LEU KACHENG 5:2 - Khumi Common Language Bible

² Hunaibaly nang ly mana sa ai mo, nanai lam kateng pany ai. Nang i katheu nai leuchi py, cheng naira napi nai leuchi lawm ai.

LEU KACHENG 5:2 ပူးပေါင်းရင်းမြစ်များ

SAM 119:13

Kai ly nang i pei nai reita leu bawibawichi ai tao pajeng parai naimy kathui ai.

SAM 45:2

Nang ly khumi neangneangchi tleaung y mo-cha hawi nai ne. Vang teng nai leu katheu reng. Hunai deaungkho y Tameuh teng i amtheaung naira nga jojo nai ne.

SAM 71:15

Kai ly nang i hawi nai sai kathui ai; nang i atleu nai ly kai i pany nai tleaung y thiu parai nai ne; na i py huni pahen nai satang ai kai ly kani khengrei thui ai.

LEU KACHENG 10:21

Khumi kahawi i leu ly khumi neangneangchi ai hawi hai ai. Na i py khumi hawi y nai ly amymy ai dei ai nai pa-rei tym hai pajau.

LEU KACHENG 15:2

Cheng nai khumichi i leu ly pany thai nai cheng nai kamlau katheu reng; na i py khumi ka-khum i labeaung ly ka-ym by y nai leuchi katheu reng nai ne.

LEU KACHENG 15:7

Tau cheng naira ai ahei hai nai khumichi ly khumi ka-khumchi ny y i, khumi kachengchi ne.

LEU KACHENG 16:23

Tau cheng naira awm nai khumichi ly leu katheu y rai khala dawn pasym thai. Hunai deaungkho y katheu nai leu ly khumichi i paleung ai parawi pajau nai ne.

LEU KACHENG 20:15

Cheng nai leu ly muku, ti y baly amia lengseaungchi tleaung y vang teng keh.

LEU KACHENG 3:21

Deang awi, nang i cheng naira hawi dawn pany praw thai nai cheng naira ai ly kry ba. Mana khala py nang hawi amprei hai vui moh.

Solomon i khulym 4:11

Kai i paleung pathym tlawn na pa-rei khrei nai awi, nang i labeaungteng ly khawi byn kamta leaung na bo; nang i palai ly kai i vui y sikanu hawi khawi hang kamta ne. Nang i ateaung alangchi ly Lebanon mawi i mui katui hawi amseaung nai ne.