LEU KACHENG 5:12 - Khumi Common Language Bible

¹² nangmy i paleung y, “Kai ly thui parip nai leu tangai ai nai ngai y lawh mo? Khumi takhrachi i parip nai ai py, tangai ai nai ngai y lawh mo?

LEU KACHENG 5:12 ပူးပေါင်းရင်းမြစ်များ

ATITI AWM ANGCHEI NAI 19:9

Na i py khumichi my, “Leh veng, nang ly cheng takhra teu! Kaichi ai leu pei nai nang ly ami mo? Nini avum ai nai tleaung y ly nang i tlang tleaung y hawi y keh nai tym lawh na,” napi u bo. Nichi ly Lota ai nui vui iy, katheu taphra ai nai atho sa u.

2 NENG SATANG 25:16

Huna nai khala y Amazia my, “Kaimy nang ai mana khala samrang ai tau pei nai keung y kang khai mo? Nang ly awm pypy, ti y baly kang padei vui ai!” napi. Amo my ly “Nang ly hini atitichi sa iy kai i tau pei nai dawndan y lawh baly, Tameuh my nang ai padei ai nai dawn yb nai vai ly kai pany bo,” nanai thui chum baly sai py katheu y naimy awm pypy bo.

2 NENG SATANG 36:16

Na i py nichi ly Tameuh i amtaw thauchi ai panui hai iy, leu pei nai tangai u y. Amochi ai panui hai u bo. Na i py kangkhym y Areng ly khri pa-rei kado theu nai deaungkho y, nichi tleaung pajau ai nai pei y.

SAM 50:17

Nang ly kaimy kang thui kang parip nai ngai y lawh; kai i reita leu pei nai khai su bo.

SAM 73:22

amso tawnbawi kamta akhum nai deaungkho y, kai ly nang i mo y cheng naira by y.

LEU KACHENG 1:22

“Khumi ka-khumchi awi!, nangchi ly mana tanrei akhum naimy awm ai nai ngai u nai mo? Nangchi ly cheng naira ai mana tanrei mei aniu y nai sa iy, amo theu u ai mo? Nangchi ly mana khala py, ka-dawn pany u vau nai by y na mo?

LEU KACHENG 1:25

Nangchi ly kai i tau kang pei nai bawibawichi py dawndan y i, kai i kang parip naichi py, nangchi ly ngai u y lawh.

LEU KACHENG 1:7

Areng ai jei kaji naimy tahm khai nai ka-dawn ly tau cheng naira i pakeung sangum ne. Khumi hawi y naichi ly cheng naira ai tahm khai u y; amtiu ai nai py ngai u y.

LEU KACHENG 10:17

Thui parip nai ai tangai nai khumi ly heng ai; na i py amymychi i katamang lai ahui y nai khumichi ly ka-jeira avum ai.

LEU KACHENG 12:1

Tau cheng naira ai khrei nai khumi ngiereichi ly thui parip nai ai ngai nai ne; thui parip nai ai ngai y nai ly khumi ka-khum ne.

LEU KACHENG 13:18

Thui parip nai ai ngai y nai khumi ly ngari kamtang avum iy tahm anem ai; thui parip nai ai tangai nai ngiereichi ly tahm khai naira avum ai.

LEU KACHENG 15:5

Ampo i thui parip nai ai dawndan y nai khumi ly ka-khumcho ne. Ni i thui parip nai leu tangai nai khumi ly cheng nai khumi ne.

LEU KACHENG 5:11

Nangchi ly tlum tlang atho bai iy dei ai kasa nai khala, ira tleaung y tangam nai thym khala,

LEU KACHENG 6:23

Reita leuchi ly maisi yhm kamta ne i, nichi i ang thui pi nai leuchi ly kangvang hawi atawm. Nichi i thui parip nai leuchi ly nang heng ai nai lam patei pajau.

LEU KACHENG 8:36

Kai ai hau iy niu y nai khumi ly amymy ai no patang hai nai khumi ne. Kai ai niu ngai y nai khumi ngiereichi ly dei areng ai khrei nai khumichi ne.

JEREMIA 44:4

Kai ly kaimy i miseaung amochi ai, nangchi teng y avaw avawrei kang pato pi nai ne. Amochi my py nangchi ai, kai i niu ngai y nai amso ngai naichi so y ai nai ang thui pi.