LEU KACHENG 6:14 - Khumi Common Language Bible

¹⁴ Nichi ly ka-kawi paleung awm iy, teng y naira ai dawn u pasym jojo naimy, meingtym tleirei y ka-jo ka-thui nawi pa-rei sa u reng nai ne.

LEU KACHENG 6:14 ပူးပေါင်းရင်းမြစ်များ

SAM 140:2

Nichi ly hawi y sa ai nai avawrei dawn u iy, ajo ai nai leu pakei u jojo.

SAM 140:3

Nichi i palai ly thailai kaso nai pavui hawi atawm iy, nichi i leu ly thauvau i thailai hawi atawm nai ne.

SAM 36:4

Ni ly ira tleaung y aseaung nai thym khala, hawi y naichi dawn tau reng; ni i sa nai ngierei ly hawi y nai cheichei ne. Ni ly hawi y nai ai mana khala py khai su y.

LEU KACHENG 14:22

Pahen reng nai khumi ly amichi my ka-ym awm nai hawi, tahm khai nai avum ai; hawi y nai ai dawn tau reng nai khumi ly lam tamang nai khumi ne.

LEU KACHENG 16:27

Khumi hawi y naichi ly khumi takhrachi ai, patang hai ai nai lam hau u reng. Nichi i katheu nai leuchi malawn py, kang hai nai mai kamta ne.

LEU KACHENG 17:20

Hawi y nai ai adawn pasym reng nai khumi ly hawi naira ati sai py athang khai pajau y. Patang naira naini athang khai pajau.

LEU KACHENG 2:14

hawi y sa ai nai ngai iy kamngo naira y amo theu nai khumi,

LEU KACHENG 21:8

Kamngo awm nai khumichi ly lam ka-kawi mang tako u reng; kamngo by y nai khumichi ly kateng sa u reng nai ne.

LEU KACHENG 22:8

Adyh adawi y nai ti hei nai khumi ly patang nai amti amjangchi pakym achu ai. Huna nai khala ni ly ami i tlang tleaung y ana nai sai anawn ai.

LEU KACHENG 24:8

Hawi y nairachi avawrei dawn pasym nai khumi ai ly patang naira pei nai khumi, nanai khumichi my palau u ai.

LEU KACHENG 3:29

Nang i yhm deaungpachi tlang tleaung y, no nga hai ai nai ati sai py dawn reng moh. Ni ly nang ai ym naimy, nang i sahawi y awm nai khumi ne.

LEU KACHENG 3:32

Ati mana nai mo nabaly Areng ly hawi y sa nai khumichi ai niu ngai y i, khumi kahawichi ai ly mymy hawi amkawm hai nai deaungkho y ne.

ISAIA 32:7

Ni ly khumi hawi y nai ne i, hawi y nairachi naini sa thai khyh. Khumi kamawnchi i nga ai avo naichi ngo y vui ai nai, li-tapawp iy dawn pasym reng.

ISAIA 57:20

Na i py khumi hawi y naichi ly avaw by y nai tui sampyhchi my tabeang iy, aneaung kapan hawi cheaungnangchi amjau hai nai pangli tui hawi atawm nai ne.

Ezekiela 11:2

Tameuh my kai ai, “Nang khumi cho awi, hini mary theung y hawi y nai katau pei reng nai khumi kamngochi ly hini khumichi ne.

HOSEA 8:7

Nichi ly ali ai hei nai khala, kamchai tyn u lawh ai! Li i chohpui chomaw myn y baly tako ngo pajau y. Huni lira i chohpui chomaw myn lawh tei u py pri takhrachi cha u ai.

MIKHA 2:1

Ira tleaung y aseaung iy hawi y sa ai nai dawn nai khumichi ly taham si. Khawn khutawi nai khala, nichi ly sa ai nai lam nga phai nga baly, mymychi i hawi y nai ka-dawn sa u reng nai ne.

ROM AVANGCHI TENG Y PAWLA I CHA PA NAI 16:17

Naibaly amjo amnauchi awi, patiu nai leu nangchi i amtiu y nai mang y amprei naira hawi atlym naira sa nai keungchi ai ly hawihai khen u, naibaly nichi mang i nai hi vui ai nai kang takeng.