchi i kangpreangchi kra parai naimy heng thai ai nai nangchi i Areng Tameuh ai tamen u, mymy i leu phai tangai u ly mymy ai phai chiu u,” nanai leu pei bo.

Leu Thui Nai 31:7

Naibaly Mosi ly Josua ai palau iy, Israela cheng bawibawichi i mo y ni teng y thui pi nai ly “Nang ly atho ala iy sorai paleung thau; Areng my nangchi i amsi pajochi teng y adeu nai pri y kun iy peang ai nai, nang ly hini khumichi ai lu sa ai nai tla.

Leu Thui Nai 34:4

Naibaly Areng my Mosi teng y, “Hini pri ly Abraham, Isaka, Jakobchi i kangpreangchi teng y pei ai, nanai kaimy adeu nai pri ne. Vai nang ly hini pri khen cham; na i py nang ly huni pri y kun ai nai ngo y leang,” napi.

Leu Thui Nai 4:1

Naibaly Mosi my Israela chengchi teng y, “Nangchi teng y kaimy kang pei nai reita leu pei nai bawibawichi tangai baly heng hawi ai; naibaly nangchi amsi pajochi i Areng Tameuh my pei nai pri y peang ai iy, hu y awm ai nai nga u ai.

Leu Thui Nai 6:10

“Nangchi i Areng Tameuh ly nangchi i amsi pajo Abraham, Isaka hawi Jakob teng y adeu nai kamta, nangmychi my palum pacheang y nai sareaung hawi nai mary puichi, nangchi teng y ang pei ai.

Leu Thui Nai 7:12

“Nangchi ly hini leu pei naichi ai ka-ym awm parai naimy tangai u baly, nangchi i Areng Tameuh my nangchi i amsi pajochi teng y adeu nai kamta, Leu Maikawm ai khaw hai jojo ai i, mymy i khaw parai nai tamen nai sai py patei ai.

Leu Thui Nai 7:13

Mymy ly nangchi ai tamen iy amtheaungra pei nai deaungkho y, nangchi ly peung ai i, cho chanau neangneang sa u ai; mymy ly nangchi i li hlauchi ai amtheaung hai nai deaungkho y, amti amjang, kreip hang hawi olive asitui neangneang nga u ai Mymy ly nangchi ai amtheaung hai nai y, si, beram tawnbawichi py peung ai. Nangchi i amsi pajochi teng adeu nai pri y nangchi tym nai khala, huni amtheaung nairachi ang pei ai.

Leu Thui Nai 7:8

Na i py Areng ly nangchi ai tamen iy, nangchi i amsi pajochi teng y leu ka-deu khaw hai ai ngai nai deaungkho y, Aikupta samrang teng y miseaung acheira i nai, sa thai naira len parai nai saho y nangchi ai atleu nai ne.

Leu Thui Nai 8:1

Areng my nangchi i amsi pajochi teng y pei ai adeu nai pri peang iy peung naimy heng u thai ai nai, vaini nangchi teng y kang pei nai reita bawibawichi ai ka-ym awm naimy atyp u.

Leu Thui Nai 9:5

Nangchi i hawi nai saichi deaungkho y Areng my huni pri nangchi teng y ang pei nai ny y leang. Huni khumichi i kamngo nai molam py, nangchi i amsi pajo Abraham, Isaka, Jakobchi teng y adeu nai leu khaw hai ai nai aly ngai nai molam py, Areng ly nichi ai patheu pawn ai.

HEBRAI 6:13

Tameuh my Abraham teng y leu adeu nai thym khala y ly mymy tleaung y len keh nai angam iy vaineng abeu thai y nai deaungkho y, mymy naimy vaineng abeu iy,

HEBRAI 6:14

“Lawi pajau y pa-rei kaimy amtheaung hai takengkei ai. Peung py kang peung hai takengkei ai,” napi.

JOSUA 1:6

Nang ly atho sa iy vam parai naimy awm ba. Nang ly hini khumichi ai lu sa iy, nichi i amsi pajochi teng y kaimy pei ai adeu nai pri y kun iy tiu vui ai nai tla.

TARA CHIH NAI KEUNGCHI 2:1

Areng i kani pri amtaw thau nai ly Kilakala mary dengdairei, Bokhim mary mang y chei iy Israela chengchi teng y, “Kai ly nangchi ai Aikupta pri dengdairei pahawi iy, nangchi i amsi pajochi teng y kaimy adeu nai pri mang y kangtha pi bo. Kai ly nangchi hawi asa nai Leu Maikawm ai mana khala py, kataphra ai ny y.