LEU KACHENG 8:36 - Khumi Common Language Bible

³⁶ Kai ai hau iy niu y nai khumi ly amymy ai no patang hai nai khumi ne. Kai ai niu ngai y nai khumi ngiereichi ly dei areng ai khrei nai khumichi ne.

LEU KACHENG 8:36 ပူးပေါင်းရင်းမြစ်များ

JOBA 35:6

Nang kamngo sa nai khala, huni kamngo my Tameuh ai ati sai py khrukhra hai pajau y. Nang i tamang nai sai nawi baly, huni tamang naira my, mymy ai ati khrukhra hai pajau ai mo?

LEU KACHENG 1:31

Hunai deaungkho y nangchi ly nangmychi i hawi y sa nai lai amtym u ai; nangchi i sa nai leaungsaichi my, nangchi ai no hai au ai.

LEU KACHENG 1:32

Pany nai sai angym y nai khumichi ly cheng naira ai khai u su nai deaungkho y dei u ai. Khumi hawi y naichi ly ati sai py dawndan y naimy heng u rumrang nai y tama u nai ne.

LEU KACHENG 12:1

Tau cheng naira ai khrei nai khumi ngiereichi ly thui parip nai ai ngai nai ne; thui parip nai ai ngai y nai ly khumi ka-khum ne.

LEU KACHENG 15:32

Patiu pi nai ai tangai y nai khumi ly amy ai sum hai nai khumi ne. Thui parip nai ai tangai reng nai khumi ly cheng tleaung chengra ai.

LEU KACHENG 20:2

Kado theu nai samrang ai ly hang hai nai khrangsi ai jei nai kamta jei hyn ba. Ni i kado theu ai nai kachyh reng nai khumi ly amymy ai apadei ai hau nai khumi ne.

LEU KACHENG 21:6

Leu ka-chawi hawi nga nai yhmtheaung katui ly tui kamhui kamta tamo y rai khala, nang ai dei kho mang y ang vum hai reng nai ne.

ISAIA 3:9

Nichi i meimai awm nai sai my nichi teng y kamngo awm, nanai amny hai bo. Sodom mary i khumichi kamta, nichi ly kamngo amteng na pa-rei sa tamang u. Nichi ly taham si u bo. Mychi phra tleaung phra ra nai ly mychi naimy sa u nai ne.

JEREMIA 27:13

Ati mana nai y nang hawi nang i chengchi ly tavai keung y, ti y baly tahum takangra y, ti y baly no kanghawi y dei u ai mo? Babulon samrang i miseaung y awm y nai khumi cheng ly hina nai kamta lawm u ai, nanai Areng my leu pei bo.

Ezekiela 18:31

Nangchi i sa reng nai kamngochi khai su iy, paleung kangtha hawi paleung ka-dawn kangtha mang y amtlau u. Aw Israela chengchi awi, nangchi ly ati mana nai y dei ai nai ngai u lawh mo?

Ezekiela 33:11

Sa thai naira angym nai kai Areng ly Tameuh kangheng ne nai deaungkho y, kaimy kang thui pi nai ly ami mo leaungrei kamngo sa iy dei nai niu ai nai ngai y. Huni khumi kamngo sa nai anawn iy heng nai naini kaniu ai nai ngai. Nangchi Israela chengchi awi, nangchi i sa thym nai kamngochi anawn u jau; ati mana nai y dei ai nai ngai u lawh mo?

AMTAW 13:46

Naibaly Pawla hawi Bernaba ly khri pa-rei vam parai naimy thui hawi i, “Tameuh i leu ly nangmychi teng y thui man ai nai tla. Na i py nangmychi my paka ali veng i, deungtasarei heng ai ataing y nai apalawn u veng nai deaungkho y, khen cham, kaini ly Cheng Takhrachi mang y hi vui ai.

AMTAW 16:28

Na i py Pawla my athorei my, “ati sai py aso moh; kaichi hi y awm angym bebe mang,” nanai aeu.

I KORINTH 16:22

Ami py Areng ai tamen y baly amsawi lawi nai awm sy.

HEBRAI 10:29

hunaibaly Tameuh i Chapo ai kheu anui y chiu nai, mymy ai chai hai nai leu maikawm thi ai ly atiti rumrang y palawn lawh iy, pahenra Phailo ai pangaw hai nai keung i tlang tleaung y ly mana tanrei pajeng naira ty keh nai patang ai nai ataing, nanai mana dawn u mo?

HEBRAI 2:3

achi ly hina tanrei paheng naira aly len parai nai ai dawndan y baly mana tleaung thai rengrang ai mo? Huni paheng nai satang ly angchei khala y Areng ai teaung nai thui veng bo i, thai nai keungchi ly achi ai ang khaw pi;